عزيزتي مهى .. اسعد الله اوقاتك ..
يعني حسيت من وصفك انك رومانسية وخيالية شوي .. واجبرتيني ارد عليكِ لاني حسيت فيكِ ..
بعدين تعالي هون ......... من ايمتى انتِ ما بتحبِ الضيوف وغلبتهم .. يا بنت الحلال جنة من دون ناس ما بتنداس .. يعني لما تروحي اذا ما الكل اجا واستقبلك وسلم عليكِ كيف بدك تشعري بمحبة الناس ..
وبعدين لو انتِ ما بدك تتغلبي ..كيف بدك تجيبي غنم و تجيبي وحدة تحلب ..لو حتى بس للفرجة !!!
على كل حال انا لو محلك ..بسوي هيك
السنة هاذي بعمل مخطط لبيت كبير وواسع .. وببدأ بالعمل ..ومش شرط ينتهي العمل هذي السنة ..
السنة الجاية بتكملي البيت وبيكون كل شئ تحت اشرافك .. او ممكن تكلفي ناس ثقة يتابعوا كل الامور وترجعي وتلاقي البيت زي ما بدك .. مع اني انصحك انه تعمليه على مراحل لعدة اسباب
اولا ما بتشعري انك مضغوطة سواء ماليا او معنويا ..
ثاني شئ بيكون تحت اشرافك ..
ثالث شئ بيكون ممكن وقت عودتك النهائية اقترب .. وبتصيري تأثثي شوي شوي ..
بيكون كل شئ على راحتك بتختاري كل شئ بتمهل وروية ..
وفي النهاية بيكون عندك بيت الك ولاولادك وحوليه حديقة ... بس لازم يكون زراعة الحديقة من البداية حتى تكون في كامل روعتها لما ترجعي بشكل نهائي ..
هذا رأيي يا عيوني ..واتمنى اني اكون وفقت في نقله ..بارك الله فيكِ والله يوفقك لما فيه الخير لكِ

انا رأيي بيت العمر "فيلا " أفضل لك ولأولادك فكري في المستقبل بكره اولادك بيكبروا وبتجوزو ويصير عندهم عيال وان شاء الله يجمعكم بيت العمر على خير00000

وانا وزوجي من فتره نفكر نشتري بيت في الاردن0000لكن زوجي يبغى شقه في عمان

وانا ابغى بيت ريفي 000في اربد تكون حواليه ارض واسعه مزروعه زيتون وفاكهه وخضره

وفيها نافوره كبيره وواجهه البيت تكون حجر واربي فيها حيوانات00000وللحين ماتفقنا

طبعا لا تقولولي ابني فيلا000وبيت العمر00

لان بيتنا في الرياض فيلا كبيره وملك لنا لكن نبغى بيت للتصييف00

بما انكم عايله صغيره ابنو لكم بيت ريفي صغير وحلو...

والله احلى من البيوت الكبيره..واسهل فالتنظيف ...وممكن فالمستقبل اذا كبرة العايله تبنو لكم طابق ثاني..

وطبعا الاستخاره اهم شي...والله يوفقج اميين

مشكورات حبيباتي على النصائح الأكثر من روعة :

لكن في نقاط مهمة ممكن تساعدكم بالتفكير معي :

أنا مغتربة ولكن بصراحة مش حابة أرجع الا مطرودة وبس !!! اما باختياري ما أظن لني تعودت واولادي تعودوا على دبي .

أرضي في منطقة قروية ( لا مطاعم فاست فوود ولا شي تاني ) في بالمدينة القريبة يعني 10 دقايق بالكتير .

بناء البيت لازم زوجي يكون بنفسه ويشرف على العمال يوم بيوم وما بيركن على حدا .



ماما رويدة :

أنا قصدي أنني لما أروح الصيف 3 أسابيع معقولة إني أقضيها بالمطبخ ؟؟؟؟؟؟؟؟شاي
بطيخ
مكسرات
عشاء !!!!!!!!!!!!! هذا اللي يفلق بالعادات والتقاليد ( زوار بعد المغرب بيلحقوا العشاء)

بصراحة هالمشكلة حليتها وشغالتي راح تنزل معاي لكن هالعملية كلفتني 11 ألف للشغالة الجديدة حتى تنزل معي للأردن .

الزوار بييجوا : حرام لو جبتي لإبني متل بنطلون ابنك ؟؟؟؟؟؟؟؟؟؟؟؟( معقولة أجيب ل60 طفل بنطلون متل اللي ابني لابسه ب100 درهم ؟؟؟؟؟؟؟؟؟؟)

زوجي بيصير يحلف : روحي بدلي للولد وأعطيه البنطلون للي طلبه ويحلف ويحلف وأنا هالحركات ما بحبها أبدا أبدا .

صحيح أنا ما خبرتكم :

نوينا هالسنة نشتري أرض أكبر من الأولى بكثير نفسي تكون 5 دونم لكن الأسعار بارتفاع مستمر وهالمرة تكون الأرض أبعد شوي عن القرية كمان حتى تكون مفتوحة عالسماء وماحد يزعجني ( أنزعج من صوت العصافير )