هل امي في ابتلاء؟؟

السلام عليكم ورحمه الله وبركاته انا اللي امس كتبت موضوع عن امي وحذفته

يابنات والله اللي بقوله لكم مدري ايش افسره لاكن اعتقد والله اعلم ابتلااااء من الله لامي

امي والله ان قلبها نظيف ولا فيه احن منه مو لاني بنتها بس لما الواحد يظلم مثلا تجي قريبه لنا وتتهم امي باتهام قوي

زي تقول هاذي عينها قويه او هاذي فيها وفيها وامي بكل سهوله تسامح وترجع كل شي كما كان وتعزم وتقدر وبكل وقت تهدي هدايا

وتزور وبيتنا 24 ساعه فاتحه للناس وتحب الجمعات وتحب السوالف وتمسك بنات خواتها كانت متخيلين تمسكهم وهم يسافرو ويورحو مافي انظف من قلبها

امي لاتحقد ولا تكرهه لاكنها الله يهديها عصبيه شوي واللي في قلبها على لسانها ماتدل طريق النفاق ولا تعرفه

مع ذلك الكل يكرهه امي الكل مايدانيها والكل يظلمها انها حسوده وانها نجسه وانها بتزوج اخوها وانها هي سبب المشاكل

وخواتها اللي مو الشقيقات بعد اللي تمسك امي عيالهم مايقدرونها وكم مره ارفض ان امي تمسك عيالهم لاكن امي تقول عادي لايصير قلبك اسود


والله ان امي جالسه بحالها والمشاكل توصلها الى عندها خالتي الوحيده الشقيقه قاطعت امي حريم خوالي ابعدو عن امي بدون سبب وسمعنا كلام

منهم انهم ظالمين امي باشياء كبيره حريم اعمامي منافقين قدام امي بوجهه ووراها بوجهه وياما وصلنا كلام وتشيش من ابوي على امي وسببو عماتي وحريم عمي

على امي مشاكل بتشيش ابوي عليها مع ذلك امي ماعليها من احد واللي يتركه تتركه واللي يجيها على طول تنسى كل اللي صار لها معاه ومع ذلك ترجع تعطيهم وجهه ثاني

اشوف الناس اللي فيهم شر ونفاق زي خالتي الناس يقدسونها ومو ناقص الا يبوسون رجولها عشان ترضى تعطيهم وجهه

اما الناس اللي تقدر وتحب الخير ولا تحب الكبر ولا النفاق الناس يكرهونها يعني فيه ناس للاسف فيهم ذل فضيع يحبون اللي يذلونهم وينقصون من قدرهم بالمعامله عشان

يعطيهم وجهه بس الانسان اللي خلقه نظيف ولا يكابر ولا يتفشخر ولا ينافق ولا يستغرض بسفراته واغراضه هذا يبعدون عنه

وحده والله قالتها لامي قالت انتي واختك فرق السماء عن الارض بينكم مع ذلك الناس مايبون الا اختك على غرورها ونفاقها الا الناس يلحقونها

قالت لامي فيه ناس تحب اللي يقدرها ويحبها ويقولها كلام الجد ماتبيه تبي الناس اللي تذلها وتحسسها انها اقل منها اللي ما تعطيهم وجهه بسهوله

المشكله امي تشيل هم حريم خوالي وخالاتي وبناتهم وعماتي وتجلس تفكر ليش قالو كذا وش جاهم منا وش شافو منا ماشافو الا كل خير بكلمها بقولهم

عجزت اقولها يامي اسحبي عليهم هذولا ناس ماينفع معهم المعروف لاكن قلبها مره يشغلها ليه الناس يتغيرو وينقلبو عليها