هل اخبر زوجي بممتلكاتي ؟!؟! << مشكلة عضوة بالمنتدى

غاليتي ..
صراحة انتي بطله الله يحفظك
تركتي عملك وقد وصلتي لمكانه مرموقه فيه وتنازلتي
عن الراتب و الحياة العملية ونفذتي رغبة شريك حياتك
بالمقابل ماذا حقق هو ؟!
وماذا اعطاك مقابل راتبك ؟!
وانا اقرأ تسلسل قصتك لا اخفيك خوفت
انك تركتي وظيفتك واليوم لا تستطيعي العودة
لان الحصول على الوظائف صعب جدا
وحمدت الله انك تقدري ترجعي
وعرفتي كيف تتصرفي براتبك
الان وقد جربتي زوجك بدون الراتب والوظيفة كيف هو ؟!
انتي من يرى هل هذا هو الصح ام الخطأ ؟!
تمسكي بوظيفتك ولا تتنازلي عنها مهما كلفك الامر
الرجل في زمننا لديه افكار وامور عجيبه
لا تأمنيه ابدا مهما بدا لك طيب وحنون
ولكني لا احب ان يكون الطفل بيد
شغاله اذا كان لديك طفل ارسليه للحضانة افضل
ونصيحة من قلبي لا تعلمينه بأي شيء
بدل ما يكون فقير ومايصرف بيزيد عليهم
شك وما حيصدقك بأي شيء
البيت من حقك ولأولادك هو مو من حقه يعرف
لأنه بفلوسك ولأنه ما يصرف ولا حيصرف حتى بالضروريات
اسكتي وكملي اشتري ذهب بس نصيحة لا تشتري مشغول
لانه اغلى في الشراء وارخص في البيع
اشتري جنيهات وخبيها بمكان ما يوصل له ابدا
المشاكل والتوتر تزداد بالصوت و الرد اذا تكلم لا تردي
عليه خليه يشبع وانتي بداخلك استغفري
هو يخسر وانتي تكسبي
الاطفال يتأثروا لمن يشوفوا دموع مامتهم
كوني قوية وانتي فعلا ماشاءالله قوية
من حقك تواجهيه بعيوبه وعيوبه قويه اذا رفض
انك تشتغلي حطي النقط على الحروف وارتاحي
تصرفه مو طبيعي ينقص عليك ويعطي بعلاقات ؟!؟
تذكري .. انك قدرتي تتصرفي من غيره فكملي
مشوارك و اذا كمان ما تحبي المشاكل وتخافي على اولادك
لا تطلبيه ابسطي نفسك بنفسك من غير ما تحتاجي له
وكملي شغلك وجمعي شقاك لك
والله معاك ♡

مثل كلام انوسي.....لا تخبريه بشيء.....وواضح انه الكلام معه بخصوص عيوبه ما حيغير شيء....برايي تدخلي اهلك...لو معك مال قارون لازم يصرف عليك....ترى الملبس من الضروريات...والفلوس الي معك تبسطي نفسك انتي بمتع الحياة الي هي فعلا كماليات.....وولدك مسؤوليته....الحين بخصوص شغلك....قوليله بخفف عنك اعباء مصروفك...صح طريقة غلط بس حيوافق ان كلمتي بهالطريقة.....

لا تخبريه بشي ابد ابد دام هذي أفعاله .. بكره يلوي ذراعك ي تدفعي ولا أسوي وأفعل .. هذا تعبك وشقاك مال أي أحد شغل فيه .. يكفي انك تصرفي ع نفسك وأطفالك وهو ملزوم فيكم وصرفياته للناس اللي برا .. لذلك لاتفرطي ف وظيفتك لو توظفتي ولا تبلغيه عن أي شي .. حياتك م تضمنيها معاه بكره محد ينفعك بعد الله إلا اللي محوشته .. الله يبارك لك ويوسع عليك أكثر

لا تقولين له ان عندك ذهب او بيت صدقيني فوق انه يادوب يصرف انه بيسحب يده نهائي وبيقول اصرفي ع نفسك وع عيالك ويضيق عليك وممكن يحاول يحزنك انه مديون وممكن ينسجن ولازم يدفع وانتي تعطينه ويروح يعطيهم حبيبات قلبه انتبهي لا تعلمينه بشي ابد واطلبي حقوقك او دخلي احد يقدر ع زوجك ويستحي زوجك منه

ماشاء الله ام انوسي كفت ووفت
صاحبه الموضوع احلى حاجه سويتيها انك سويتي بيت لك وذهب لانك ماحسيتي معاه بالامان ... فانصحك هذا تعبك وشقاك لاتكلميه لانه بيستغلك وكل شوي بيقول لك بيعي الذهب عشان نغطي المصاريف او يقلك مثلا بيعي البيت .... لو كان زوجك انسان وفي ويضحي عشانكم ويكد ويتعب عشان يسعدكم ويفسحكم بقلك حطي ايدك على ايده لكن زوجك يبخل عليكم ويحرمك فلوس هي من حقك وحق اولادك ويروح يحولها لبنات يضحكوا عليه بكلمه فهذا لاتامني عليه حياتك ولا تكلميه باسرارك لو كان فيه خير كان بيكون لاهله ... خلي بيتك لاولادك وللزمن
ارجعي لوظيفتك وخلي اولادك بحضانه واستمري في نفس الاسلوب بانك تدخري وتكملي اقساط بيتك .. ولاتوثقي فيه ابدا وصوري تحويلاته للزمن ورسايله للبنات