هل تلوموني فيما قلت؟!! أرجوكم ردوا

السلام عليكم ورحمة الله وبركاته..

بصرحة ماأدري كيف ابدأ وايش أقول!! بس لثقتي فيكم وفي آرائكم حأقول مشكلتي واللي أتمنى انكم تشيرون علي وايش أسوي فيها.

أنا مملكة من 3 سنوات ومن يوم عرفته تعلقت فيه لدرجة اني ماأتصور في لحظة انه نبعد عن بعض أو انه حتى نزعل من بعض, كنت أثق فيه لدرجة كبيرة عمري ماشكيت في تصرفاته,
في الفترة الأخيرة حسيت انه صار عصبي حتى على أتفه الأسباب , حاولت أتغاضى وأقول عادي إلى يوم من الأيام رجع الصباح من البحر واتصل علي وجلس يتكلم وكان كلامه غريب , قلت في بالي ايش فيه كأنه واحد شارب شيء بس شلت الفكرة من راسي وقلت مستحيل الين قلت له ايش تقول انا مو فاهمة شيء! زعل وعصب وقفل في وجهي , بعدها اتصل وحاول انه يلف ويدور بعدها قلت ايش فيك كذا ملخبط قال بصراحة أبغى أقول لك شيء وياريت تسامحيني و تساعديني. قال بصراحة أنا أشرب ومن قبل ما أعرفك حاولت اني أقولك بس لاني أحترمك و خفت أجرحك خبيت عنك, الى ان قررت اني أقولك واللي يصير يصير وأتمنى انك تقدري صراحتي وتساعديني.
بصراحة صدمني بقووووة ماعرفت ايش أقوله خاصمته وهزأته وقلت له قبل لاتفكر انك تحترمني احترم نفسك أول, قال يعني كنتي تبغيني أجيب الزجاجة الى عندك قلت له وربي اكسرها في وجهك! زعل مني وقال هذا بدل ماتوقفي بجنبي وتساعديني وقفل السماعة ومنها ما اتصل ولا انا اتصلت.
ايش رايكم هل معايا حق في اللي قلته والا كلامه صح وكان المفروض اني أوقف جنبه,يمكن كنت قاسية معاه شوي بس والله من الصدمة ومن خوفي عليه,والله ما أقدر على زعله وفي نفس الوقت ماأقدر أشوفه كذا واسكت.
ياناس أرجوكم دلوني أنا بحاجة لمساعدتكم.
أنا بانتظاركم