هرج قصمااااااااان (ملطوش) من قصيمية

يتطنز : مأخوذه من كلمة (طنازه ) يعني يستهزي
ومره شطفت بيت جيراننا اللي قدامنا وسمعت بنتهم الصغيره تضرب اختها اللي اصغر منها وتقول : ( يا دوبـيه لا تتطنزين يا حصيصه يا ام شويشه ) <<--- ترا القصمان عليهم سوالف مدري وش تبي

يوويق : مكونه من كلمتين (يو)و (ويق) وتنطق مره وحده
وتعني قااعد يناظرنا ودايم يقولونهاالقصمان اذا واحد قعد يناظرهم مع الدريشه او من السطح :ويقولون : اللي ما يستحي يوويق علينا من الدريشه

قوه : تعني يالله مشينا /مثل :قوه للسوق /اي مشينا للسوق
وهي مأخوذه من الأنجليز لان عندهم كلمة ( go ) وتعني مشينا بالعربي

بوه : طبعن هذي الكلمه مشهووره في العالم كله وداايم يقولها اللي يتطنزون بالقصمان وهي تعني : موجود او ( فيه )
ودايم اخوي يقولي بوه حطب فوق الملحق / يعني موجود حطب فوق الملحق

مرتز : يعني جالس ودايم يقولونها القصمان على النشبات واللزقات
مثال / فيه واحد غثيث دايم يجي عندنا بالمحلق ويجلس بالربعه <--(بالزاويه)
فدايم نقول عنه : والله دايم يجي يرتز بالربعه حقت الملحق
يعني دايم يجي يجلس بالربعه

هج : يعني اهرب او انحاش

هج البااب : يعني افتح البااب/ او الباب مهجوج : يعني الباب مفتوح

الباب مدلوق : يعني الباب مطرف او الباب مسكر الا شوي/ او ادلق الباب : يعني طرف الباب .

صبخ : يعني ضرب اوصفق ولكن تكون الضربه او الصفقه قويه
منها :

صبخ بالباب : يعني صفق في الباب او سكره بقوه / ومره سمعت اخوي يقول لخوي الكبير سالفه .
يقول اخوي: تهاوشت مع واحد ونزل من السياره وصبخ بالباب
يعني صفق بالبااب وسكره بقوه

أنصل : اول شي بقولكم وشلون تنطقونها صح

تنطق بتفتيح النون وتشديد الصاد وتسكين الام << على ما اظن كذا

ومعناها : لها اكثر من معنى اي / حسب مكانها بالجمله

بعض الأيام تجي بمعنى( اطيح) زي ما قال عبد العزيز الهزاع في مقابلته في صادوه يوم قال : انصل من البرج / يعني اطيح من البرج

وتجي بمعنى (هجيت او هج) نعطيكم مثال وفي المثال يتضح المقال
مثل : والله انصليت من محمد / يعني ( هجيت وما درى عني محمد : او هجيت بخفيه )
او انصل من محمد / اي ( اهج من محمد وهو ما يدري )
اتمنى انكم فهمتو هالكلمه بالذات لانها كلمة قصمان ومهب اي قصمان شيباان بالحيل ....

كود : تعني (لازم ) مثال : كود اروح لمه بالبيت / يعني لازم اروح لمه بالبيت

حذافيره: عطيتها معنى عام لها لنها يأتي معناها على حسب مكانها بالجمله وعطيتها معنى ( طبق الأصل او بالضبط )
مثال / مره شفت وااحد يشبه لمحمد بحذافيره
يعني /شفت واحد يشبه لمحمد بالضبط

واخيرن نقولكم ادوات التمني عند القصمان << يعني ( ليت ولعل وطقتها )

غديه : تعني ليته : طبعن هالكمله تثير الشفقه والرحمه عند القصمان
لانه الواحد يقولها اذا كان محتاج لحاجه
مثال : واحد يبي سلف فلوس وجاء في باله واحد من اقرباه او اخوياه..
راح يقول في باله : غديه يسلفن / يعني ياليته يسلفني

كوده : هالكمه تختلف عن (كود) لانه اضيف اليها حرفين وهي (د)و(ه) وهالحرفين غير معنى هالكلمه تغير جذري << اصلح مدرسه قواعد
نعطيكم معنى الكلمه هذي
كوده : بضم حرف الها وتعني : ليته زي اللي قبل : بس هذي امممم مدري وشلون افسرها لكم بس بعطيكم مثال وان شالله تفهمونه
----
مثل واحد سوا عزيمه وعزم نااس وااجد وقاله اخوه لاتنسى ابوسليمان
اعزمه لايزعل
:طبعن راح يقول : كوده يجي للعزيمه / يعني ليته يجي للعزيمه << اتمنى انها وصلت زين

عارفه اني طولت عليكم بس هذي اخر كلمه

ياحلالات : هذي الكلمه مدري من وين جاايبنها القصمان
وتعني ليته زي اللي قبلهن
بس هذي بصرااحه اقولها داايم وانا معصبه يعني ما يقولونها القصمان الاا اذا عصبو : مثال / مره اختي الصغيره لبست جزمتي وراحت لمشوار
طبعن انا جيت على نياتي ادور جزمتي يوم قالي اخوي ان اختي اللي اخذتها وراحت
طبعن انا عصبت << ---------اجل استانست
وقلت يا حلالات تجي بس والله لاااوريها الشغل/ يعني ياليتها تجي والله لاا اوريه الشغل