هذي مشكلتيني الحاليه يا بنات😵‍💫

الأولى زوجي
لما نجلس عند التيلفزيون هوايته
البرامج الوثائقيه أو السياسيه
يعني كلام كثير يكون
وعادي مافيها شي
لكن المشكله يضبط الصوت على
أسرع شي!
ويركز ويسمع ويفهم.
أنا أنزعج وأتوتر مره
وأحس إني أركض
أو كأني في هوشه
أقوله لاتسرع الصوت
خله عادي ترى أصدع
وتراه يضرك وإنت ماتحس
وفعلا هو يضر المخ ويضر الإستيعاب
ويخلي الإنسان قليل صبر
يقول أنا ماعندي وقت
وأبي أشوف أكثر من يوتيوب!

صرت أتنرفز منه
وإذا قمت لمكان ثاني يرجع الصوت
طبيعي شوي ثم يسرعه
المشكله أنا أكون ع الجوال لأن برامجه ماتعجبني
وما أنتبه لأنه مسرع الصوت إلا بعد ما أصدع .

يمكن مهي مشكله بس والله انه ينرفزني
جداااااا.
حتى لما يحط أغنيه يابنات يسرعها😩😩😩


المشكله الثانيه عندي صديقه أعتبرها
أخت
موضع سر
وسند وحنونه وكل شي
لكن مشكلتها تحب التفاصييييل
يعني مثلًا بتقولي انها قامت تشرب مويه
تعلمني بكل التفاصيل
الساعه وحده تقريبا أو وحده ونص
قمت وأنا عطشانه ورحت أشرب
وكان زوجي نايم جنبي ماجا إلا على الساعه وحده كان معزوم عند صديقه بمناسبة تخرج
ولده من الجامعه جايب نسبه حلوه ماشاء الله
وراحله هو وفلان وفلان. وأنا رحت لأختي سهرت معاها لين ١٢ ورجعت..........لين تعلمني زبدة الهرجه وهي إنها شربت مويه بارده والتهب حلقها!

ولو تبي تعلمني بسالفه صارت في جلسه عائليه تعلمني بكل الكلام الي انقال وحيثياتهم وكلللل شي.

وشوفوا في الجلسه أنا وياها كم سالفه تقولها وكم من التفاصيل الممله تعلمني فيها!

ساعات أقاطعها وأستعجلها لكن سبحان الله
ترجع لأول الهرجه!

طلعت معها اليوم بفضفضلها متهاوشه مع زوجي
قسم بالله ماقلت سالفتي على قد ما سولفت وتكلمت !

وفي المقابل أحبها وأحب عائلتها لكن كيف أخليها تترك هذا الطبع

وسلامتكم
تراني منفسه ذا اليومين🔫🔫