والله انا معاهم علاقتي عاادي كاني اختهم والله يشهد اني اعتبرهم اخواني
نجلس مع بعض ايه بس مو لحالنا يكون معي زوجي او خالتي او العايله كلها
وبصراحه انا ضاربه الميانه معهم اسولف وعادي
بس الله يعلم بالنيات
كل مجتمع يختلف عن الاخر

الصراحه مستغربه مرررره كيف كذا يااخوات الدين واضح اخو الزوج رجال غريب حرام الوحده تجلس معه وتسولف وتضحك حتى لو زوجك موجود والاخوات والقبيله كلهم حرام والله رجال غريب كيف يسمع سواليفك وضحكك حتى السلام لاتبادرين بالسلام ترى الحياء نعمه كيف اخو الزوج كانه اخو الوحده لا لاهومو محرم لك ولااخو يضل رجال غريب الحمدلله بالجنوب ماعندنا ابدا الجلسه مع اخوان الزوج والسوالف معهم يارب لك الحمد

انا اخو زوجي سكن معنا انا وزوجي 5سنوات في شقه صغيرة لكن الحمد لله طول هاذي المدة ما كشفت عليه ابدا ولا دخلت مكان هو فيه كان له غرفه وحمام منفصلين اللي هم مجلس الرجال ولا عمري كلمته ابدا حتى السلام ما اسلم ولا ارد عليه السلام كنت اعاني يمر شهور وانا وزوجي ما اجتمعنا على وجبة آكل لحالي كل يوم لكن راضية عن نفسي لاني ارضيت ربي والحمد لله بالاخير طلع من عندنا احيانا كنا انا وزوجي نظطر نروح معه بسيارته والله ما يسمع صوتي اذا بغيت شي قلت لزوجي في اذنه احرص منه اكثر ما احرص من غيره رغم انه كان محترم جدا

يعني لييييييش الاغلبيه تقووول اتغطى وبعبااايتي وجالسه معهم وساكته

احسن تطلع واللي يقولون نسلم ومدري شووو ترون صوت المراه عووره

ولاتنسون ان الاذن تعشق قبل العين

والله عجيبين انقلب الدين عشااان العاااادات

احنااا كانه رجال غريب لاسلام ولا كلام حتى ماايجلس احد بالمكان اللي بتمر منه يعني

حتى وهيه بعباايتهاا محد يشووفهااا خلاص بس نقلهم فلانه طالعه ويروحون كلهمم

نسلم السلام عليكم ويرد السلام واذا سلم ردينا السلام اما سوالف مافيه

واحيانا نجلس معاهم بالمجلس اللي هم فيه بكامل ستري ومتغطيه حتى عيوني وبالمكان اللي نكون فيه يكون ابو زوجي وامه وخواته وزوجي نفسه ويسولفون وحنا جالسين واذا فيه سالفه علقنا عليها بس باحترام بدون ضحك وصوت عالي ومياعه

اول الله يغفر لنا ويرحمنا كانت العادات والتقاليد غالبتنا كنا نلبس برقع ومانغطي اعيينا عنهم وحاطين مكياج عيون ولابسين جلال ويطيح عن نص اليد وبينه الساعه والاكسسوار والخاتم ونسولف ونضحك
تصدقون يارب تغفر ماتقدم كنا نسلم باليد يعني احط ايدي بيده يالله كل مااتذكر يقشعر جسمي جهل لابعد الحدود وخوف من الحموله لايقولون ماسلمت وماردت السلام بس كنا بجهل وكانت القلوب
صافيه بس الحين الحمد لله مثله مثل الغريب ياربي لك الحمد على الدين والستر
بنات رجاء لاتجي وحده وتحط ديسلايك انا كنت جاهله ومتبعه عاداتي وتقاليدي اللي يوم عرفنا وكبرنا عرفنا انه غلط