بارك الله فيك

موضوعك حلو..

ولاحظنا كثيييير ايام المتوسط هذي الظاهره..وتسمى الاعجاااب...وفيه معلماات كثييير للاسف يتجاوبون مع الطالبات..

ليش ما تكون ها المدرسة اقدرت توصل لعقل الطالبات ونزلت الى مستواهم وبالتالي هم حبوها يعني اللي تنحب من قبل الطالبات لازم يكون علشان هدايا ومحسوبية طبعا انا ارفض بعض الكلام اللي ذكرتيه انا مدرسه والحمدلله طالباتي يحبون حصتي ويستمتعون فيها لدرجة انهم ما ودهم تخلص الحصه حتى الاقي هالاطراء من كل اللي يحضر لي من طالبات ومدرسات وفي ممرات المدرسة

واذا كنتي من لم تستطيعي في حياتك التدريسيه الوصول لمستوى الطالبات وكسب حبهن وثقتهن تصبح الحصه جافه وممله وتنتظر الطالبه انتهائها بأقرب فرصه للخروج.

ارجع اعلق على بعض من الكلام اللي كتبتيه بحق المدرسه المحبوبة :)

الاستحواذ على مشاعر الطالبات فيه أنانية ومحاولة إشباع التقدير الشخصي للمعلمة آو المرشدة وهذا يعتبر استغلال لمنصبها

مافي مدرسة تستطيع ان تجبر طالباتها على محبتها لكن حب الطالبات لمعلمتهم يصدر من تواضع التعامل معهن وتوصيل المعلومة بصورة مشوقه وسهلت الفهم


ان استحواذ إحدى المعلمات على مشاعر الطالبات يضيع على الطالبة فرصة توزيع الاحترام والمحبة على جميع معلماتها فتصبح لا تطيق غيرها وتضيع عليها فرصة الاستفادة من خبرات الجميع

ليش ما تكون بعض المدرسات جافات التعامل لدرجة انهم ما يغيرون اسلوب كل حصه وماخذين الطريقة التقليدية ولهم سنوات عديدة في التدريس لدرجة انهم ملوا المهنه وماعطوها حقها ولكن هم محاسبين امام رب العباد على كل شي يسونه


تكون الطالبة متململة في الحصص ومشغولة ذهنيا بالتفكير فقط في إرضاء تلك التي استحوذت على مشاعرها كاملة وكانت السبب في جفاف مشاعرها مع الآخرين


ليش ما تكون الطالبه منقهره من اسلوب المدرسه اللي جدامها وانها ليش ما تقدر تسوي اقل شي ممكن ويكون في صالح الطالبات وملل الطالبه تراه انعكاس من ملل المدرسه في الحصة




جزاجك الله الف خير على طرح الموضوع ولازم انه نتذكر انه جيل بنات اليوم يختلف اختلاف كبير عن بنات جيلنا

والله من وراء القصد

اعتقد ان فيه ناس تدخل وتعلق على العنوان بس سبحان الله اقرأي الموضوع بعمق وبدون اندفاع وتطرف وهناك من تنفعل وتاخذ الموضوع بحساسية كأنها مقصودة بالكلام ................انا لا أطالب بالجفاء والقسوة ولكن تكون علاقات محبة واحترام وليس فيها تطرف عاطفي وان تحب الطالبة معلمتها اذا ارتاحت لشخصيتها حب طبيعي مثل حبها لخالتها وانا ضربت مثل اني كنت لطيييفة جدا مع طالبات مرحلة معينة كن متميزات ولم اكن جافه معهن وكنت لا اجد اي حماس ولديهن فتور معي ومع جميع المعلمات ولا يجدن السعادة الا مع تلك المعلمة التي تعاملهن بلطف زاييد متطرف بحيث لا يطقن غيرها ......... افهموني يعني استغلال عاطفي ........شكرا على التثبيت الله لايحرمكم الاجر

صراااااااحه استغربة من الموضوع مدري احس ان المعلمه تكون محبوبه افضل من ان تكون العكس ومن وجهة نظري احس اذا كانت المعلمه محبوبه وكلن يبيها مايدل هذا انها مريضه وفاقده اشياء وتبي تعوضها............الخ ؟؟؟؟؟