مرحبا بك اخي الكريم
بالنسبة للاسم فيمكنك المشاركة باسم رجل فالرجال غير ممنوعين من دخول المنتدى فيما عدا اقسام معينة مثل الطبخ واالجمال اما بقية الاقسام فالامر متاح ومن الافضل اخي الكريم ان تغير اسمك الى اسم مناسب لك وهذا لابد منه لكي تعرف العضوات انك رجل ولست امرأة ,,,
على كلا اخي الكريم
مشكلة زوجتك تكمن ربما في صحبة سئية لبعض النساء او ربما تربية الام لها ,,
وزوجتك ربما تكون من النوع الذي لايعرف كيف يعبر عن مشاعرة جافة حاول مساعدتها على التنفيس والتعبير عن مافي نفسها ,,

حاول ان تعرفها على صحبة حسنة فان ا لصحبة تفعل الاعاجيب يعني اذا اختلطت مع نساء يتناقشن في كيفية معاملة الزوج وتدليل الازواج فانها حتما ستتغير ,,
اول هذه الصحبة الحسنة هذا المنتدى لما لاتتركها تتصفح المنتدى وبالذات الحياة الزوجية ففيها ماتريدة انت من زوجتك واكثر بكثير ,,
انني متاكدة ان هذا القسم سيكون له تاثير ايجايبي عليها ,,
ربما تحتاج الى قليلا من الحزم مع زوجتك حتى تتبدل حالها ,,,
بالنسبة لتجملها يمكن ان تكون هديتك لها عبارة عن الاشياء التي تحب ان تتجمل بها مثل لبس معين او اي شئ ,,
اصلح الله احوالكم ووفقكم لما يحبة ويرضاة ,,

معليش..اسمح لي اول...يعني صار طبيعي ان الرجال يعرس...والله قمة القهرررراسلوبكم:42:

ماعليه...شي قرقع في قلبي وقلته..

نجي للمشكله..

هي مو مشكله...بقدر ماتكون عاده..

شكلها توها صغيره..تحملها..شكلها انكبت عليها المسؤوليه..

زوج+ بيت+ اهلك= اهمال لاارادي والهروب من مواجهة المسؤوليه..

غير كذا تعودت على طبع..وحياة مختلفه..صعبه تتأقلم بسرعه.

اذا مافاد فيها الكلام والنصح والزعل..مهوب الهواش..تقدر تهجرها بشكل غير مباشر

يعني لاتكلمها..لاتطلب منها شي..حاول لاتطلب منها شي في البيت من طبخ واكل.

حاول تصير صامت..وفي صمتك هلل وسبح...علشان ينحاش ابليس..لأنه يستانس على هاالامور

بس كشر اذا شفتها...وحاول تطلع برا البيت على خفيف..بس لاتتعود

بس اذا بدت تحس وودها تعتدل..كب عليها من الحنان

والحب...والله الحرمه ضعيفه مهما استقوت ماتحب زوجها يزعل عليها..

وراح تلاحظ مع الوقت انها بدت تتأقلم..وشوي شوي..تدخل معك جو

وطريقتك زينه في التعامل معها..بس تحممممممممل..

ولا تفكر في غيرها...صدقني راح تلقى فيها اللي تبيه بصبرك ودعائك وتحملك

وانتبه..انتبه..تتفوه بالطلاق:30:

وعلى فكره...ترى اغلب اللي تزوجوا..عاشوا في مثل مشكلتك...

يعني كل الحريم زي بعض..

ولو تخليها تتطلع على المنتدى..الصفحه الزوجيه...ترى هي مثل اي وحده

تحب الزين ..

وترى فعلا فيه حريم عليهم اسلوب في التخريب بين الزوجين..

زي اللي ودهم كل وحده تتطاق مع زوجها..

اذا مليت ولا استفدت...تقدر تكلم امها...وتشتكي لها..وخل الأمر بينكم.

دعائي ان ربي يشرح صدرك وييسر امرك..ويهديها في هاالليله المباكره

ويوفق مابينكم...يااااارب

أخي الكريم .......
دائما يقال الشيء إذا زاد عن حده انقلب ضده .....
وأتوقع أن دلالك الزائد لزوجتك جعلها تعلم وتثق تماماً....
أنها تملكت ولا داعي مطلقاً لئن تبذل جهداً ولو بسيطاً في اسعادك .......
فهي وبكل بساطه تحصل على ما تريد منك ولا يوجد سبب يجعلها تتغير.......
لتتغير زوجتك لابد أن تتغير أنت.......
هي حقيقة مرة سأذكرها لكنها بالفعل موجوده ولا نستطيع مطلقا انكارها ......
عندما يعلم شخص ما بأننا نحبه ونبذل ما في وسعنا لاسعاده ولو حساب أنفسنا.......
وأننا مهما ومهما صدر منه من تصرفات فلن يؤثر هذا على محبته لنا......
دائما يواجهنا الطرف الأخر بعدم المبالات .......وهذي حقيقة وملموسه......
لابد أخي الكريم أن تكون حازما في معاملتك لزوجتك .......
ولا أعني بذلك أن تكون عصيبا أو تضربها أو أو لا .......
لكن خفف من دلالك الزائد لها.......
لا تحاول أن تشعرها مطلقا بأنك تحتاج منها كلمه .......
ولا تتودد إليها حاول أن تكون جادا في معاملتك لها....
وما تفعله هو احتجاج لبق لسوء معاملتك لها.......
حاول عدم تلبية جميع طلباتها ......
قبل هذا وذاك اكتب لها في ورقة بالتحديد ما تريده منها ........
وذكرها قبل ذلك بكلمات بسيطه عن حقوق الزوج ......
وعن اثم الزوجه في عدم رضا زوجها عنها.......
واكتب مثلا ...
1- أتمنى أن أجدك عند عودتي من دوامي ....
2- أتمنى منك لبس ملابس جميله لأني أحبها ....

طبعا كل هذه الأمور بديهية بالنسبة لكل فتاة والكل يعلم أهمية......
هذه الأمور بالنسبة للزوج لكن بعض النساء ........هداهن الله لا ....
عموما لتتغير زوجتك........
لابد أن تغير من طريقة معاملتك لها ......

الله يصلحك حالكما ....

جدااااااااااااا رااااااااااااائع بارك الله فيكم ....... والله ان في نصحكم لي وتوجيهكم اثر فاسال الله تعالى ان يسخر لكم وان يوفقكم جميعا لكل خير ...

نبدأ بالردود ... بسم الله

بالنسبة لقول " لا " انا استصعبها صراحة لاني احس ان فيها ظلم خصوصا اذا كان الشي ماله داعي نرفضه ..

اختي الكريمة " ماوية " صدقيني سجلت باسم رجل ومليت من الانتظار ولم يتم تفعيلة لاني بصراحة افضل اكتب باسم رجل لكن وش اسوي ...
وبالنسبة للمنتدى فعلا جدا رااااااااائع وساحاول ان تتطلع عليه وفقك ربي وشكرا لتوجيهاتك ..

الاخت ونة خفوق .. صدقيني انا اكره الظلم لكن وش تبين الرجل يسوي اذا كانت حياته نكد بنكد ولا قدر يعدل الطرف الاخر يعني يعيش بعذاب ...... وشكرا لتوجيهاتك الرااااااااااائعة وربي يوفقك ...

الاخت ملاك ... توجيهات عين الصواب وراحت عن بالي كتابة توجيهات لها ..... وفعلا الشي اذا زاد عن حده انقلب ضده ..
لكن لا تنسين ان الكريم اذا اكرمته ملكته وان اللئيم اذا اكرمته تمردا ...

شكر الله لكم ووفقكم وجعلكم على سرر متقابلين في لفردوس الاعلى ..

بانتظار المزيد من الافكاااااار ..

السلام عليكم ورحمة الله وبركاتة

اخي الكريم
قريت اللي انت كاتبة والصراحة عندي شوية تعليقات (وياليت ما تزعل) :

اولا: تقول

ان زوجتي لا تعيرني اي اهتمام لا في ملبسها ولا في استقبالها ولا في اي شي ...
ادخل المنزل لا اجد حتى الابتسامة .. واخرج احيانا وهي رافعة صوتها علي ...
دائما تعاندني حين اطلب منها طلباً معينا خصوصا عند زيارة اهلي وهي برفقتي

تعليقي : هل هذة التي لا تستطيع قول (لا) لها!!!!!!!!!!!
ليش ما تسوي مثلها يعني لا تهتم فيها و لاتبتسم وعاندها جدام اهلها
واذا زعلت قول هذا مثل اللي تسوينة تبيني ارجع مثل زمان تعدلي



لااذكر انها لبست عندي لبساً جذاباً واذا طلبت ذلك قالت ما يحتاااااااج



يعني ما تقدر تقول : شرايج نروح السوق وتشترين ملابس ترى مليت من هالملابس القديمة



==========
لكني لا انكر جميلها تجاهي فهي والحمدلله تطبخ لي الغداء بعد ما تصحى من النوم وتشبع نوم ونتغدا جميع بعد العصر



اولا هذا مو جميل منها يعني من واجباتها انها تسويلك الغدا
ليش ما تشتري لك غدا وانت راجع وتتغدى وتنام

يمكن اهي على بالها انك مستانس على الوضع , يمكن في بيت اهلها متعودة تتغدى متأخر
(احنا في بيتنا نتغدى الساعة وحدة واذا تأخرنا الساعة وحدة ونص والسبب ابوي ما يحب الغدى يتأخر , بس رفيجتي اهلها يتغدون الساعة اربع العصر !!!)

حسسها انك مو مرتاح


البيت يا جماعة لو تدخلونها تقولون هذي بيت شباب عزوبية من كثر الحوسة اللي فيها ..


ما تقدر تعلق على الحوسة يعني تقول هذا مو بيت هذي مزبلة , ما تقدر تمر على خالتك ام زوجتك وتا خذها معاك على انك تبيها تتعشى معاكم (بدون لا تقول لزوجتك) وتوريها المزبلة اللي انت عايش فيها


ثيابي انا اللي اكويها الا اذا طلبت انا منها ان تكوي لي ثوب فانها تكوية بتضجر وتأفف ..


ليش تكوي ملابسك ؟؟(اكيد زوجتك مرتاحة , يعني اذا ما تبي تكوي تتافف شوي واكيد انت راح تكوي ملابسك المرة الجاية )


نخرج شبه يومي نتمشى خارج المنزل ..

والهدايا كل شهر اعطيها هدية .. ولا اذكر انها اهدتني ولا حتى قلم رصاص ابو نص ريال


اذا انت مو مرتاح معاها , وودك تتزوج عليها ليش تكافئها على هذا بالطلعات والهدايا
شلون تبيها تحس انك متضايق وانت كل دقيقة مطلعها تتمشى وتشتريلها الهدايا ؟؟؟؟؟





التعليقات خلصت وجينا للنهاية :

شوف يا ولد الحلال

اولا : انت طريقتك غلط معاها يعني ما يصير تسمعها كلام حلو وتعطيها هدايا وما تردلها طلب وفجأة تقول لزوجتك ابي اتزوج عليج
على الاقل خلها تحس انك مو مرتاح ( عطها فرصة علشان اذا تحبك تحاول تتغير ) وطبعا هذي الفرصة تكون لما تقولها عن حقيقة مشاعرك
يا اخي تحرك مو كل شوي تطيعا وما تزعلها وتبيها تحس, شلون اهي تقرا الغيب

(واللة لو اني متزوجة واحد مثلك كل يوم تطلعني وتشتريلي هدايا وتخليني على راحتي انام على كيفي واصحى الوقت اللي يريحني ما راح احس انك متضايق مهما قلت لان تصرفاتك تصرفات واحد مو متضايق )

ثانيا :
تقول انك ما تقدر تقولها (لا)
في مواقف تقدر تقول لا فيها , يعني اذا قالتلك خلنا نطلع قولها لا , وخلها تحس انك زعلان لا تبتسم وبعد عنها شوي
واذا سألت عن السبب قولها اسباب زعلك كلها
وما اعتقد انة فية ظلم لها

ثالثا: لا تدخل احد بينكم واذا لازم بس امها (لان اذا تعدلت الامور بينكم -انشاء الله- , ما يجرحونها ويعايرونها باللي يعرفونة )

رابعا : اذا ما فاد كل اللي فات
اقعد معاها جلست مصارحة وقولها كل اللي في بالك وبعدين قولها انك راح اتدور وحدة ثانية وراح تتزوجها (طبعا تهديد بس) وقولها انك تحبها بس العيشة معها مستحيلة اذا ما تعدلت

وانت طالع بروحك تكشخ والبس احسن ما عندك وتعطر واقعد ساعة جدام المراية يمكن تغار وتحس انك صادق في تهديدك


واخيرا وهو المهم هذي قصة ابي اقولها لكم :

في واحد من العائلة متزوج من خمس سنين وزوجتة مو مقصرة معاة ولما بغى يتزوج بدا يطلع كلام عليها انها وحدة ما تهتم فية وما تهتم في بيتها وعيالها كل هذا علشان الناس ما يلومونة اذا تزوج

وانشاء الله ما تكون نفسة