كوكو3000

طيب حطي له واذا كان له اخوه اصغر منه مدرس او مدرسة اذا ولدك مو كبير خلي تجي للبيت وفضي غرفه لها وخلي تدرس كل عيالك لجميع المواد واشري راحتك بفلوسك وريحي مخك هاذي الطريقة اللي سويتها ونجحت وبقوهه

انتبهي لولدك اللي بالمتوسطة اذا يشرب كود رد او هيلوستن تراء اول شيء انهن خطرات ثانيا انهن يسببن ضعف للمدى الطويل ممقن يكون عجز جنسي كمان والمهم والاخير تراء هن اللي ينشطن وما ينام منهن انتبهي له ولازم تعلمينة وتوعينة وتهرجين علية وحتى لو توصلتي تفهمينه بالعميق بس علشان يفهم ويخاف من هالمشروبات

ولا يشربون اي مواد منشطة مثل القهوه والشاهي استبدلية بالعصير او الحليب

اجبريهم اول شيء ابدي بالاكبر واذا المغرب عشيهم كلهم وبعدين يالله دخليهم للغرفه ونوميهم اجباري وخلي الكبير اذا لاهي بروحة وغرفه لحالة بكيفة متى مانام بس هالصغيرين اللي يزعجونك نوميهم اول شيء اجباري وعقب اذا جاء وقت نومهم هم بينامون من تلقاء انفسهم وبعدين حاولي الكبارين تقنعينهم اقنااع مره مرتين 3 اربع عقب اجبرية وخلاص يبداء ينام جازيهم ابعطيكم كذا اذا صار كذاا وبينتهي الموضوع وادعي لهم وعطيهم حنان يعني مو لازم كل شيء جد وهواش وكل شيء بالقوة لاا صادقيهم مصادقة اكسبي قلوبهم تراء موعيب حتى لو كبارين تظمينهم على صدرك تراء يلين قلوبهم ويسمعون الكلام لان الشدهه عمره مانفع

وزي ماقلت لك غرفة وفري فيها العابهم وتلفزيون وعزليهم عنكم واذا حصل كام تشوفي اطفالك بدال ماتترددي عليهم



شوفي هذاا قولية صباح ومساء مع اذاكارك(حسبي الله لا اله الا هو علية توكلت وهو رب العرش العظيم// يكفيك الله مااهمك ردديها 7 مرات )) اسئلي مجرب خصوصا اذا تعقدت الامور وتوكلي على الله وبيصير اللي انتي تبينة اجبااااااري النوم لازم تعانين اول شيء وبعدين تطلعي بفايدةة اجباري يعني يالله ياروحي يالله ياقلبي تنامين بجنبها مثلااا وتسكري جميع اللبات وتنامون لمين تغط بالنوم وبعدين انسحبي بهدوء تجاوبي معهم بهدوء والكلام الحلو

تراء الامر بسيط بتلقين صعوبة اول الايام او اول اسبوعين وعقب يسلكك معك النظاام
فقط شوفي الداخل يعني تغذيهم حالتهم النفسية انك ماتعامليهم بعنف ترااء الكبير يحتاج ظمهه تنسية آلم المشاق والتعب وآلم الحياة تراء الدراسة ضغط عطوا عيالكم حقهم ولو بظمة ولو بالكلام الحلو بوسيهم مافيها شيء تكونين رقيقه مع عيالك قصي عليهم ضحكيهم
اول ماتتغيري بممقن يستغربون بس تستمري كل شيء بيسلكك معك وكل شيء انتي تبينه بيصير


لااتبخلوا عليهم عطوهم حنان مهما تكون الامور ليني معهم اكسري جانب العنف والشدهه
لااتخلين عيالك ينامون ويصحون وماتدرين وش عندهم اسئليهم هاه وش سويتوا بالمدرسة لعبتوا كورة مشاء الله سجلت هدف !! ياقوي ياحبيبي ياروحي ابيك تكون قوي بكل شيء بدراستك وصحتك ....., الى اخر خوذي واعطي معهم وكذالك بناتك هاه وش قالت لك المدرسة اليوم !!؟
.

الله يجزاك خيراخت كادي
صادقه انا افكر بمدرسه لولديماينفع معه الا كذا وبنتي حطيتلها مدرسه العام ونزل مستواه اذا
تعرفين مدرسات شاطرات الحقيني فيهم

بسوي الي قلتي عليه والله يستر :08::08::08:
انا من ولدت صايرة عصبيه وماعاد اتحمل بس بحاول والله يسهل اموري
ويبرد اعصابي

انا امي كانت مسوية حركة حلوة معنا كنا اول مانجي من المدرسة تقول لنا هاه وش صار اليوم واذا ماتفاعلنا معها تحمسنا من لما كنا اولى ابتدائي وهي تسوي كذا كنا نغير ملابسنا ونتغدى و نخلص اشغالنا واحنا نسولف لها بعدين صرنا اذا سوينا مشكلة او صارت لنا مشكلة في المدرسة وﻻ في غيره مانقدر نخبي عنها انا كنت احاول ما اقول لها بس والله مايجي الليل اﻻ وانا قايلة كل شي لها فهذا الشيء حلوو انك تكونين صاحبة سر ابنائك حتى ماكانت تخبر ابوي او يمكن تقول له الله اعلم .. بس ياما كنت بسوي أشياء واقول ﻻمي انا بسوي كذا وﻻ كذا وتعلمني احسن طريقة وأحياناً تهدي الوضع اذا كانت مشكلة ﻻ سمح الله علمتنا على التسامح واﻻخلاق الحلوة والله كانوا اﻻبلات احيانا يعتذرون منا من شدة احترامنا لهم اتذكر مره ابلة ضربتني بالرغم اني كنت قاعدة في مكاني هادئة و جرتني للحوش و تهزيء و ضرب وانا موعارفة وش سويت الله يسامحها و وقفتني في الشمس كنت خامس ابتدائي وكنت طول اليوم ابكي ورحت البيت وكنت معصبة وابكي وامي تهدي فيني واقول لهم حولوني من المدرسة واقنعتني امي اليوم الثاني اروح اعتذر للابلة وانه عشان امي مو عشانها واﻻبلة عارفة انها غلطانة و نصدمت من اﻻعتذار فقالت لي انتي آسفة على ايش ويش سويتي انا انقهرت وقلت على اللي سويته امس وانحرجت وخرجت بس وربي اﻻبلة ذي ماخلت مكان ما مدحتني فيه ولحد اﻻن معها رقمي و تتصل علي وتقول لي يابنتي وانتي زي بنتي و هيك<< لما اعتذرت منها عشان امي ما انهنت بالعكس زادت قيمتي << ادري طولتها عليكم بس والله مافيه احسن من انكم تعلمون عيالكم على اﻻخلاق الحلوة والفضفضة لكم و بس سلامتكم

انا قررت اني ارجع الشغالة بس كوي و غسيل مره في اﻻسبوع عشان اريح شوي وخاصة اني حامل و ظهري انكسر من شغل البيت و دوام الجامعة ولو ربي كتب لي اخذ غسالة اتوماتيك خليت الشغالة بس كوي ب 150  في الشهر يابلاش وراح ادور لي رقم سودانية تجي البيت تسوي تنتيف و دلكة على فكرة انا في تجهيزات زواجي ماسويت اﻻ دلكة بس وطلعت لمبة ماشاء الله و برضه رح اركز شوي في دراستي ودي اجيب درجات حلوة خاصة أنه مابقي اﻻ اسبوعين عن اﻻختبارات النهائية دعواتكم ي عسوﻻت