والله انا اعتبر نفسي نص ونص يعني مواقف اصير حارة فيها ومواقف لا

بس بعض الناس يقولون انتي باردة وانا ازعل صراحة من الي يقولي انتي باردة

ماهو شرط الي حارة تكون زينة في كل شي يعني انا اعرف وحدة تقول عن نفسها انها حارة

بس هي حارة على مرمطة فهمتوني يعني تسوي شغلها بسرعه بس ماهو على سنع وانا شغلي

على انهم يقولون لي باردة الا اني احب شغلي مرتب ومنسق ماحبه مخربط

يعني الحرارة تفيد بمواقف ولاتفيد في غيرها

تقبلوا مروري

انا لو الله يهديني عن العصبيه كان كل اموري تمام هههههههههههه
انا عصبيه من الدرج الاولى الله يكفيكم الشر ومن النووع اللي مااحب احد يدوس لي على طرررف واقوم حريقه واقول كل اللي في خاطري ومااعترف من اللي في وجهي اذا عصبت ولا بعد تخرجي من الجامعه الله لايوريكم لاشغل ولا مشغلة وجالسه بالبيت صررررت مثل البنزين مااحد يقرب مني خطر شديد الاشتعال ههههههههههههه والله من جد مأساه حتى امي وابوي صارو يراعوني على بالهم تحووووولت عصبيتي عقد نفسيه ههههههههههههههههههههه
ولا مره صار لي موقف بااالجامعه نرفزتني استاذه كانت تراقب عليناااا بالاختبار وتخيلو انا عصبيه خلقه وجت وحده وتسببت فيني وتصرخ علي وكأني اصغر عيالها لا واخذت بوكي ورمته بررى عشان تقهرين والله لايوريكم واشبها معها حريقه في الاخير طلعت زوجة شخصية مهمه في المجتمع خخخخخخخخ بس عطيتها حقهااا وفتشت اغراضها ادور بوكي ولا همني من تكووون وفي الاخير اعرفت حدودها ولا عاد تذب على البنات كلام وتتهاوش معهم مثل اول مطلعه عضلاتهااا
وادعولي يارب بالهدايه عن النرفزة والعصبيه وحرق الدم
بس اذا بغيتو الجد والله اني قلبي صافي ولاااحقد على احد وبالعكس افجر البراكين اللي بصدري بس مااحقد ولا اشيل على اللي اتهاوش معه ولااااا مااحب اخطي على احد من نفسي بس اللي بيدوس عى طرفي ياويله هههههههه

ادري حتى انتو عصبت عليكم باااي ههههههههههه امزح والله

قمر نجد اتمنى هالميزه فيني حظك ماشاء الله تقرصين وانتي بارده مايبين عليك منقهره
هههههههههههه انا اقوم الدنيا واقعدها اخلي اللي قدامي يطق لي تحيه


الله يعين علميني اسلوبك والله نفسي يصير فيني

ناااااااااااااااااار ياالله اتعب مرررره من الحراره

بس اذا احد نرفزني ينعقد لساني ومااتكلم

عن نفسي حارة في مواقف وبارد في مواقف .. حسب الحاجة
يعني ما أطنش شي مهم واتساهل فيه.. ولا أحترق وأموت عشان شي تافه وما يسوى ..
بس أشيل هم كبر الجبال وما أرضى أحد يمسك علي شي .. خصوصا إذا الشخص يدور علي الزلة ووده يبرد حرته فيني ..وفي الدراسة ماانام الليل ولا آكل عشان ماتنقص درجاتي ..وما تخرجت الا والشيب غزا راسي .. بس الحمد لله الحرارة جابت نتيجة ..

ومع الناس أمسك غضبي وما أبين زعلي وأتغاضى كثير عن الأخطاء .. إلا أذا تمادى اللي قدامي وحاول يحقرني أو ينتقدني لذاتي ,, مو للخطا اللي صدرمني.. هنا انفجر واطلع الأول والتالي ..

واللي يتعمد يجرحني ويحط من قدري أتعمد جرحة بقوة وأعرف كيف اتصيد نقاط الضعف وابرد حرتي ... لذلك دائما اللي استخدم معاهم هذا الأسلوب ينصدمون من ردة فعلي لأن على بالهم اني دجاجة وغبية من كثر ما أشوف واسكت .. بس كل شي له حد واللي يتجاوز حدود الأدب لازم يوقف عند حده ..

بس الشاهد الله ما استخدم هذا الأسلوب إلا نادرا .. ومع ناس الكل يشتكي منهم ومن سوء اخلاقهم ... يعني اخذ حقي وحق غيري ..

وفي البيت أوقات باردة وأقول مهما سويت كل الشغل بيرجع واطنش واشوف نفسي .. وأوقات حارة .. واطير عيون اخواني واطين عيشتهم عشان الترتيب .. الله يعين