ما دام تدوري الراحة اشتريها ، فضي مكانها و جهزيه و متى ما اتوفرت الفلوس اشتريها ،،، و مبروك البيت الجديد ،،

الحين انتي لما تغسلي اطباقك ما تشيلي بقايا الاكل قبل ما تغسليهم عشان ما يسدو الصفاية هذي نفس الشيء ...

خذيلك منشفة او منديل عشان تنزلي بقايا الاكل مثل قطع المكرونة والرز وعلى طول صفيها في الغسالة ...

تغسل كللللللللللللللللللللللللل شيء ما عدا الالمنيوم (( الي هو خطير الطبخ فيه اصلا يعني طلعيه من بيتك وبدليه بالاستيل )) والخشب ينتفخ من البخار ...وترامس الشاي والقهوة تتعبى موية اذا حطيتيها فيها ... وبعض بعض انواع البلاستيك لان الحرارة تخليه خطير ومسرطن والعياذ بالله... وعموما فيه دورات غسيل درجة حرارتها منخفظة .... .... ومن قال ما تغسل الفناجيل ...يقصدوا الاكواس المزخرفة بالذهبي والفضي وبعض النقوش يمكن تختفي من بعض برامج الغسيل ... ولكن الان فيه بعض الغسالات فيها برنامج (( الحساس للاكواب والصحون الي من هالنوع .. يعني تنظفها وتلمعها بلطف )) ...

صدقيني ما اخترعت عبث ... (( الوقت من ذهب وربك ما سخر النعمة هذي الا حتى تستفيدي من وقتك لرضاه ))

خوذيها وانت ممغمضه ومنزل مبارك

مشكورين يابنات على الردود الله يعطيكم العافية ويرزق الجميع ان شاء الله
انا اقتنعت بكلامكم وتوكلت على الله وقررت اسوي مثل ماقلتوا اترك لها مكان عند المجلى لحدما اقدر اوفر ثمنها واشتريها واريح نفسي تعبنا من الغسل والفرك وطشطشة الملابس بالماء وخصوصا بأيام الشتاء الله يعيننا على التعب ويكتب لنا الاجر ان شاء الله .  

باقي لي دفعتين من حافز ان شاء الله افش غلي فيها واشتري غسالة صحون ...
يوم رحت اكسترا قلت لزوجي تعال نشوف اسعار الشغالات ... قال وينهم قلت هذولي هم
قال مالها داعي ليش ربي خلقلك يدين ... بس والله تعبت الكل يرمي مواعين ولاهمه
الوعد حافز القادم والي بعده بإذن الله