مادلري وش اقلك .. بس حاولي تغيرين نفسك

الله يعينج و يشفيج من اللي فيه ..
و يبعد عنج اللامبالاه و كل شي يكدرج و يضايقج ..
انتي عرفتي مشكلتج
حاولي تغيرين من نفسج يا عمري و تبدين تدورين حلول و ترجعين سالي الاوليه ...

عندج اكثر من مشكله برأيى .. اتوقع ان حليتيهم راح ترتاحين .. وانشاءالله ترتاحين .. حبيبتى اللامبالاة اللى عندج مانتجت عن فراغ ...!!! ناتجه عن ضيق انتى تشعريه فيه

ضيق من زوجج والدليل انج تقولين ان من الشهر الاولى ماتبينه يقرب وانتى مخليه الحمل عذر انه مايقرب .؟
اسألى نفسج شنو اللى مضايقج من زوجج؟؟ حاولى تعرفين سبب ضيقج منه؟؟

تذكرى ان محد كامل بهالدنيا ... حتى انتى وغيرج عندهم عيوب .. مافى انسان كامل ..
التمسى لزوجج العذر .. حاولى تقعدين مع زوجج وتبينين له انج متضايقه من هالشىء الفلانى وهالشىء الفلانى .. يعنى طوفى مره ومره تكلمى .. مو دايم تطوفين .. بكره يتعود وان عارضتيه بيقول هذى اشعندها الحين صارت تتكلم وتعترض
وحاولى تشوفين الايجابيات اللى بزوجج.. يعنى لاتطالعين الجزء السلبى منه ..

واتمنى لج كل التوفيق .. واحفظى نفسج بالأدعيه والمعوذات وآية الكرسى .. ولاتخافين من تروحين شيخ .. ترا كلها أوهام بس الواحد احيانا مايحب يطالع المشكله يروح يبحث عن الحل بمكان آخر او يحس انه سحر او عين لاسمح الله .. يعنى شيلى الاوهام من راسك وواجهى المشكله الحقيقية واعرفى اسبابها لعل وعسى تلقين الاجابه .. وكل شى يجى بالتفاهم

الاستغفار ثم الاستغفار ثم الاستغفار

الله يشفيك ويهديكم ويصلح حالكم ويخليكم لبعض
ويتمم لك حملك على خير ..