ام محمد .. صادقة كلهم في نفس السنة بس كنت متأكدة انه معاذ اكبر.. معاذ من مواليد يونيو 97 ..وميس اصغر منه بسنتين ..مايو 99 ..

برضه لما جيت وروني الهنا وكان معاذ سنيتين وميس 4 اشهر ..

أحس انه الشهر يفرق ..مدري .. تراني خلاص ضاربة فيوزي مرة ومن الصباح وانا اعطس .. وقاعدة ادور عن فاتورة شي ابغى ارجعه ولا لقيتها ..الله يستر بس .. خايفة ازكم ..

حركة الحبس في السرير .. كنت ما ارتاح لها اقول كيف احبسه في السرير بعدين ينام فيه .. وانا شخصياً احب السرير حب خاص .. ومكان الحبس مكان كريه ..غير شي تاني انه ممكن الطفل يتسلق السرير وييسوي عملية انتحارية ..

وبعدين بعد كل الحكاية الطويلة هده جات سوبر ناني وقالت لأسرة انه السرير مو مكان تايم اوت..

الحمد لله في السوق مافي معاناه زي زمان وبعدن انا تعلمت انه لازم اعد نفسي اعداد مناسب للسوق.. انا شخصياً اطفش في السوق فكيف هم .. وصرت بعد التسوق والا في نص التسوق اخدهم العبهم شوية ..

وزي ماكلنا متفقات .. الشغلة اخد وعطا وسمعت كمان انك لما تقدمي للطفل هدية بعد التسوق لازم تنتبهي تقولي هده لك لانك ساعدتني ما تقولي لانك ما ازعجتني .. عشان لايكون مربط الفرس هو الازعاج ..

اهلا فرفوشة ان شاء الله يكون عاجبك اسم الدلع ..

والله صادقة يا اختي البيت مرة له دور في كل شي على الاقل الراحة النفسية ..

صحيح هده الشقة صغيرة لكن مرة مشمسة وحلوة بس قلت لك الولاية كلها زي القرف في حكاية البيوت .. بس الحمد لله جوها حلو وهادية ..

بيتي القديم كان زي شقتك التانية دورين وغرف النوم صغيرة والغرفة الاساسية حقتنا كبيرة .. وغرفة المعيشة والطعام كبيرة ومفتوحة على بعض وحايسة .. والمطلخ مو صغير مقارنة ببيوت الولاية بس الغسالة والنشافة فيه ..:( وكان مضيق خلقي ..وقعدنا فيه 5 سنين ونص وماصدقت انقل على اي بلوة المهم اغير ولما شفنا هده الشقة وهي فاضية عجبتني وبانت كبيرة ..بس لما جا العفش صارت علبة سردين .. وهانت خلاص ان شاء الله ربنا يفرجها على ابو معاذ ويخلص ونرجع ندبر عمرنا في السعودية ..

الله يجزيكم خير على الدعوات الطيبة وربي يجمعنا في جناته وتحت عرشه يوم لاظل الا ظله ..

وتقبلو سلامي وتحياتي ......مع اني عارفة اني راح ارجع بعد شوية ..

دويمة ..اهلين ياقمر ..

مدري احس حتى الاعتماد على النفس برضها اكتسابية مو رواثية ..

عندك مثال البنات والا الاولاد لما يروحوا سكن الطلاب ايش يصير فيهم ..

وتلاقي هنا الامريكان يرسلوا الاولاد مخيمات 3 اسابيع عشان يربوا فيهم الاعتماد على النفس ..

مرة زوجي قال يااااااااا الله 3 اسابيع والطفل عمره 7 سنين ..!!

الله يحفظك يوفقك للخير

تذكرت شي مهم ..

ايش نجاوب على الطفل لما يسأل : ماما ليش الله خلق المعاقين ؟ والمشوهين .؟

لما ارجع اقولكم اجابتي على اولادي ..

شوفو الموضوع فين بدأ وفين وصلته ..سبحان الله انا مرة انساسنة غريبة في الكلام ..!!

هلا بحمرة الورد ...امووووووووووووووووت في الدلع دلعيني للسنه الجايه خخخخخ
المهم ...انا نفسي افضفض واتكلم بحريه في الموااضيع ..لكن الله يهديه البيبي الي عندي يبهدلني على الكميوتر ...بالتوفيق وادعيلي يوم بتسافرين ....

شكلكم انشغلتوا خلاص ..

اقولكم الاجابة : قلت له الله خلقهم عشان يذكرنا بنعمة الصحة ..ولما نشوفهم نشكر الله ونحمده ..

قال طيب وهم؟ قلت لهم الاجر على الصبر والبلاء .. واذا كانوا مسلمين يمكن يدخلوا الجنة قبلنا ..

قال : ها!!

قلت له اجل ايش يتعبوا في الدنيا بدون مقابل .. ياولدي الله سمى نفسه العدل ..:)

اهلين فرفوشة ..ان شاء الله ادعيلك وانت ادعيلي وربنا يسعدنا اجمعين ..

اختكم : حمورة المسرورة ..