هذي قصة ولادتي مثل ماوعدتكم (باختصار)

السلام عليكم ورحمة الله وبركاته
شكرا لكل أخواااتي اللي هنوني بولادتي :)وسامحوني على التأخير وهذي هي قصة ولادتي مثل ماوعدتكم.
أنا طبعا عادة أول ما أدش التاسع أولد, لكن هالمرة حسيت بآلام الولادة من السابع وزاااااادت في الثامن وفي آخرا سبوع في الثامن عااااانيت أكبر معاة كنت أحس إني بولد في أي لحظة واترقدت في المستشفى ودخلوني غرفة الولادة....ولاشي فايدة ...آآآآلام فظيعة بس الله ستر ماولدت.المهم قالولي عملية لأن البيبي دقات قلبه سريعة جدا وأنا ضغطي مرتفع وهالشي خطر طبعا المهم ماكان لي إلا الدعااااااء وسبحان من يجيب دعوة المضطر..! راحت الآلام تدريجيا وبعد 3ساعات تقريبا بدت تجي الآلام واتروح وايحطون الجهاز مال الضغط والقلب وايشوفون إن في وجع...لكن بدون ولادة سبحان الله! المهم طلعت من المستشفى لأني تعبت من الفحص الداخلي وجلسة المستشفى:icon33: واستمر الوجع على هالحالة إسبوعين شفت فيهم العذاااب صدق لكن الحمد لله.المهم يوم جت ساعة الولادة الحقيقية ماعرفت أفرق بين ألم الولادة والآلام اللي تجي واتروح وسرت المستشفى على أمل إني أولد متأخرة(اليوم أو بكرة) لكن والله يابنات إن الله ستر علي ما ولدت في السيارة(ما شاء الله) جاني الوجع بسرعة والحمد لله وصلت أقرب مستشفى وولدت بالسلامة :icon28:.الله يجعل ولادة كل اللي تقرا موضوعي سهلة يارب. ودعواتكم لي وللمولود يابنات لأنه جاه بوصفار واترقد في المستشفى.الله يبعد الشر عن كل الأطفال. وسلاااااامتكم.