السلام عليكم, اسمح لي يا اخ خالد اقول للاسف انت مدلع زوجتك على الاخر و بعدين جاي تتشكى منها و تعطيها الاعذار و المبرارت انها صغيره, با الله عمرها 20 و تقول صغيره البنت في مجتمعنا ها اليومين تعرف اللبس و المكياج و السناعه وهي ما غلقت 16 سنه, صراحه و ما تزعل مني انت مبسوط على الطماله و خياس البيت, عذرا على هذا الكلام, بس من كلامك انت تقول انها تنوم لين انت تجي و تصحيها, يمكن نعذرها لو كان فيه اطفال با البيت بس لا اطفال لا ترتيب لا نظافه لا طبخ لا لبس زي الناس, يا الله وين الهيبه هيبتك كزوج. لازم تصارح زوجتك و قل لها انك تحس انك عايش عزابي و انت متزوج, اسمحلي زوجتك تحتاج لقرصه باذنها, و تحتاج انك تنصحها دايما, علشان ما ترجع ريما لعادتها القديمه.

النصايح المهمه كا التالي:

البيت يتنظف كل يوم و ريحته دخون.

كل يوم الاكل يجهز الساعه 2 و مجهزه السفره و متفننه يوم بسلطه و يوم بحلا.

الغسيل و الكوي من مسؤليات زوجتك ما دام ما عندكم اطفال و بعدين خلها تشغل وقت فراغها و تحس با المسؤليه, و رجاء حار انت ما تساعدها با الكوي لازم تقس عليها شوى لما تتعلم زوجتك.

انت تقول انك تكب على زوجتك فلوس طيب هي وش تسوي بهم, ترا البنات ما يجهلهم تعال شفهم في العزايم و العروس شياكه و لبس و اناقه, انت لازم تعلمها انها تلبس حلو في البيت مو قمصان الزبده حقت الشغالات ام 20 ريال اللي تنباع با العويس ... واحد اعرفه يحب الزين و السناعه و زوجته يروح و يجي وهي لابسه قمصان ها الزبده, حلف انه لو يوم شافها لابسه ها القمصان با البيت ان يشب فيها .....

المشكله ان بعض البنات ما يحسون ان الزواج ود و اسقرار و مسؤليه, و نصيحه اخيره خلك حازم و شديد و اترك عنك الطيبه الي ما لها داعي احسن من انك تطينها و تزوج عليها. و الله يهديكم و يخليكم لبعض. :27:

السلام عليكم
الأخ خالد
سبحان الله وضعك شبيه بوضعي
وأنا والله حاس بشعورك
زوجتي السابقة كانت تعاملني بنفس الطريقة
وكنت أعاملها بنفس طريقتك
حنان وعطف وهدايا ولا تغيرت
في البداية تحملت وقلت دلع بنات
بس زودتها
والغريب تسأل نفسك على ايش الكبر
بس ما تلقى أي ميزه عندها للتكبر عليك
تغير أسلوبي معها (سويت نفسي شديد:21:)
وش كان ردت فعلها
طلبت الطلاق
سعدت بالطلب هذا لأني والله ما تزوجت الا لراحة البال والاستقرار
مع ذلك أعطيتها فترة طويلة للتفكير لكن أصرت على رأيها
وتم الانفصال
والحمد لله قبل أن نرزق بأطفال
------
لم تكن هناك ألفة بيننا ولا موده
وهذا لا ينقص من حقي أو من حق زوجتي السابقة
الأرواح جنود مجندة ما تعارف منها ائتلف وما تعارف منها اختلف
ولا أخفيك أنني سعيدا الان وان شاء الله زواجي قريب
وأعرف أن زوجتي السابقة سعيده أيضا
والحمد لله
------
كونك رجل قد لا تتقبل أن المرأة تعاملك بالطريقه هذه
وردت الفعل تختلف بالنسبة للرجال
منهم من يزداد التعلق فيها ويشك بامكانياته
ومنهم من يعطيها على راسها
والافضل أن تكون وسطا بين هاتين الطريقتين
ونصيحة لك أن تتبع نصيحة الاخت Om Rema
وباقي الأخوات
والاهم أخر مسألة الاطفال حتى تتأكد من ملائمتها لك كزوجة
واذا ما نفع اهجرها لعدة أشهر
واذا ما نفع
الله ما حدك على هذي العيشه
---------
الله يوفقك ويألف بين قلبيكما