صح كلامك يا مهى - الأراضي والبيوت صاير سعرها مش طبيعي غالية كتير - فارت فورة وحدة

الله بيهين والله !! والرواتب متل ما هي لا بتزيد ولا حبة !!! وكويس لو بينقصوها كمان !!
والبترول زاد والمدار س الخاصة زاردت 20 % .
حتى مركز تحفيظ قرآن كنت ادفع لابني مبلغ بسيط نوعا ما هل صار ب5000 درهم بالسنة يعني كانه قسط مدرسة .

اختي مهى زي ماقالت احد الاخوات ابنوا البيت شوي شوي مهب لازم

بإجازه وحده واهم شئ توقفون البيت عظم وتخلون الاصباغ والديكورات

والسراميك وخزف الحمامات قبل تسكنون بفتره لان اكيد لهذاك الوقت

يكون نزل اشكال جديده وبنفس الوقت لم تسكنون بيكون البيت كانه توه مبني

والله يجعله منزل مبارك..

بعدين انا مستغربه يعني بالامارات ياخذون فلوس لتحفيظ القران؟؟؟

بالسعوديه يعطون مكافأت ماليه كل شهر في مدارس تحفيظ القران

يمكن في شي ببلاش لكن هالمركز يمكن لأنه للأطفال وهم بيعتنوا فيهم كويس والله وكل يوم 4 ساعات ومعاه باص .
كان زمان 2000 وكان مقبول لكن 5 كتير والله .

عزيزتي مهى...
كيفك وكيف اخبارك؟
شوفي يا ستي...زي ما قلتي اسعار الشقق والاراضي غليت كثير كثير...ولو ما شريت شقتي مثل ما انتي عارفة السنة اللي فاتت ...ما ممكن كنت اقدر اشتري زيها حتى لو كنت جمعت طيلة السنة اللي فاتت مبلغ 10000 دينار اردني وزدته على المبلغ اللي دفعته في الشقة ..لا في الموقع ولا المواضفات...لانه بجانب عمارتي بالضبط و بمواصفات اقل من مواصفات بيتي...سعر الشقة يزيد عن سعر شقتي ب 15000 دينار...غير عن اسعار المطبخ والكهربائيات وغيره....
يعني بالمختصر المفيد المبلغ اللي عم بتحوشيه مصاري بيفقد قدرته الشرائية اكثر من الارض او العقار...بس بدك تنتبهي على اشياء مهمة....مثلا الارض اللي بدك تبني فيها مخدومة من ماء وكهرباءوصرف صحي (لاني بكره اشي اسمه نضح)...مش مهم هاتف لانه الموبايل حلها... لانه هذا عامل مهم في تحديد امكانية البناء والتطور بها ام لا...يعني مثلا ممكن ما فيها خدمات بس قريبا راح توصلها هذا اشي منيح برضه...بس زراعية وبعيدة عن هيك خدمات (غير المستشفيات والمدارس ) وبدها اكثر من 5 سنين...هذا كثير صعب انك ترمي فلوسك فيها...لانه انا عندي ارض داخل عمان في منطقة شفا بدران اذا بتعرفيها (منطقة جدا هادئة ومليئة فلل بس معظمها عاملينها بيوت ريفية) محددلها على المخطط انه يوصلها الكهرباء من سنتين وخليناهم حتى يركبوا المحول في ارض ثانية النا وركب من سنة ونص ولهلأ ما وصلت الكهرباء...يعني الحبال طويلة خاصة للمناطق الزراعية...مش الصريح ..انا بقصد الارض الثانية (صحيح مبروكة عليكم ان شاء الله)....طولتها وهي قصيرة...انا كل قصدي اعطيكي صورة تفصيلية...
المهم يا عزيزتي...انا راي خليط من كل الاراء حسب الوضع اللي شايفته بالاردن....
انتي ابني بيت مؤسس ليكون بيت العمر برؤية عصرية وديكورات داخلية وخارجية وركزي على الخارجية...وطلعيه عظم....بيطلع ب 3 اشهر بالكثير...وكوني انتي وعمك اذا زوجك ما بيقدر على راس العمال لتشرفوا عليهم....وبعدين شطبي منه غرفتين نوم وصالة ومطبخ واسع وحمام يخدم الجميع (وياستي خلي الجاكوزي لك في الغرفة مثل ماقلتي) وسكري الباقي بطريقة مرتبة...واهتمي بالجلسات الخارجية يعني كانه بيت ريفي صار ...وكل اجازة شطبي جزء بسيط من الباقي...وخلي بتصميمك من البداية انه يكون قابل للتوسعة افقيا وعاموديا للمستقبل والاولاد ..او انه يصير الطابق الارضي( اللي تم بناؤه اولا) صالونات واسعة ومطبخ وحمام ضيوف وممكن غرفة نوم للضيوف بحكم انكم في منطقة بعيدة نسبيا والطابق العلوي للنوم والمعيشة ومطبخ خدمات...يعني انتي وشطارتك وشطارة المهندس المعماري...بس ابدئي وما تستني لانه كل مالها بتغلى والفلوس فقدت الكثير من قيمتها الشرائية ..بكل البلدان حتى امريكا...مشكلة الغلاء وخاصة في العقار عالمية...وبيظللك بيت العمر الهني السعيد الطويل ان شاء الله لك ولجميع افراد عائلتك
واذا كان على الزوار والضيافة..ما منها مهرب لو البيت صغير او كبير( ما سمعتي المثل اللي كل الناس بتاخذه حجة وبتمشي عليه :بيت الضيق بيوسع ألف صديق) ...لو مغتربة او عايشة بنفس البلد...الضيافة والعشاء للزوار ما منه مهرب لانه جزء من ثقافتنا وعاداتنا (واكرم ضيفك)...ويا ستي كما تدين تدان..ويظل بيتكم دائما عامر بالفرحة