هل تغار الأم من بنتها؟!!!!!!!!!!!!!!!!!!!!!!!! !!

هل تغار الأم من بنتها؟!!!!!!!!!!!!!!!!!!!!!!!!!!

صاحبتي تحكي لي عن أمها و تقول:
إنها لما تكلم خطيبها (زوجها) تتنرفز الأم وتتخانق مع بنتها !!!!!!!!!!!!!!!!
وبعد كل مكالمة تفتح معاها محضر تحقيق إش قال لك ؟ وإش قلتي له ؟
و لما تحس إنها مبسوطة معاه تتضايق !!!!
أما لما تبين لها إنها متخاصمة معاه حتى لو بالكذب تنبسط الأم عالآخــــــــــــــــــــــــــــر!!!!

كمان أمها تتضايق لما أخواتها المتزوجات يحكوا عن أزواجهم ويقولوا فلان جاب لنا أو فلان سوى لنا لدرجة إنها تقفل الموضوع بسرعة وتقول عن بنتها كلام ما تقوله أم لبنتها... ولما يقولوا لها إنهم متضايقين تتحسر عليهم وتقول خايبين طالعين لأمكم ما فيكم وحدة مبسوطة ....

تصوروا إنو لما طلبت صاحبتي منها تروح للسوق حتى تبدأ التجهيز لأنو زواجها راح يكون في هذا الصيف إش قالت لها؟
قالت : وليه تجهزي خذي فلوسك معاكي وخلي المحروس يجهز لك لما تروحي بيته!!!!!!!!!!!!!!

تصرف غريب !!!!
ياترى في أمهات كده ؟؟!!
صاحبتي تفسره بإنو غيرة لأن أمها تحبها كثير أكثر من باقي أخواتها ......لكن
هل ممكن الأم تغاااار من بنتها لما تكون مبسوطة مع زوجها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما أتصور إنو ممكن ماما تغار مني لكن كلامها حيرني !!!!!!!
أفيدوني ولكم مني كل الشكر


وأحلى سلام لأحلى أخوات