وعليكم السلام ورحمة الله وبركاته..
الله الله يا رغد معقوله!!!
وصل التزييف لهذا الحد؟؟
بس عارفه ممكن يكون انه في تورنتو وانتي في ومدينه تانيه..
بصراحه انا عارفه انه الاخبار مبالغه في كثير من الاحيات خاصه التحليلات الاخباريه بس مو معقوله لدرجه انه يوصل للتمثيل!
لانه فيها قوانين دوليه وممكن تتقفل القناه على خبر كاذب واحد..
بس الصراحه الواحد صار يحتار مع هذا التزييف الاعلامي..
..
واحنا كمان هنا في بريطانيا لمن نشوف الاخبار والمظاهرات اللي تصير تقولي البلد كلها مقلوبه عشان المظاهرات..
لكن اللي عايش في لندن يشوف انه المظاهرات ما تصير الا في شارع او شارعين فقط..
وتصير تقريبا كل اسبوع ههههه يعني مره على العراق ومره على فلسطين ومره ع الحجاب ومره على قتل الدلافين مره ع التلوث ومره انهم يبغوا الناس تركب دراجات تاني ههههههههههههههه..
واحيانا تكون المظارها بس عدد قليل جدا من الناس لمن تشوفيها على الطبيعه بس امن تجي في الاخبار تلاقي كانه الدنيا مقلوبه..
..
صادقه والله اختي احس انه في كثير من الاحتيال والمبالغه..
بس الكذب ما اظن..مو عشان الضمير الاعلامي الحي ..لا عشان يخافوا انهم يرحوا فيها لو كذبوا..
بس اهم شئ انه الواحد يكون متلقي واعي وما يتق في كل شئ..

خوخاية
من ناحية المظاهرات والله معك حق انا طلعت بكذا مظاهرة هنا وكله يتم بشوارع تحددها لنا الشرطه ونطلع معنا سيكيوريتي والمظاهرات بشكل عام هادئة مو مثل المظاهرات العربية ..
بالنسبة لخبر سارز ترا بجد جاده فيه وانا قلت لكم عن تجربة شخصيه مع الاعلام .. بالنسبة انه بغير مدينة فتورنتو وميسساجا تقريبا مدينة وحده فرق نص ساعه طريق واحنا نروحنا كثيييير لأانها مركز البلد..
بالنسبة للخوف والله مدري صراحه اصلا على قولة ابوي (العربية) مدعومة من امريكا ..
ابوي كل شي ماشية اموره يقول انه مدعوم من امريكا خخخخخ

انا مع رنيم في كلامها ..احس انه الاخبار مرررررة مزيفة وكذب حسبي الله عليهم.

واذا ماكذبو فيها باااااااااااااالغو ..ايام التفجير اهلي قالو خلاص بنتنا راحت فيها .

بعدين في شي يحكم.. البلد هنا كبيرة يعني لو صار شي في نيويورك ماندري عنه ولا نسمع فيه ولانحس انه في فرق واهالينا يسمعو امريكا يقولو خلاص بناتنا راحو فيها.

رنيم ابوك رهيب الصراحة :) ..

حمرة الورد..
الحمد لله على سلامتكم والله..
ايش اخبارك وكيف بناتك؟؟
الله يحفظهم ان شاء الله؟؟
وايش صار على موضوع الفيزا حقتكم؟؟ انا شفت اسمك من فتره ومره فرحت لاني كنت قلقانه عليكم ويشهد الله اني كنت ادعيلك واقول ان شاء الله يتيسر موضوع الفيزا حقهم يارب عشان بس يجوا ويكمل زوجك ان شاء الله على خير وتاخذوا اغراضكم
الحمد لله الف الحمد لله على عودتك لنا يا غاليه..
والحمد لله على تسهيل امورك..كنت شايله همك..
اختك....خوخه

الله يسعدك ياخوخة..ولايحرمني منك..
الحمد لله ماشي الحال والفيزا طلعت بعد مانشفو ريقنا الله ينشف ريق ابليس. مو على بختنا صار الهجوم على السفارة وقفلت الين نفد صبرنا وفتحت بعد شهر وهاتك ياروحو وتعالو انا الصراحة طلعت لي قرون اول مرة اروح السفارة وقتها.. وزوجي عادي بس يحسبن اما اختك دعت دعا عليهم..:)..
الله يسمع منك بناتي ؟؟ هي وحدة وحيلة.. عندي اولاد الله يعطنا ويعطيك الصالحين يارب. الحمد لله كلهم طيبين وعندهم اجازة الاسبوع هدا .
الحمد لله جينا من فترة والانترنت اخد كم يوم الين وصل وانا حاااااايسة في البيت لانه نقلنا بيت جديد والعفش بعضه راح في الزبالة وحووووووسة مايعلم بيها الا ربك ..بس الحمد لله على كل حال والله اننا في نعمة .
الحمد لله حجينا واتبهدلنا في المطر. وغرقت العزيزية وبيت اهلي صار شوربة ..الحمد لله ابويا ما جاله شي من الفجعة.
ومكة تسلم عليييييك كتيييييييير وتقول لك مشتاقة لك :)
الله يسعدك يا خوخة ويسلمك من كل شر ويرزقك كل خير دنيا واخرة ويجمعنا جميعا في الفردوس الاعلى يارب.