شوفي ايام المدارس حلو انهم ينامو ع 9
اما في الاجازات اتفقي معاهم ع ساعه محدده ينامو فيها وخليهم هما يختارو الوقت
وقوليلهم خلاص من اول ماتجي الساعه اللي محددينها تنامو اذا اتاخرتو دقيقه احرمكم من اي شي هما يحبو اي باد تي في، وخليك متفقه معاهم ع هذا الاتفاق ولا تغيريه
وقبل موعد نومهم بساعتين قوليلهم ترى باقي ساعتين اذا تبغو تلعبو العبو
وبعدين قوليلهم باقي ساعه وبعدين باقي نصف ساعه بعدين باقي5 دقائق يالله اللي يبغ يروح الحمام يروح واللي يبغ يكمل لعبته بسرعه يكملها بعدين قوليلهم خلاص جا الوقت اللي اتفقنا عليهم
طبعا في البدايه صعبه عليهم يترجوك خلينا نص ساعه ربع ساعه انت خليك حازمه وقوليلهم ولا دقيقه اذا اترجوك بزياده
قوليهم بشرط بكره مافي لعب من اول ماتصحو لحدت الليل وانتو بهذا المكان ماتتحركو.فهما راح يخافو ويقولولك خلاص نبغ انام
في البدايه حق يومين ثلاثه بتعبوك بعدين هما يسالوك الساعه كم دحين باقي كم لحدت مايتعودو
وانت خلي نومتهم ع1 او 2 في الليل
انا هذا نظامي مع بناتي ،اكبرهم في المتوسط ومتعوده وراضيه لانها شايفه الكل نايم
حتى ايام المدرسه قبلها بوقت قوليلهم باقي كم ع نومتهم عشان يتقبلو الوضع.مو ع طول يالله نامو،راح يبكو ويتعبوك

انا مع كلام اساور ذهب


مرره حزنت ع ولدك خليه يسهر ترى قهر الاطفال يوجع قلوبهم ....
اجبري قلبه ربي يجبرك

انا باوقات المدارس نفس الشي معودتهم تسعه ينامو واحينانا بينامو قبل.بس اولادي بينامو بارادتهم لانه بيصحو سته الصبح وما بياخذو قيلوله.حتى وقت الاجازة لو بدهم يسهرو بالكثير لل 11 .اكثر من هيك هم نفسهم ما بيقدرو لانه اتعودو عالنوم بدري من اول طفل الى الخامس الله يحفظهم كلهم اتعودو على نفس النظام.المهم انتي مش ظالمتيهم بموضوع النوم بدري وقت المدارس .اما بالاجازة برأيي خلليهم براحتهم.

انا معاها

عندي بنت سنه ثاني ابتدائي في المدارس نفسك بس حاليا والله أخليها لين 3 وبعدين خلاص نوم حتى لو اني صاحيه للفجر هي تنام 3 ..

هذا نظامي مع عيالي رغم ان العمارة مليانه بعيال عمهم إضافة ما كان عندي تلفزيون لانة كان شرط في عقد زواجي عدم دخولة بيتي هو أصلا كان قاطه قبل زواجي بسنه والله أيام حلوه ماانساها كنا نجتمع واحكيهم عن الرسول والصحابة كانو يستمتعون وكان هدفي من تنيمهم بدري الصلاة أولا عشان مايتعبوني إلين ماتأصل حبها في قلوبهم وعشان مايختلطو كثير مع عيال عمهم اللي البنات والأولاد في الشارع الين الساعة 2اخر الليل لمن شفتهم طفشوا اشتريت تلفزيون اللي يكون الفديو اسفله يعني التلفزيون والفديو قطعة وحدة وصرت اجيبلهم اشرطة أفلام كرتون هادفة بدون موسيقى مثل الجرة والغلام والساحر وطارق بن زياد وقطز وكنت انا وزوجي نشتري اشرطة الجوالة لهاني مقبل وعيد الدوسري ثم دخلنا المجد والله كان زوجي يجي من الصلاة ويسلم على راسي ويشكرني على تربيتي لهم لان الرجال في المسجد يمدحون فيهم وفي اخلاقهم وصلاتهم ويجي اخر الليل من عزيمه والحريم مجتمعين مع بعض وانا معهم ويشوف عيال اخوانه في الشارع وعيالي نومتهم بعد العشاء على طول وتعالي شوفي فرحته بيه وبعياله والحمد لله ربيتهم واسستهم وهذاهم بالجامعه والثانوية ويتذكرون زمان وجلسات الصباح والحكايات صحيح تغير الحال بعد كبروا لكن حدهم 11اما في الاجازه والله النوم ملخبط فإنتي عوضيهم اجلسي سولفي معاهم اشغليهم بأشياء مفيده لكن صدقيني هو لصالحهم ربي يعينك على تربيتهم