ست الحسن يا مرحبا نورك طفا الكهربا ..امزح معاك بس اليوم الشمس طالعة وشي يفتح النفس في هذا الجو المتجمد :)

والله حتى انا نفسي نفتح موضوع خاص ايش رأيكم تنتظروني بعد السفر خلاص سفري بعد بكرة ..

من الاساسيات اليي في هده الطريقة التربوية تلاقي انه الاهل مهيأين للتربية ..يعني مخططين للانجاب ..المهم مو هدا موضوعنا ..موضوعنا انهم ياخدوا حصص عن كيفية التعامل مع الطفل ..

واليي يساعدهم اكتر انهم اصلا تربوا بهده الطريقة ..يعني انا درست واخدت الحصص بس ما اعرف اطبق زيهم يبغالي اشيل الكتاب واكلم ولدي منه ..والله شر البلية مايضحك ..هههههههههه

تلاقي مجلة ولدي فيها كثيييييييييير من الاساليب اليي تحتاجيها في التخاطب مع الاطفال ..

احس نحنا ياحسرة لا عندنا خبرة ولا عندنا قدرة للتعلم لكن بنمشي ونطيح وربي يعطينا على قدر نيتنا ..

نجي في جانب مرررررررررة مهم ..مو كل الاجانب طريقتهم هده المثالية ..قلت لك جيراني 2 وفرق بين العائلتين ..واليوم في موقف الباص شفت العائلة الاولى وكانت البنت قاعدة تغني مع امها وبعدين قالت لها تعالي نسوي التشكن دانس ..ماتخيلت اجابة الام على قد المثالية اليي اشوفها فيها ..قالت : ايش هي التشكن دانس ؟

انا اعرفها ..ليش قولوا ليش؟ لاني اتابع كل شي من جد كل شي اقدر عليه في عالم اطفالي ..عشان اكون على بصيرة بكل شي يمر عليهم وابين لهم الحلال من الحرام والصح من الخطأ ..

مرت علي مواقف تدمي القلب ومرة انقهرت منها وبغيت انجن واثبتت لي تهاون الاهالي في تربية اولادهم ..منها انه في ولدين سبوا معاذ وقالوا له ياشاذ .

ومرة جا يقول ايش يعني هده الحركة؟ حركة الاصبع ..قال شفتها في الباص والمدرسة ..وكل مكان في المدرسة .

ما اكتر كلامي ..

فتاة سورية ..يا هلا ..انا قلت لهم راح اصور الغرفة واحطها اون لاين واكتب انها غرفتكم تعالي شوفي البكا ..وقلتلهم البكا ماراح يرتب الغرفة بس مافي فايدة معاذ اليي يتحرك اما الباقين ولا شي ..

قلت لك من اول الموضوع جوزي ماينسب لي الفشايل هده ..لانه شايف مجهودي معاهم بس هو يأس وكل ما اقوله عن شي جديد يهز راسه بيأس نفسي اثبت له انهم راح يتحسنوا ..

اخر شي الجداول اشترا واحد بنفسه بس برضه كان مو متحمس انه راح يغير شي ..

ومرات يفيض به ويشتكيهم على جدتهم ويقول لها وجنات تحاول فيهم بس مافي فايدة ..:)

وانا اقول مو مهم مادام ماقال وجنات مهملة مايهم اليي يقولوه يمكن يحسوا ..انا متأكدة لما نروح السعودية اول ما امي وحماتي يشوفوا خلقهم راح يكلموهم عن النظافة ..

بس الخوف وكل الخوف لما نرجع نهائي اخاف الاقي الشغالة مستقدمة من قبل لا اوصل :(

نصيحة لك اجلسي مع جوزك بهداوة وفهميه انه هدول اولادنا الاتنين واذا فيه ش يعيبهم راح يعيبنا الاتنين وانا لوحدي ما ابني اسرة مثالية ..فين دورك ؟

ومافيها شي لو قلت له انا احتاج دعمك على الاقل اذا مابدك تساعد لاتحبطني ..

يا اهلين دويمة ..الله يديم عليك النعمة ..يا اختي انا اولادي لما كانوا صغار كانوا احسن من دحين ..ما ادري كم اعمار اولادك؟ وما ادري ايش العوامل اليي خربت اولادي ..

هل هي المدرسة؟ او السفر؟ او قلة الاستقرار؟ والله ماني عارفة .!!

الوراثة مالها اي دور في تعلم عادات النظافة ..زي بالضبط قيادة السيارة مثلاً ..مالها دخل بالوراثة ..بس ممكن الوسوسة لها دخل بالوراثة ..

مرحبا شاااااااااام لاتفكريني بالحمام كلهم بهدلوني في الحمام وزي ولدك بالسنين ماعدنا لعب ..

اكتشفت انه اولادي اكبر اولاد في المجموعة ..:) عندنا محمد بس قريب من معاذ لكن الظاهر اصغر برضه ..لانه معاذ قرب 9 ..

اهلاً نوران ..والله اني احترت ناس كثير يقولوا لي شدي معاهم انت كتير مرخية وكل شي بالهدايا والمكآفآت يحتاجوا شدة ..

بس انا مرات يفيض بي واقولهم ياتترتب الغرفة يا اصورها ولا علي فيكم واليي يقول بيتي مايهمني هي غرفتكم انتو المسؤولين عنها ..

شام سبحان الله نفس الحلين اليي كنت اتبعهم مع معين ..بس لاحظت ان الحل التاني اثر اكثر ..لانه عرف انه هده الشغلة غلط ..

زي خدي متلاً في السوق قلت له مافي جري ولعب وانبطاح ..ولما اروح الشوبنق سنتر اليي جنبنا مايسوي دي الحركات ابداً ..

لكن لما اتحايل تعالي شوفي اشكال قلة الادب ..مثلا رحت المول الاربعاء الماضي ..وكانت معايا وحدة من الاخوات هي اليي وصلتني قالت لي ابغى اروح المول تجي معايا ؟

المهم هي صارت تحايل معين ..هو يعرف انه لما اقول لا يعني لا ..وعندنا وخلصنا عناد وصار يسمع الكلام خلاص ..لكن لما حايلته ..وراني الأويال مو ويل واحد ..

انبطح في الارض وبكي وصرخ والناس كل شوية يجي واحد يقول شيلي الولد ..حسيت اني في السعودية !! زمان محد كان يتدخل ..

المهم معين 5 سنين ..وخلاص تعلم انه هدا الشي غلط وماما ماراح تخليني اسوية واذا سويته بالعناد راح اتعاقب .

ويوم السوق عاقبته وقعد يعتذر طول اليوم وقلت له مافي مسامحة قلة الحيا اليي سويتها ماتروح بآسف ..طول اليوم مافي ألعاب ولا تلفزيون ..

أم محمد يا هلا ومسهلا ..

أجل انا زي محمد :) هههههههه معاذ يجاوبني بدون انتباه وامسك عليه الاجابة :) وصار يحاسب في كلامه ومرة قال لي لما تسألي وميس تجاوبك لاتجي تحاسبيني ..

انا برضه لاحظت التحايل و الحلول النص النص ماتصلح ..وانا اشد وهم يشدوا ولا عندنا احد يرخي ..:)

فعلاً قلت في بداية في ردي على ست الحسن اننا ماعندنا خبرات قديمة في طريقة التفاهم ..

عجبني اقتراحك ...وفي موضوع قيم للاخت ايمان علي عبارة عن دورة 5 اسابيع مع الطفل ايش رأيكم تنظروني بعد السفر استأذنها وانقله ؟

او ممكن كل وحدة تحط لنفسها نقطة كانت فيها مشكلة تحط لها حل وتشوف ايش يصير معاها ..

مثلا عندي معاذ يحب التلفزيون بس من بعد البريك مايشوف التلفزون الا في الويد اند ..

ايش سويت .......بطلت افتح التلفزيون في وجود معاذ في البيت ..

ومرة قلت له تعال نسوي تحدي لو ماطلعت من الغرفة تتفرج على التلفزيون راح اعطيك 3 استكرات من الجديدة ..ونفذها في داك اليوم وبعدها فشل بس صار يتذكرها ..

اصلاً معاذ هو اول سبب جبنا التلفزيون .. فضحنا ..كان يخرج يروح للجيران بس عشان يشوف التلفزيون ..

وانا بعدها قررت اني ما اجيب شي يشوفه عند الناس لازم يتعلم يقتنع .. وصرت اسجل لهم من البرامج اليي تجي في الصباح يشوفوها في الويك اند .. بدل القرف اليي يجي مباشر ..البرامج اليي في الصباح مرة تربوية مقارنة بالقرفان اليي في المسا والا الويد اند (اسبنج بوب .. لاافتار..بوكي مون ) اشياء تجيب المرض..

هلا ام معاذ



اظن محمد ومعاذ نفس السن لأنهم اثنينهم بالصف الثالث
محمد مواليد 1997 شهر اكتوبر يوم 28
ورويدا بنتى مواليد 1998 شهر اكتوبر برضو بس يوم 10
شوفى كيف كنت منتجه العيال ورا بعض ههههههههه
طلعوا عيونى اول سنه جيت بيهم كندا كانوا سنتين وسنه
وكنت ببلادى جنبى عائلة زوجى يساعدونى لقيت نفسى هنا وحدى وهم بسن صعب التعامل معهم فيها
وموقفك فى السوق كان متكرر عندى لما كانوا اصغار
وكنت احس انى نفسى اطيح فيهم ضرب بس لانى بالشارع ما اقدر
بس اعتمدت معهم العقاب والتشجيع فجاب نتيجه
لما كانوا صغار كان العقاب بوضعهم فى سرايرهم اللى تنقفل وما يقدروا ينزلوا منها وكنت ما ارد عليهم وهم يصرخوا الى ان يتوقفوا عن البكاء وهذه شفتها فى السوبر نانى زمان كان النانى رجل , وجابت معهم نتيجه انهم بطلوا عياط
كمان كانوا لما يدخلوا السوق ايشدوا الالعاب وما يتركوها وانجبرت فى البدايه اشتريلهم لعب غصباً عنى لان الناس كانت تطالعنى بس بعدها تعلمت اخليهم يعيطوا ومن الاول اقوللهم ما حشتريلكم شيئ
وكانوا ايعيطوا لما ارجع اللعبه مكانها بس ما اعبرهم
بعدها تعودوا ما يقربوا شيئ الا بأذنى
مره لما كانوا صغار وخذيت منهم اللعب ورجعتها مكانها بالمول وصاروا يصرخوا
جت وحده كنديه وزوجها وصاروا ايقولوا شوفوا الولد المسكين امه تحرمه من اللعب فاكرينى انى ما بعرف احكى
رديت عليهم انه هذا مو شغلكم وان لو تركنا الاطفال يعملوا اللى يبوهم ما راح نخلص وحاولت اخلى لكنتى زيهم
والله وجوههم صارت مثل الطماطم وانصدموا واعتذروا وراحوا
انا من داخلى اقول ان شاء الله ما ينادولوا الشرطه
والله مواقف كثيره مرت بس الحمد لله جاب نتيجه معهم على الاقل الحين يسمعوا الكلام ويجوا بالتشجيع والوعود
وتعلمت فى ابنى الصغير ثلاث سنوات انى اغير تعاملى من الاول والحمد لله ماشى الحال معه ويكلمنى زى الكنديين,,
حتى بالمولات من زمان ما نستخدم العربه ويمشى جنبى الا لو محمد مشى بعيد فيمشى وراه

ومثل ما قلتى علينا استخدام اللين والتشجيع مع اشوى شده فى التعامل معهم
لأن لازم يتعلموا انهم يعملوا لنا حساب وخصوصا الذكور ربى يحفظهم ويقدرنا على تربيتهم

وتروحى وترجعى بالسلامه
وهاتِ معك افكار من الوالده ربى يحفظها

سلام

اختي حمرة الورد الله يسهل عليكم رحلتكم ....

حركاات الاطفا ل ما تخلص ...ومشاكلهم ما تننتهي ....لكن مثل دعاء الام لابنائها مافي مستحيل ولا يعاادل ستين مجلد من مجلداات التربيه ...ولا يعاادل الف من المحاضرات التربويه ..كيف لا وقد انعم الله علينا نحن الامهات بنعمة استجابة الدعاء لعيالنا ....ادعيلهم على الطالعه والنازله وادعيلهم بصوت يسمعهم ....

انا عن نفسي ..دايما اقوول هم ضحايا الغربه >>> طبعا مش امامهم
مساكين لا اصدقاء ولا طلعات ولا ربع اللي يحصلوونه في بلادنا ...
رغم انها في الحد ذاته نعمة عظيمه لانهم يكونون تحت رقابتنا على طوول الخط ....

ولا تتخيلين اني مرخيه معاهم >> لا ابدا بس احاول اكوون في الوسط لا افراط ولا تفريط
وللي جعلني اتكلم بهذا الكلام التجاارب اللي عشتها بنفسي وشفتها في الناس ...
واللي في نهاية المطااف يعتمد بالدرجه الاولى على البيت في الغربه ....انا سكنت شقتين قبل لا اسكن البيت ...
الشقه الاولى شرحه وتفتح النفس وغرفة الاولاد واسعه جدا جدا وشايلة كل اغراضهم والكبت كبير ....ولو يحوسونها كلها بسرعة تترتب ...لكن للاسف كان موقعها ما يناسبنا ...
اما الثانيه اعووذ بالله منها كرهتها وكرهت الترتيب فيها ..وعيالي وزوجي كرهوها وكنت اتعب بدرجه كبيره في ترتيبها لان نظامها مش حلو ابدا رغم اننا يوم خذناها كانت ديلوكس واوسع شقه في المجمع ....عيبها غرفتين فقط وكلهن صغاار لكن المطبخ والصاله كباار ...
والمطبخ بالضبط عند الباب واصواتنا كلها في الممراات حتى انشهرنا على المستوى بازعاجنا ...وطبعا كان كل شىء في الوجه ...
الحين ولله الحمد ...البيت هذا افضل بكثير ...لاني اقدرت احط كل شىء مكانه ..بس الي متعبني فيه المطبخ ..
خلاصة الكلام ان البيت يلعب ويساعد بدرجه كبيره في المساعده على الترتيب والنظااام ..
وفي عوامل كثيره جدا ايضا ...وفي كلام طويل ايضا للاولاد ...بس حاليا ما اقدر اكتب وايد خصوصا في الويكند ...
اختي الله يوصلج بالسلامه ولا تنسينا من دعائك ..

ام معاذ لا انا اقصد الاعتماد على النفس مو النظافه تكون وراثيه والله اعلم ولدي الكبير عمره سته وعشر شهور والثاني بعد كم يوم ان شاء الله خمسه وفعلا الغربه لها تاثير عليهم وينعكس ايضا على الام وتشوفيم الام ما تتحمل والله اعلم الله يوصلك بالسلامه نحتاج دعواتك يالغاليه