هذه قصتي من سنتين، شورو علي ..

السلام عليكم ورحمة الله وبركاته ..

كيفكم خواتي، بدخل بالموضوع ع طول ..
انا عمري ٢٠ وكان وزني ٥٠ وهو مناسب لطولي جت فتره بديت انحف فيها بشكل موب طبيعي لدرجة خلال ٣ شهور نزلت ٧ ك، ومن بعدها صار وزني ينقص،، حاليا ثبت ع ٤٠،
وجلست بعدها سنتين احاول اسمن فيها بشتى الطرق مانفع معي شي، طبعا معها اعراض تعب اللي ماقد شافني من زمان يسالني شجايني..

مابي اطول عليكم ..
فحصت لكشف شامل طلع عندي فيتامين "د" ٦
يعني نقص حآد، والكالسيوم ناقص قليل، هذا غير الاشياء اللي فيني واعرف عنها قبل ..
والآن آعاني من، نحف + تساقط شعر + بشره شاحبه + آلم في العظام + وخموول ..
ونسبه كبيره من هالاشياء بسبب فيتامين "د"

وصفتلكم حالتي بشكل مبسط فياليت اللي مرت عليها هالحاله او تعرف احد او عندها خلفيه وتجربه ياليت تساعدني ..

ابي فيتامينات او برنامج غذائي مناسب لي،
وبنفس الوقت يسسسسمن << اهم نقطه ..

علماً اني جربت الموسيقور بس تنوم، و أومقا3 فادتني بس قليل، وهيردال ماشفت منها الا الطول مغطتني وتركتها، وفيتامينات من الحبيب مادري شسمها علبتها للحين عندي بلعها عسر وتركتها سعرها ٢٦٥ ع م اظن، وجميع الحبوب اللي ع شهر واللي ٣ شهور .. غير انبولات الشعر اشكال والوان .. وغير الاعشاب الطبيعيه وحلبه وغيرها..

تكفووون ساعدوني ..
وشاكرررره لكم طولة بالكم علي،
تعبت وانا اكتب ياليت الردوووود،، ودمتم .