السلام عليكم ورحمة الله وبركاته
الشاي هذا انا اعرف وحده دائما تشربه وقت الدوره وتقول انه مفيد وينظف
والخلطه هذي ممكن تكفيك لمدة 6 شهور او اكثر
تخلطين هذي المقاديروتضعينها في علبه زجاجيه
المقادير:
كوب قشر محمر خفيف بالفرن يعني ما تخليه اسود تحطيه ثواني لما تشمي ريحته وتطلعينه
بعدين تجرشينه مو تطحنينه
اضيفي له كوب زنجبيل مطحن
وفنجال قرفه مطحونه
وفنجال كبيرشمر حب مو مطحون وفنجال كبير ينسون حب وفنجال كمون حب
نص فنجال زعتر بري وفنجال سكر او حسب الرغبه
تخلط المقادير وتوضع في علبه وعلى الريق ضعي ملعقه موسطه وصبي ماء مغلي
وصفيه واشربيه

يسلمو اسرار على هالموضوع المفيد واتمنى يتثبت حتى يكون مرجع

انا اصحى الساعه 6 ونص او 7 واخذ ملعقه من اللهوم
(حلبه-ماش-قرفه-كمون-يانسون-شمر-نخوه-فلفل-زنجبيل-حبه سوداء-سكر نبات) واحط منه ملعقه مع كوب حليب هذا العشرين الاولى
وبعدها افطر اي شيء بر سواء عريكه او خبز او فته
وارجع انام واصحى قبل الظهر واسوي ثلاجة قشر قهوه واحط معاها زنجبيل وقرفه وقرنفل وشمر وكمون ونخوه
وثلاجة شاي اعشاب حلبه وكمون ويانسون وشمر ونخوه خزامى وحزا وشيح وقيصوم وفوه وقرفه وبابونج وزعتر
واشرب من هالثلاجتين طول اليوم
والغدى مرقه والا شوربه والا جريش والا كبسه>> مانصبر عن الكبسه
ولهوم العشرين الاخيره امس بدأت فيه وهو
(ماش-قرنفل-شمر-يانسون-كمون-نخوه-حبه سوداء-فلفل-قشر رمان-محلب-رزنه-سكر نبات)
في البدايه كنت ماشيه عالنظام تمام بس في الاخير نومي صار ملخبط من بنوتتي وصرت مهمله شوي ان شاء الله اني اكمل عالنظام هذا لين اطلع الاربعين
اللي تستفيد من نظامي تدعيلي اطلع احلى عروسه بعد الاربعين لانه على اهتمامي هذا احس يطلع مني هوا >>فيس يصيح

بقول لكم موقف صار لي من يومين
والده لي أسبوع والدم مو ماشي تمام
قريت لوحده عن الزنجبيل ملعقة منه مع موية
وتدهني بها منطقة البطن من السرة وتحت
قبل النوم
الفايدة إلي طلعت فيها
خرج من بطني هوا مو طبيعي
الدم مشي أفضل من أول
حرارة الزنجبيل منعشة
وصار معي تعرق هناك
اليوم ناوية أعملها وأدهن ظهري كمان
لاني بولادتي أعطوني طلق صناعي
صرت ما أقدر أطول بالجلسة من الألم ووجع الظهر

الي بتسويها تتحمل الحرارة
وتدعي لي

استغفرالله الذي لا اله الا هو
الحي القيوم واتوب اليه :26::26:

هذي طبخه الحنيني مفيده جدا لنفاس عن تجربه
2 ونص طحين أسمر- نص كوب زيت - ملعقه صغيره خميره - ملعقه صغيره بكنج باودر-نصف فنجال سكر -رشة

ملح-كوب وربع ماء- نذوب الخميره في الماء بعدين نضيف الزيت والسكر والبكنج باودر ونحركه بعدين نضيف الطحين ونعجن المقادير ونتركها تخمر نصف ساعه

نحطها في صينيه ونتركها نصف ساعه ثانيه ....نولع عليها النار من تحت لين تنضج ثم نحمرها من فوق تحمير

خفيف ...نحطها في الخلاط مع شوي تمر وسمن وشوي فلفل اسود

ممكن تحطي التمر والسمن والفلفل الاسود على النار شوي لين يذوب التمر وبعدين تحطيه على قرص الخبز

وقدميه مع حليب باالزنجبيل وبالعافيه على قلوبكم

وهذا شكله النهائي