كوبونات الراقية تسجيل الدخول

بنت الرياض حلاها N

هـ الأشياء الي تصير لي خيره أو ماحالفني الحظ !!ادخلوا واحكموا

الأسرة والمجتمع •


السلام عليكم ورحمة الله وبركاته

مراحب باخواتي الي ماولدتهم أمي (معتبرتكم فعلا الي تواسوني ومالي احد افضفض له غير الله ونعم بالله)
مالكم بطويله

انا ياحبايبي انسانه طموحه اقوى من الكلمه مش بس بمعناها يعني المستقبل مهتمه في لدرجة اني قبل انام اتخيل وش بكون بالمستقبل وحياتي انا شاطره في المدرسه تخرجت من الثانوي بنسبة ميه بالميه وخشيت قدرات وتحصلي ونسبتي بثمنينات وفوق ..طبعا اخوي الكبير قالي تحبين تبتعثين برا تدرسين طب قلت اكييد وكانت على حساب الدوله برنامج الملك عبد الله لان نسبتي عاليه جلست افكر اخترتلي المدينه بحثت عنها تعلمت انجليزي كثير خلال هالفتره طبعا سحبت على الجامعه على اساس اني ببتعث وقعدت في البيت احلم واتخيل مرت 5 شهور تقريبا وقالو تم قبولك رغم رفض الكثير من المسجلات للابتعاث يعني كانو 44 الف صاروا 16 الف مثلا وانا من ضمنهم بشرت امي وجاء وقت انا نسافر قبلها باسبوعين اخوي قال لامي انه مايقدر يسافر وعمله مايسمح وهالاشياء لانه محرم بكيت صح عشاني حطيت امال بس تذكرت انها خييييره من ربي يمكن نموت هناك وبديت اواسي نفسي ومازلت طموحه عدت سنه وسجلت في الجامعات وماحصل قبولي بطب (الحمد لله ما كان ميولي له بس اهلي حابينه) انقبلت بقسم تحضيري لتخصص احبه واميل له بقووه الزبده عديت السنه التحضيري وجيت على النتايج وظهر لي اني قبلت بتخصص اخر غير الي تمنيته ورضيت بقدر رغم ان معدلي عالي دخلت على التخصص ال2 وماعجبني ولا حسيته ميولي وهو يميل للرسم وانا اكره هالشي قمت حولت فصل دراسي ثاني لتخصص اخر يختلف عن الي قبلهم

الزبده هالتخصص حلو بس مشكلتها اي بنت نسبتها عاديه تدخله انا على كذا متحططمه احس جهدي وتعبي ضاع وامالي وطموحاتي صارت تراب كان ابوي يلقبني بالقاب فخر وبالاخير ماصار الي تمنيته قعدت افكر اقول يعني انا صدق حظي طايح ليه بشي الي احبه واتمناه وافكر مايصير انقهر لو سمعت ان بنت تخرجت وصارت ...... احس يجيني قهر بس يعلم الله مش حسد بس اتذكر نفسي بديت اكره نفسي واسب نفسي بالفشل والترم الثاني بتبتدي دراستي واحس باحباط مالي نفس اكمل وحتى ما اضمن مستقبله بديت احمس نفسي اني راح ادرس هالتخصص واجيب امتياز وادرس ماجستير ودكتوراه بس اوسوس عن مستقبله بذات كثير بنات عاطلات ومتخرجات بتخصصي وانا اتمنى الوظيفه

طيب يابنات قصتي طويله حاولت اختصرها ابيكم تنصحوني انا صدق مزودتها بتفكير عن المستقبل والوظيفه ولا هذا المفروض لكل بنت طموحه يعني نفسي انسى وابتدي ادرس بجهد بس اتذكر طموحاتي والفرص الي كانت بتصير واتحطم نفسيتي زفت ذلحين يارب لك الحمد
ثانيا يابنات مر عليكم بنات درسوا ماجستير و دكتوراه بعد وصاروا دكاتره في الجامعه لاني جد نفسي اصير دكتوره جامعه بس خايفه من المستقبل ادري الارزاق بيد الله بس اقدر احقق ولو نصف حلمي !

صلو على النبي
29
9K

يلزم عليك تسجيل الدخول أولًا لكتابة تعليق.

تسجيل دخول

بنت الرياض حلاها N
بنت الرياض حلاها N •
مشرفاتي حبايبي لا تنقلوه انا احب هالقسم
88لحظة غروب88
88لحظة غروب88 •
اللهم صل وسلم على نبينا محمد

ياقلبي انت اللى جالسه تحطمي نفسك
لأنك تفكري بالي فات

انا ادري انه قهر بس سبحان الله يمكن خيره
الله يوفقك ويسعدك ويرزقك بكل حاجه تتمنينها
أين أبي
أين أبي •
راح اقولك عن قصتي الي فيها شبه من قصتك انا من المتفوقات من صف اولى ابتدائي الان ماوصلت ثالث ثانوي جتني حالة والله مادري ايش هيه برود وحتى معد اشوف زين اشوف زي الضباب وجبت نسبة تفشل على اني علمي دخلت قسم ادبي في الجامعة مايمت للعلمي بصلة ودرست وكملت هاذي حياتي ومع ان الكل كان ينظرلي نظرة اني بصير مرة فوق بس سبحان الله نسبة ثالث ثانوي نزلتني اسف السافلين والله مو مني جاني شيء مو طبيعي وشوفيني عايشة الحمد لله ارضي بالمكتوب وانصحك تكملين ماجستير ودكتوراه لأن البكالوريوس الحين مايسوى شيء
nada8909
nada8909 •
بنت الرياض حلاها N بنت الرياض حلاها N :
مشرفاتي حبايبي لا تنقلوه انا احب هالقسم
مشرفاتي حبايبي لا تنقلوه انا احب هالقسم
شوفي حبيبتي كل وحدة كانت تحلم بتخصص ونقبلت بتخصص ثاني ، انا كنت اطمح في تخصص بس قدر الله وقبلوني في جامعة الملك سعود قسم تاريخ وزعلت وسبحان الله بعد ترم جبت معدل مرتفع واهلي قالو حولي قلت لا حبيت القسم وكل مستوى احبه اكثر والحمد الله تخرج الترم الي فات ومعدل مرتفع مع مرتبة الشرف ،والان سجلت ماجستير ، وسجلت في الاعادة "معيدة" بس تو ما ظهرت النتائج ، بس اهم شي انك مرتاحة في قسمك ولا يهمك احد الرزق بيد الزراق . وان شاء الله تصيرين استاذة في الجامعة .
أم شامخ
أم شامخ •
اكيد كل شي يسير لنا خيره من رب العباد وانصحك بالاستخارة قبل اي عمل مهم لك 
وماقلتي لنا ايش هوه تخصصك اذا حيا الله قسم وخريجاته بالهبل فالله يعينك اذا تفكيرك كله بوظيفه حكومية عز الله شاب راسك وانتي تنتظريها 

ليه ماتخصصتي انجلش تخصص جدا مقبووول واحتياجه بالتعليم وغير التعليم 
والله يوفقك ياارب