شوفي اختي SALLI
وربي الحالة ذي وصلت لها انا بعد من كثر مشاكلنا احس خلاص ماقدر اتحمل حتى وجودة
وكل شئ صار مالة داعي بالحياة وصرت اكرة الناس~وبس منعزلة وابكي
حطمت مستقبلي ودراستي تعثرت فيها
بس مرة وحدة قالت لي بتكرهينة كيفك بس نفسك انتي وش ذنبها
صدقيني اذا انتي ماحبيتي نفسك ماحد يحبك واذا انتي مأحترمتي نفسك اولا ماحد راح يحترمك
وسويت نصيحتها وصرت شوي شوي احاول اطلع واتعرف على ناس ورجعت لدراستي
والحين ماتتخيلين صرت نادرا مأتهاوش معة حتى هو صار مستغرب ويحسب ان وراي سالفة
وصار بس كل شوي يدق علي في وقت كان مايدق وصار يرجع بدري وقبل كان دايم مايرجع الا الفجر
اما انا ولا كانة موجود وصرت اهتم بنفسي واخبص من الخلطات الي اخذها من عالم حواء وصدقيني تغيرت 180 درجة وصرت احب نفسي وحياتي وكل شئ
ارجو اني ماطولت وبقولك كلمة ياقلبي ترا الحياة ماتستاهل ان تزعلين لو دقيقة فيها
اجوا انك تقرين كتاب لاتحزن لعايض القرني اذا ماني غلطانة تراة روعة

عندي نفس الحالة لكن امووووت واحترق من جو! لآنها امي وخواتي. والله العظيم اني ساكتة وزي الخادمة بس الخادمة احسن جوزاها السفر يخرجها لكن انا.. اه... يعاروني باني عاطلة وما تزوجت. وامي ما الها رغبة في الاثنين. بلعتها وقلت امي اطيعها!! والنهاية: "معاير" واذا تعبت ورديت قامت القيامة؟؟ كاني مالي مشاعر. احبهم لكن ما احس فيهم. بس كثير اتأثر من قسوتهم ومعايرهم... اقلها يعدون اكلي وشربي صدقة ما اقول راتب لخادمتهم؟
بالفعل الوصول لتبلد ينفع واتمنى ما احترق من جوا
الله يسعدكم دنيا واخرة ويكشف ضركم عاجلا غير اجل ويحبب اهلكم وازواجكم فيكم

فعلا كلامك صحيح اختي نونة انا مريت بالحالة هذه وصرت والله حتى مااتسبح ههههههههه مالي خلق لشي بعدين اختي قالت لي لو مرضت ولا صار فيك شي راح يرميك ومااحد خسران غيرك بس اول ماولدت صرت اهتم بعمري وعلى قولتك اخبص في الخلطات واتونس مع عيالي رغم المشاكل بس ماصرت اكترث لها مثل اول وهاملينه كلش لانه هو خلا نفسه حيطة لامنه ولا كفاية شره محسوب علي رجال استغفر الله ياربي لا وبعد مايشوفني شوفه هههههههههه تحملي اختي واهتمي بعمرك ماحد لا حد اليومين هذه

[بس مرة وحدة قالت لي بتكرهينة كيفك بس نفسك انتي وش ذنبها
صدقيني اذا انتي ماحبيتي نفسك ماحد يحبك واذا انتي مأحترمتي نفسك اولا ماحد راح يحترمك
كلا مها اختنا سليم وانا وحدة نصحتني كذا لكن ما طبقت. ما عرف ليه؟ بس كرهت كل شي حولي. وحسيت اني عودت اهلي على التنازل لحبي لهم ومافي امل اقول انا بشر انا بنتكم؟؟؟ بالعكس اكره ساعة على امي اذا تزينت! تهزأني بقوة. والله العظيم

الغاليه

اكيد كثرت المشاكل بين الزوجين والاشياء اللي تضايق منها المرأة بسبب الاشياء اللي يسويها معها من ناحية المعامله حتى لو كان احيانا شيءواحد يضايق حيل هالشي بيخلي مثل حاجز مع مرور السنوات او الوقت بينك وبينه
يعني من داخلك خلااااااااااص بتحسين انه ما انتي متحملته ما تطيقنه ما ودك تشوفيه او يقرب لك كثير والسبب هو تراكم الامور هذي فوق بعضها فتكوني دخلتي بمرحلة تسمى مرحلة (اللا حب) او مرحلة التكلس العاطفي تجاه الزوج
بس انا اخاف عليكِ من الاكتئاب لانك ما بديتي تهتمي بنفسك ومن هالامور

الله يخليكِ عليكِ بقرآة القرآن
وحاولي تفتحي معه حوار هاديء ولو اني قريت قبل مشكلتك الي نشرتيها من فترة وفعلا وضعك صعب معه كتيررر
لكن حاولي وقولي له احسن بينا حاجز نتيجة بعض تصرفاتك خلينا نفتح صفحه جديده وحاول تغير من الاشياء اللي تضايقني وكذا يعني من هالكلام وشوفي النتيجة وانت ابخص بالطريقة اللي تصلح بالنقاش مع زوجك بس يكون حوار هاديء الله يخليكِ
كل يوم اقري لو خمس ايات من القران قبل لا تنامي
واكثري من الاستغفار

وحاولي تقعدي مع الناس وتزوريهم واهتمي بنفسك لنفسك مو لاحد ثاني
واخاف عليكِ مثل ما قلت من الاكتئاب فمن البداية لا تخلي مرحلتك توصل للاكتئاب لانه ساعتها بتصير صعبه يا قلبي خاصه بعد الولاده تكوني عرضه اكثر للاكتئاب فامسكي نفسك من الان وغيري بحياتك يا طيبه للافضل

حاولي صح انه الانسان ما يقدر يختار كل شي وما يقدر يغير كل شي للافضل لكن حاولي لو غيرتي بنسبة 50 % او 30% بيكون ممتاز كثير وبتحسين براحه اكثر حبووووبه:)

وعسى ربي يسخر زوجك لك ويغير من تعامله معك في الاشياء اللي تغثك منه
وعسى ربي يخليك بخير وصحة وعافيه ويبعد عنك كل مرض وكل الم

وانقذي حياتك ونفسك صدقيني ان شاء الله الحل بيدك

(لو ما قدرتي تغيري من زوجك فلا تخلي حياتك ونفسيتك تنهد بسبب هالشيء ابدا حاولي تلاقي شيء ثاني يسد هالفراغ بحيث انه ما تصيري مكتئبه او من هالامور)

خلي املك بربنا كبير

:)