الســـــلام عليكــم ..

أنا الغـالب على طبعي إني ( بــــاردة ) و مطولــة بـــــــــــالــــي على كل شي ، بس إذا كان وراي شي وإلا في بالي شي اسويه على قولة أمي إذا بغيتي شي اشتبيتي و قمتي .. و أخلص شغلي بسرعه مثلا إذا كان وراي طبخ بسويه أحط كل المقادير في بالي و أخلص تحضيرها بسرعه في المطبخ و إلا إذا كان عندي عزيمة و إلا زواج أول من يخلص المكياج و التسريحة أنا و أجلس و أروق ..

أمّــا إني أحتمس و احرق أعصابي ماعمري سويتها .. و بنفس الوقت ما أحاول أخلي الموضوع قدامي تافه و أيضا اشارك اللي يكلمني ما أسفهه و لا ألقيه بال ..

و حتى بالمواقف إذا زعلني أحد أو غلط علي ما افتعل و أرد عليه بعصبيه أو بتحمس .. أرد عليه بطولة بالي و أقهره بردي .. أو إني أرد عليه بشي مايتوقعه وهو المعروف عكس اللي قدمه لي .. وهذا الشي يخليه يراجع ضميره ونفسه من داخل مهما كان يكابر ..

لكن .. غالبية الناس اللي حارين تلقينهم جريئين .. وأقصد الجرأة هنا الجرأه الايجابية اللي تنفع صاحبها.. أما أنا مافيني هذه الجرأه وأوقات مااخذ حقي .. بس احترق واحتمس من داخل لكن ماابين لاحد وهذا يعطي لملامح وجهي ردة فعل عكسية .. يعني ماتقولين هذه محتمسه ومحترقه من داخل على شي معين ..

و هذه الصفه اللي فيني مو دايم تكون مدحه والا تنفعني ..

بس والله اذا جيت اقارن نفسي بانسانه حااااااااره ناااار مكلفين بشغل واحد والا كلنا بنطلع لنفس الطلعه تكون النتيجة النهائية مخلصين بالوقت المحدد ولكن فيه فرق هي تكون شكلها محتمسه و مختبصه من الحماس و تحسب حساب كل شي و تشيل هم و ماتسكت ابد . أما أنا الحمدلله مروقه و متبسمه و مخلصه اموري بهدوء و بدون إزعاج و حوسه ,, و تناظري هذه الحاره تقول ياحظك مدري وشلون انتي كذا ولافيه فرق بين الشي اللي بنسويه شغلنا واحد بس نفسياتنا غير.

و أحيان البرووود ينرفز ,., و حتى ينرفزني ..

الله يكتب الخير و الصلاح للجميع .. و يهبط الحارين و الكباريت باسمه و اولهم اللي عندي بالبيت

والله للأسف أنـا (المصدره للبرووود ) عندي منه كميــــاااات فائضه عن حاجتــي خخخخخخخخ
.
.
بالعكس بنات ترا البرووود مو زين والرجال مايحبون المره البااارده يبونها حركه وحاره في كل شي
.
.
عاد انا بكل شي باااااااااارده إلا مثلجه مو بس برووود ^_^
.
.
خواتي فيهم الحاره وفيهم البارده وكانت الوالده تخلي الحاره للعزايمـ والبارده للشغل اللي يبي له بطء وتأني خخخخخخ يعني كل وحده على حسب المواهب اللي عندها
.
.
وبصراااحه موضوع رااااااااااااااائع يعطيك العافيه عليه

انا حاره عند الحق وماقدر امسك نفسي

الحاره=اللهلوبه السنعه اللي تبي كلش يزين ودائما يتكلون عليها في العزايم ووو.. وهي غير العصبيه ...<<<هذا بمفهومي....

اما انا اللة يكفيكم الشر نار اللة الموقدة مع زوجي مع عيالي واللة اني احاول اكظم غيضي وادري ان الحلم بالتحلم ولكن مافيه فايده وبعدين يابنات والله ان حقي دايما ضايع من الحراره والعصبيه بدل مو لي صار علي ومافيه فايده