هذي ملاحظتي الفرق بينا وبين جداتنا

السلام عليكم ورحمة الله وبركاته


شلونكم بنات
الله يطول شعوركم ويكثفها ويزينها وانتم بصحة وعافية
لاحظت إن كثير مننا حنا البنات أو بعضنا في هالزمن نخلط خلطات ونجمع مواد كثيره ونحطها على شعورنا
مثل الحنة والسدر والزيوت والبيض والقاز والكريمات والأعشاب وغيره وغيره وغيره
ونقعد نحسب الوقت ساعتين او ثلاث او سبع ونغسله بشامبو
وبعدين ممكن نحط عليه أشياء ثانية وننتظره ينشف وبعدين نمشطه
وحركاااااات كثيره وتعب ... وبالأخير بعضنا يتساقط شعرها وبعضنا يتخشن
وبعضنا ماشاء الله لا إله إلا الله يستفيدون من هالتخليط
في حين أمهاتنا وجداتنا ماكانوا يسوون كثر اللي نسويه
أغلبهم يحطون اللي يتوفر عندهم من مشوط مثل زيت او حنه او كريم وغيره وتمشط شعرها وتلفه بسرعه وتروح تنشغل في تدبير شؤون حياتها وحياة بيتها .. أصلا ماعندها وقت
ويقعد الزيت او المشوط أياً كان في شعرها بالأيام وممكن اكثر من اسبوع
ومع ذلك كثير منهم عليهم شعر لا إله إله الله يهبللللللل
أعتقد كثرة اهتمامنا وكثرة غسلة بالشامبو تقطعه
واعتقد إن المشوط تزيد فايدته إذا طول بالشعر مثلا يوم يومين ثم نغسله
واعتقد إن فيه بنات ينفع معهم الزيوت وبنات تطيح شعورهم الزيوت وماينفعهم إلا الكريمات وناس ينفعهم شيء ويضرهم شيء وناس العكس وطبايع الشعر تختلف من وحدة لوحدة
واعتقد إن الشعرة مثل النبات اللي يحتاج سماد يعني تحتاج مشوط دااايم تستخدمينه وموكل شوي تغيرين لشيء ثاني والنتيجة يبيلها تقريبا سنة على ماتبين
ملاحظاتي ممكن صح وممكن خطأ عشان كذا الباب مفتوح لنقاشكم والاستفادة منكم .. وشكراً