اسمحوا لي بنات انا عكسكم
شقت من كم يوم في دبي برنامج عن الجرائم اللي تصير في امريكا المهم هاذي حكايتها ان فيه واحد مريض قاعد يوزع طرود على الناس عشوايين فيها قنابل ........وطبعا كل من فتحها راح في شربه مويه
فحلوا التنبيه ...........لانه سبحان الله ماحد يدري فلازم ياخذ حذره الواحد قد الامكان
المهم لما يجيبوا خبر في اي قناه ممكن انهم يبالغون بس مافيه نار من دون دخان
فانا من رايي انهم يبالغون بس فيه خبر ..............وكلامك صح يارغد في ان الدول الكبيره تهتم........... بس الاعلام ياخذ دوره والا كااااااااان مافيه اي قناه مفتوحه
الى الان ....
وترى السارس فعلا موجود له حالات في تورنتو باعتبار انها العاصمه الاقتصاديه لااونتاريو كلها ولا تنسين الاجانب فيها بشكل ملفت للانتباه .....
.وحتى القنوات الاجنبيه نفس الشئ لما نجلس انا وزوجي نتفرج عليها تعالي شوفي ..........مبالغات بشكل يقهر الواحد
انا افضل انهم يجيبو الخبر ويبالغوا مافي مشكله بس اهم من انهم يتكتمو عليه والناس تخبط في بعضها مايدرون عن شئ
اما علشان الاهل قولوا احنا بعيدين عنها وخلاص
يتطمنوا عليكم والله يرجعنا لاهلنا سالمين غانمين يارب

صادقة يارهام ممكن المحطات المحلية يجيبو لك اخبار الجرائم المحلية ..
يعني هنا مثلا كلللللللل يوم واتعب اقول كل يوم في جرايم والله بيتي الاول اني اسمع صوت الرصاص باذني..لكن مو زي عند المحطات العربية الله اكبر عليهم يرعبو اهالينا رعب..
كلنا لنا نفس الرأي انهم يبالغو ..
انا مرات اقول زيك خليهم يبالغو اصلا احنا عارفين انهم مبالغين ولا يخبو ونروح في داهية ..
يعني طلع لنا هنا واحد حيوان يلبس قناع جمجمة ويوقف عند الصراف واي واحد يجي يصرف ياخد كل رصيده تحت تهديد السلاح ..الله يطع عمره .تقولي احنا ناقصين خربان ميزانية ..وللاسف اني ما اتابع الاخبار زي الناس يعني شفت الخبر وماشفت قبضو عليه والا لا؟؟:(
المهم انه تحصل جرايم وفيه زعزعة امن بس احس انه عادي زي اي مكان في الدنيا.

ابغى اقولكم على موقف صار لي مرتين واقلت والله الدنيا بخير..
انا جنبي هنا كوولز وكروقر وهوم ديبوه وكم محل تاني اقدر اروح لها مشي المشوار ياخد ربع ساعة بالكتير ..لكن مافي رصيف مشاة زي اللي للرياضة ..ومرتين وانا امشي يوقفو لي حريم بالسيارات يسألو تبغينا نوصلك؟؟ وانا اقول معقوووووووووولة ؟؟

اظني كترت هرج

الله يسعد قلبك يا وجنات يارب..
ويسهلكم اموركم ويفرج عليكم ويسسر لك كل امر عسير ..
ويحفظك انتي وبنتكم واولادك يارب..
..
مره ضحكتيني على بيت اهلك..
انا اخويا حج هذي السنه مع عماني ويقول المطره شئ رهيب ..-(في الاخبار قالوا محد اتضرر ولا صار شئ عاد تعرفوا اخبار السعوديه العكس..مع انه كل الناس يقولوا كثير راحوا فيها الله يغفرلهم ان شاء الله)-
بس الوالد ما حج امي وابويا واخواتي السنه قضوا عيد الاضحى في المدينه ..ماشاء الله العيله كلها راحت مع عماتي وستي وسيدي ..
وانا هنا كنت مقهوووووووووووره اكلمهم ويحكوني على البسطه والجمعه والوناسه اخخخ بس الحمد لله ..الله يجمعني بيهم على خير..
..
وانا رحتلهم رمضان صمنا وعيدنا ورجعنا تاني الحمد لله..
مافي زي رمضان في مكه ابدا..سبحان الله طعم تاااااااااااااني..
دقيقه في رابط ابغاكي اقريه عن رمضان..بس اذا كان صدرك ضايق ومشتاقه للاهل ما انصحك تقريه وقد اعذر من انذر..
..
جيت..
شوفي الرابط هذا وادعيلي اذا انبسطي..ولا تدعي عليا اذا اكتأبتي
http://forum.hawaaworld.com/showthread.php?t=288173
..
اختك ..............خوخه

ملاحظه:ترا ما خرجنا كثير عن الموضوع ههههه برضي جبت سيرة الاخبار..

اسكتي ياخوخة امس بكيت الين انفطرت اظن قعدت 3 ساعات متواصلة وانا ابكي ماخليت على قلبي شي يحزن ماتذكرته..وفي الليل فتحت عيني ماني شايفة شي وطول اليوم وانا عيني نص مفتوحة ودوبك فكرتيني اني كنت مسوية مناحة شكلها عيني انعدمت من كتر البكا.

اجل كنا مع بعض في مكة انا عيدت هناك برضه وصلت مكة قبل العيد بكم يوم..سبحان الله ربنا ماكتب نتقابل.

ياشيخة والله الحج كان فظاعة وربي والله شفت الموت بعيوني يمين بالله اني كنت اسبح في المخيم ..
ونزلنا العزيزية انا وجوزي مشي من منى وحفايا وبدون عباية لابسة كبرتة سرير..

والله اني لما سمعت الاخبار ابغى اقوم اخنق المذيع واقوله اسكت انت داري عن شي ..؟؟

والله ايش شفت مناظر.. والسيارات تقولي العاب فوق بعض زي علبة معين ولدي حقت السيارات اللعب.. الصغير على الكبير شي شي يفجججججججججججججع .

انا خرجت بمنظر لما امي شافتني قالت لي ربي نجاكم يابنتي وقال ايش ارسلت لها رسالة على الجوال من منى (نحنا بخير) ومسكينة تحسبنا زي ماقالو بيسر وسهولة..

يبغالي موضوع منفصل احكيكم ايش صار في هداك اليوم بس ..

حمرة الورد بجد شدتـــني قصتك الحمد الله على سلامتك عزيزتي
في جملة كان دااايم يقولها والدي لما حجينا وكان حررررررررر
(الحر والشمس نععععععععععمه الحجاج مايحسون فيها )
الله يستر احنا ناويين باذن الواحد الاحد نحج السنة الجاية لأنه السنة الوحيده اللي تصدف عطلة الكريسمس مع عطلة الحج تماما فيعني فرصه نستغلها يارب يكتب لنا ..

خوخاية
اظن بالنسبة للحج هذا عاد موضوع تاااني مدري هذي بالذات احس افضل انه يتكتم على الموضوع لأنه الاعلام الغربي يستنوا كلمة وحده انه الحج خطير وانه الناس تموت صدقيني من تجربة اساتذتي هنا ماااااااااااعندهم فكرة عن الحج غير كم واحد مات فيه!!!.. هذا غير عن الاهالي اللي لاصقين بالتلفزيون حابيين يعرفوا اخبار عيالهم واهلهم .
احنا لما حجينا كانت السنة اللي صارت فيها الحريق وكنا عيلتين طالعين سوا ومعنا من جميع فئات الاعمار وسبحان الله من كثر ماطلع بالاخبار انه في ناس ماتت بالحريق اهلنا تفطرت قلوبهم ويتصلوا على الرياض وكنا لسة مارجعنا وخاصة اننا تأخرنا على بال مارجعنا الرياض ووقتها كان لسة الجوال مو منتشر مرة وخلاص ياقلبي تشوفيهم لما سمعوا اصواتنا كانه روحهم ردت لهم مع انه اللي انحرقوا اغلبهم كانو من اهالي المخيمات واحنا كنا مستأجرين شقه .. مدري بس هالموضوع بالذات احس من صالحنا التكتم عنه ..
الله اعلم ماندري وين الخيرة فيه