ياقلبي ان شاء الله ربي بيعوضك خير وماتدرين لو هي خيرة الله يوفقك ويسعدك ونصيحتي حصني نفسك دايم

قصتي تشبه قصتك ..

انا زيك كنت شاطره نوعا ما وعندي طموح ككككككككككككبير وكان نفسي ادرس برا بعد ماخلصت الثانوي قدمت بعثه وسحبت اوراقي بأخر لحظه بسبب ظروف شخصية
سجلت بالجامعة تخصص قريب نوعا ما من الطب *تغذية* كنت حريصه ماتروح عليا السنة ودخلت الجامعة ونزل مستوايا شويا بأول سنة ونص بعدين شديت حيلي واخدت صيفي الحمدلله دحين معدلي جدا كويس وراح اتخرج السنة دي قبل دفعتي ماشاء الله وراح اقدم بعثة ان شاء الله لانو معدلي يسمح
والحمدلله مره مو ندمانه بالعكس احس دخولي للجامعة خلاني اكبر شويا وافهم واستوعب ويمكن لو طلعت برا قبل الجامعة افشل وارجع يمكن لو قدمت طب ما امشي فيه الحمدلله على كل حال

انتي اذا مره مو متقبله تخصصك شدي حيلك وحولي مافيها شيء ايش وراكي بما انك طموحه حتى لو طولتي بالدراسة عادي نص بنات قسمي عندهم 2 او 3 وماشاء الله متفوقات
واذا مره نفسك بالبعثه روحي كملي ماستر برا اشرطي ع اللي يتقدملك دحين الرجال يبغوها من ربنا

الله يوفقك يارب ويسهلك امورك

يحق لك تحزني 

لكن صديقني الطموح ما يوقف علي كذا

حاولي تتميزي بقسمك

يمكن اذا خلصتي بكلوريا تحصلي بعثة