هل تحسين بالغربة لما ترجعين لبلادك؟؟؟

السلام عليكم ورحمة الله وبركاته..
بغيت أتكلم معاكم بموضوع يمكن تحسونه غريب شوي..كلنا نعاني من الغربة في بلاد الغربة بس هل حد منكم يعاني الغربة وهو في بلاده؟؟؟؟؟؟؟؟؟؟؟؟؟؟؟
والله اني مستغربة من نفسي انا متزوجة من 3 سنين ومتغربة من سنة تقريبا...بس لما رجعت على بلادي في الإجازة حسيت الناس كلها تغيرت؟؟؟أحس سوالفهم سطحية ماهمهم إلا الماركات وشريت بكم؟؟ يعني المادية في سوالفهم وصلت أنهم يحكمون على الفستان اذا حلو أو لا من ماركته؟؟؟والله لو أقول فستان فلانة حلو بيسألوني أول سؤال بكم اشترته؟؟؟
يعني شلون الدنيا تغيرت بهالسرعة مادري؟؟؟؟؟
وأهم شي الوحدة لازم تسافر الصيف ولازم فندق راقي وغالي جدا يعني مو 5 نجوم لا اكثر!!!!!
وصايرة كل وحدة تبي تشيش على الثانية يعني تخربها على زوجها ,من طريق أنا زوجي سوالي وزوجي عطاني...والله مب عارفة شصاير!! القهر أن بعض الناس الملتزمين وأحسبهم عند الله كذلك تأثروا بهالجو المادي!!! (اللهم يا مقلب القلوب ثبت قلوبنا على دينك)..
بصراحة صرت أقعد معاهم كني مخنوقة...وأقول اللهم لا عيش إلا عيش الأخرة...
أنا الحمدالله ماديا عايشة بنعمه بس مستغربة من حركاتهم كنهم مستحدثي النعمة؟؟؟؟
هل حد منكم يمر معاي بهالأزمة؟؟؟
هل حسيتي في يوم أنج مب قادرة تنسجمين مع اللي حولك؟؟(طبعا أنا هنا ما أقصد بيت أهلك أقصد القرايب والمعارف).

مع الشكر الجزيل وأتمنى كل وحدة فيكم ترد علي برايها..