ظلع @thlaa

محررة برونزية

هل انا ناقص نمو عقلي وانا ما ادري عشان يعاملونني كذا

مساء الخير
اخوات جيتكم وانا احمل شعور قهر وعصبيه واستغراب فرجاء منكم ان تتحملوني وتردو علي لاني مالي الاالله ثم انتم افضفض وان كتمت ابنفجر انا مع انني جامعيه وكبير ومعي دورة حاسب وحاليا مسجله في دوره الا ان اهلي خاصه والناس بعضهم يتعاملون معي على انني جاهله ولا استوعب او ناقصه عقليا ما ادري ليش تخيلو اليوم كنا انا واخواني وعماتي 2 وامي جالسين والمجلس مليان جاب اخوي ورقه وقال اقرئوها وكل واحد يكتب اسمه ويوقع المهم اخواني قبلي كتبو اسمائهم ووقعو ويوم جاء دوري واخذت القلم الا اخوي قال لحظه استني قلت ليش قال لخوي الثاني خذ اكتب اسمها انا قلت ترى اعرف اكتب اسمي وسكتت وبعدين جلس يدور الحبر عشان ابصم انا وامي وما حصله انا رحت وصليت ونزلت طبعا باقي خواتي اصغر مني 2 وحده في المتوسط والثانيه اكبر اخذو الورقه ووقعو وكتبو اسمائهم ولا احد قالهم شي وبعدهم انا اخذت الورقه واشوفها قالت امي لحظه وتسئل اخواني هل ظلع تبصم قلت انا اعرف اوقع انا بقرارت نفسي اقول هو ليش فاكريني لها الدرجه من الجهل حتى اسمي وتوقيعي يفتكروني ما اعرف اكتب والمشكله ان خواتي الاصغر مني ما يعاملونهم كذا
وكذا موقف امر فيه مشابه لهذا الموقف ومنها يوم رحنا للعمره ويوم جينا نحرم قال اخوي يا الله ادخلو في نية الاحرام وكانت السياره مليانه بخواني وخواتي اصغر مني طبعا الكل يردد بينه وبين نفسه وانا كذالك الا الوالده تلتفت علي وتقول يا الله يا ظلع رددي الي ابقوله لك يا الله يعني بتلقني كيفيه الاحرم على اني ما اعرف انا عديت هذا الموقف وسكتت
دائم اكون انا وياها جالسين واذا دخل احد اخواني حتى الصغار تسئله سوال انا اقول يا امي ليش ما سئلتيني قالت ما تعرفين اقولها كيف ما اعرف والسوال من صميم تخصصي
والموقف الاخر من الناس وياكثر المواقف اذا اتصل علينا احد بيعطيني رقم او يبغاني مثلا اوصل رساله شفهيه للوالده مثلا يجلس يلقني وش اقول بدقه وتجلس تزيد وتعيد وتقول هاه فهمتي واقول اكيد فهمت وترد اخاف ما فهمتي المشكله انهم مع الاخرين ما يسوون كذا
وموقف اخر وحده من جماعتنا هي حرمه متعلمه سئلتني قالت هل قدمتي على الاهليه قلت نعم الاسبوع الي طاف راجعتهم وسويت مقابله وحظرت درس وشرحته وواعدوني خير واناظر الحرمه الامبققه عيونها وتطالعني بستغراب وتقول شرحتي انا قلت لها ايه شرحت وش الغريب هذا شي بسيط بنسبه لي والحمد لله ماعندي رهاب عشان تستغربين
ويا كثر المواقف الي شفتها زي كذا سواء مع اهلي ولا مع الناس لو ابتل اكتب لكم ما كفت الصفحه والله اني انقهر واستغرب واقول وش فيني ليش يعاملوني كذا هل يا ترى انا فيني تخلف او ناقص نمو عقلي وانا ما ادري

يلزم عليك تسجيل الدخول أولًا لكتابة تعليق.

تسجيل دخول

لمووي2009 • 13 سنة

بصراحة مستواك العقلي زين .............زتفهمين كل شي ...........تستوعبين .......مستوى تعليمك كويس .....؟؟؟؟؟

باي مرحلة انتي ........؟؟؟؟
تنجحين دوم ؟؟؟؟؟؟؟؟؟؟؟

جاوبي

غنج الشرقية • 13 سنة

يا خيتي لا تشيلي ببالك ولا تشغلي بالك بهالامور
هذا من الشيطان ,, اما بالنسبة ع تعاملهم معك
يمكن اتوقع والله اعلم عشان الى الان ما لقيتي وظيفة
تلقين بعض الناس تفكر انك ما تفهمين ,, عشان ما لقيتي وظيفة
طبعا الرزق مكتوب عند رب العالمين
لا تقلقين ولا يشغلك بال
عشان كذا تلاقين ردة فعلهم مبنية ع التفكير اللي اخذوه عنك
مدري يعني اتوقع
والا ليش هالطريقة في المعاملة او من خوفهم عليك
الله يرزقك ان شاء الله ويوفقك في الدنيا والاخرة

ظلع • 13 سنة

اختي لمووي انا ما اقصد اني امدح نفسي او اكملها لا انا زيي زي غيري اجاوبك على سوالك انا متخرجه من الجامعه ومعي دبلوم حاسب وحاليا داخله دوره

Om HoOor • 13 سنة

لمووي2009 :

بصراحة مستواك العقلي زين .............زتفهمين كل شي ...........تستوعبين .......مستوى تعليمك كويس .....؟؟؟؟؟ باي مرحلة انتي ........؟؟؟؟ تنجحين دوم ؟؟؟؟؟؟؟؟؟؟؟ جاوبي

بصراحة مستواك العقلي زين .............زتفهمين كل شي ...........تستوعبين .......مستوى...

بالله وش تحسين فية يا صاحبة هذا الرد ؟؟؟
البنت جامعية وكاتبة موضوع شطولة وشعرضة وبعد تسألين؟؟؟
صج قهرتيني على هذا الاسلوب البايخ

:angry:

اختى صاحبة الموضوع ولا يهمج اثبتى دائما لهم العكس وااستفزيهم حتى يغيرو رايهم فيك
وما شاء الله عليكِ ما تحتاجي شهادة احد فيك فيكي واثقة من نفسك

ظلع • 13 سنة

اختي غنج الشرقيه انا قد فكرت انه هذا السبب بس واذا ما لقيت وظيفه يعني مو مبرر ابد لهذه المعامله غيري كثير ما كملو دراسه ومع ذالك يعاملون زيي