عزيزتي رسل

أول شي كيف حالك؟؟

و كيف الجامعة

على فكرة ايش تخصصك؟؟
اشتغلت اللقافة:32:
<< -- وحدة فضولية :mex:


نجي للأسئلة الخاصة بموضوعنا

هو التكيس يسبب زيادة الوزن؟؟ ولا العكس
بمعنى انو زيادة الوزن تسبب التكيس؟؟يعني انا دحين خفت
رغم اني الحمد لله الحمد لله الحمد لله جسمي عااااادي يعني لا دبة و لا نحيفة
و صار هاجسي الوحيد اني امتن بسبب التكيس.


سؤال ثاني:

كيف تعرفي ان التكيس بسيط و لا لأ؟مع ملاحظة انو هناك تكيسات و كيس
التكيسات اللي هي حويصلات صغيرة في المبيض بينما الكيس اللي يكون حجمه كبير يؤدي إلى انتفاخ المبيض.

و هادي اللي تقولي عليها عندها تكيس كبير و حملت بعد ثلاث شهور
كانت تجيها الدورة كل كم شهر؟؟مممممممممم
ايش كمان كنت أبغ أسأل؟

.
.
أقولك خلاص كفاية عليكي كده

و شكراً ليكي و مقدرة تعبك معايا.

سمورة الدلوعة

ابشري اتغربل ابليسي غربلة من دعواتك
ان شاء الله عسى ربي ما يقويه علينا و يخلينا أقوى منه

أما بالنسبة للي يغردوا زي البلابل
انا اقولك ما طار طير و ارتفع إلا كما طار وقع

يا بنتي كل هادول اللي يغنوا أصوات الحمير بعيد عنك احسن من أصواتهم
بس الله يخلي فلاتر الصوت في الاستديوهات

طولتها و هي قصيرة صح:23:

بس ايش نسوي عاد
بنات
و على قولة القايل (مقيولة من اخواتنا الكويتيات)
أبو طبيع ما ييوز عن طبعه.


و هادي :26: مني لكل رجل محترم يحترم نفسه و نصفه الآخر

و عسى ربي ما يغير عليكم و يسعدك يا رب
قولي آمين.

أمل روحي

كيف الحال، ان شاء الله تمام


عجبني كلامك...
لا تحكمي على نفسك بهادا الشكل وتعقدي الأمور خلاص أستمري على العلاج أما الحمل وهادي الأمور لا تفكري فيها دحين ..


و هو هادا اللي انا مقتنعة فيه لانو أساساً كلام سابق لأوانه

انا اللي يهمني علاج المرض عشان لا تتطور الحالة أكثر و أكثر .. لانو تكيس المبايض له أضرار ثانية غير تأخر
الحمل (اللي ما يعنيني كثير لاني اساسا مو متزوجة)

لان تكيس المبايض يسبب خلل في الهرمونات و كلنا نعرف كيف هذا الخلل ممكن يتطور مستقبلاً مع الوقت
لحجات تانية الواحد يخاف من مجرد انو يفكر فيها.


و بالنسبة لكلامي مع أم تالا
هو حديث نفس يمر في خاطري كل ما أثير موضوع خطبة

بس يختفي بمجرد انتهاء الموضوع


و أشكرك مرة ثانية و ثالثة و رابعة و و و و على اهتمامك.

عطرة

عطرتي المكان بأريجك الفواح

أصلح شاعرة :42: لوووووووووول
رغم اني في جهة و الشعر في جهة تااااااااااااانية.


بس غريبة حكاية انو نص البنات عندهم تكيس

لان كل اللي اعرفهم تجيهم الدورة عادي كل شهر.

و انا اللي اعرفه ان 10% من نساء العالم مصابات بالتكيس


بس شكلو انتي صادفتي بنات كثير عندهم تكيس
ياللا همتك معانا نبغى خبراتك

<< --- على بالها انو عطرة وكالة BBC للأنباء

خخخخخخخخخ
ترى أمزح
بس مشكورة و ما قصرتي
و بالنسبة للعلاج بالعسل راح أحاول أبدأ فيه
بس في رأيك اي نوع من العسل يفيد أكثر
ايش رأيك لو عسل سدر؟

و مشكورة يا اريج المنتدى الفواح:26:

أم فايز

شكراُ على النصيحة

و أحب أقول لكل اللي يقرأ الموضوع
ان موضوع (الخطيب) انتهى

و أنا حابة انو الاجابات تكون على الأسئلة الثانية لأنها أهم بالنسبة ليا

أما بالنسبة لتساقط الشعر أنا عانيت منه حتى قبل ما ابدأ في العلاج
يعني قبل ما آخذ حبوب منع الحمل اللي قالت عليها الدكتورة.

تحياتي لك.