بحكي لكم قصتي مع معلمة التاريخ يوم كنت ثاني متوسط
كانت تشرح وانا ماااش موفاهمة رغم انها قصة تاريخية بس فهاوة مالها علاج
المهم كل اسبوع توقفني ليش ماحليتي الواجب وتعبت من هالوضع وقررت اجننها
وجيتها بدون دفتر قالت وين دفترك قلت انسرق هههههه (ارحميني بس لا يكون ذهب)
قالت ياشيخة هذه حجة جديدة طييييب اوريك
انا ولا همني تبلد ياكافي
شوي ارسلت طالبة وما دريت الا مسطرة خشب طولها حول 40سم
وتجي توقف قدامي
وعيونها يتطاير منها شررر حتى بغت وحدة تحرق مريولي (امزح امزح)
قالت افتحي يدك
وامدها لها وطراااااااااااخ 6 ضربات في كل يد 3 
واجلس
اسبوع غايبة ماعاد اقدر امسك القلم عشان اكتب لها الواجب وقالت تعيدين
الدفتر كامل حصة وواجب واشوفه الاسبوع الجاي ولا لاتدخلين حصتي
واخذ
دفتر صديقتي وانقله واجيبه فرحانه وفي نفسي اليوم بجلس وماراح اوقف وتجي
الكتب عليه وتحشره ويتعفط من الزاويا وانا مدري فرحانة كملت الدفتر قالت
يوم شافته وين حاااطته ببقشة
يافرحة ماتمت وتاخذه وتصححه بعد طلوع الروح وانتظم معها لنهاية الفصل..وسلامتكم
لو كان بالفصحى لكان أجمل
عندك تمكن في الكتابة بأسلوب طريف
أجدت
أختي الفاضلة