بارك الله فيكم ورزقكم الذريه الصالحه
فعلا اخواتي الرسول عليه افضل الصلاة والتسليم قال تعاونوعلى اموركو بالكتمان
هذا يدل على انه الموضوع لازم يتخبئ بالاول بعدين تقولين
انا عن نفسي مااعلم الا بعد الرابع اوحتى الخامس ومااقول حتى اللي معي بالدوام والله يابنات حساد ومااخليهم يعرفون الا بعد الثالث اذا اسئلو ولاحظو التعب واذا ولدت صدقوني يابنات يقولون لاتحملين الابعد سبع سنين
والله يابنات وحده معي ماتعلمهم ابد لدرجة عشان تخفى الوحم عنهم تحط مكياج ثقيل مره وبنت خالتي ماتعلم احد لين تولد والله العين حق يابنات
الله يحفظنا من العين والحساد امين يارب

موضوع حلو ومهم وايد وانا مع الي يكتمون لانه العين حق فعلا وعن تجربه لاني يوم عرفت اني حامل من الفرحه نشرت الخبر يعني اطرش بهالمسجات من الصبح لين الليل يعني ماخليت حد رغم انه زوجي قالي لاتخبرين حد ترى العين حق بس انا ماهتميت قلت على شو بيحسدوني انا تاخرت سنتين لين حملت بالعكس بيفرحون لي...............وقدر الله ماشاء ...........بعد اسبوع من نشري الخبر اجهضت الحمدلله على كل حال وهذا كان لي درس ترى الناس ماتقول ماشاءالله نسوها هالكلمه الحسد والغيره سكنت فيهم مب كلهم بس الاغلبيه والله ياخواتي اقرب الناس حسدني على حملي .....فانا اقول الوحده تكتم لين يثبت تتجنب عيون الحساد

انا من النوع اللي يكتم الين يبان من نفسه

لان مو كل الناس تبي لك الخير:26:

ام سالم603

قصدك ( أستعينوا على قضاء حوائجكم بالكتمان )

شكراً حبيبتي على الرأي السديد وأحس صعب زميلا ت العمل تخبين عنهم لأنهم يشوفونك بشكل يومي والله يعينك عليهم

ميره الرميثي

شفت اللي يحصل من ورى الناس الله يعوضك حبيبتي وأكتمي الخبر لحد ما يبان

roma88

أحسنت حبيبتي هذا اللي المفروض كل حامل تسويه سعيدة بمرورك

أولا يادلة قهوه والله انك قعدتي راسي بفنجان الرزانه لاني احب البنت اللي مو كل الناس تعرف خصوصياتها
وبالذات الحمل
لان اخت زوجي كانت حامل بالرابع واقول لها ليش طالع لك بطن بزياده هالسنه تصدقون وش ردت هي وامها والله كله غازات
وبعدها حلفت ما احد يدري وفعلا اجي في الخامس ما بنت امها تدري الا (امي فديتها وفديت التراب اللي تمشي عليه)
اذا علمتها تصدقون ما تعلم حتى خواتي