هل الموكا وحليب نيدو مع سكر تسمن الأطفال ؟؟؟

على اساس السكر مفيد
كل البلاوي تصير من كثر السكر
الاطفال الحين صار يجيهم سكر وكل الاطباء يحذرون منه
بالاكل سكر بالحلويات سكر بالبسكويت سكر بالعصير سكر بالشيبس سكر حتى الكاتشب سكر ؟
وبعد بتعطينهم حليب بسكر كل يوم
ماعتقد السر بالسكر
لاننا في هالزمن ناكل كمية سكر مايحتاجها فيل وفوق كذا مانسمن وعيالنا حالتهم حاله
اللي بسمن ويزين الجسم النظام الغذائي المتكامل
يعني خضار وفاكهه حليب واجبان وبقوليات وحبوب ولحوم كل يوم ياخذ الطفل من كل شي شوي
وبس
بعدين السمنه مرض
النحف عندي افضل مية مره من السمنه والامراض اللي تجي وراها من سكر وارتفاع ضغط الدم وضغط على الاوعيه وجلطات وسرطانات بعد
اكتشفو ان السمنه احد اسباب السرطان
الله يكفينا ويكفيكم الشر

ليه حاطين بالكم السمين مريض كل أمراض الدنيا فيه مهو شرط وفي نحيفين متروسين أمراض وسكر وربي هالحرمه ماشالله أولادها سابقا يابسين وفيهم حساسية تشتكي من لبس يطيح وأمراض جلدية بس بعد ما عرفت الحليب وسكر طبعا ما تكثر سكر أولادها نظاره وذكاء أجسام رويانه الحليب جدا مغذي ما منه مضر والشوكولاته معروف يعطي ذكاء

السكر ماوراه الا الامراض
والسمنه مو زينه
اذا عيالك طولهم ووزنهم مناسب لعمرهم خلاص الحمد لله
وش تبين تسمنينهم السمنه ماوراها الا الامراض وياليت بتسمنين باكل صحي مالقيتي الا سكر عاد
خلي عيالك مثل ماهم بكره اذا تنفخوا ووصلوا لسن المراهقه راح يلومونك على اللي سويتيه فيهم
انتي احرصي على نوعية غذائهم وانها تكون صحيه واستبدلي السكر الابيض بالسكر الاسمر الطبيعي وان قدرتي تستغنين عن السكر كله بكبره يكون افضل واكليهم خضار وفاكهه ومكسرات وحليب ولبن ولحم ودجاج وسمك وخبز بر ورز اسمر هذا والله اللي ينفع مو سكر وموكا وشحوم تحوم الكبد
عمتي مثلك عيالها لما كانوا صغار كانت تزكهم بالاكل تبيهم يسمنون وفعلا سمنوا لكنهم تعودوا على الاكل الدسم ولما كبروا الحين كل واحد مايدخل مع الباب الله يعينهم والله لما اكل معهم اتهول من الكميات اللي ياكلونها وكله بسبة امهم واللي سوته بطفولتهم

اتوقع صعب تعطينه موكا وسكرررر
اعطيه بداله حليب ورز مسلوق احسن وأشياء مو دسمه يكون احسن

والله انا كنت حريصه ما يدخل بيتي الل الاكل الصحي الشوكلاته أبدا ما يذوقونها أولادي اكلي كله صحي ماشفت وجيهم أو أجسامهم زانت إلا كله مرضي أخذ ه المضادات مدري وين الاكل الصحي ما نفعهم حتي أمي قالت اللي نفسهم يبونه عطيهم لا تردينهم حتي لو من مطعم من صرت عادي اعطي أي شي ماشالله قللنا روحه المستشفي جسمهم امتلي شوي بس الخين حابه يصير وجيهم نضره وصحية