هل ربي رح يعاقبني على اسلوبي مع امي؟؟

نادري من وين ابدا .. انا انسانه ماقدر امسك اعصابي والله العظيم شي اعااني منه اي احد يحارشني اتنرفزز واعصب واسوي مشكله ايا كان كبير صغير احط عقلي بعقل بزر واتهاوش معاه كنه بعمري ..
امي ماتخلي احد بحااله اي شي اسويه تنغصه علي اي لقمه اكلها تنغصها علي ماتحب تشوفني مرتاحه تلومني على اشياء انا مالي ذمب فيها وتتهمني بشرفي وتشكك فيه وكل شي ياقبيحه شوفي وجهك وش قبحه اعوذ بالله انتي محد بيتفل بوجهك وبيتزوجك .. شوفي خشمك وش كبره وتقعد تقارني ببنات اجمل مني .. الكلام هذا اللي تقوله لي اكون قاعده بحال سبيلي فجاه اشوفها ناطه علي الله ياخذك من بنت قبيحه مالت عليك انتي وخواتك فشلتوني ولا وحده فيكم رفعت راسي كلكم فاشلات ولا وحده فيكم تزوجت واحد كفو ... طبعا كل خولتي متزوجات الا اناا ... انا قبيحه محد تقدملي واساسا احمد ربي لاني مابي اتزوج ولا ابي عيال .. بس ماقول قدام امي كذا تجي تعايرني بهالشي ليه؟؟ كل شوي تقولي ياللي طايحه بكبدي يالقبيحه ياللي لا زواج ولا دراسه ولا مستقبل يالعجوز ... والله كل يوم على هالموال ونا صايره ماتحمل صرت كل ماتقولي كذا اجاكرها وارااددها واعصبب لاني مااتحملل ماقدر امسك نفسي والله اني اجلس ادعي انو ربي يصبرني عليها واني ماكون ارد عليها ولا اعيقها بس مااقدر دايم اراددها وارجع اندمم .. وكلامي يكون قوي والله واقول كيف اقول ل امي كلام زي كذا بس والله ماقدر احسها تحثني على هالشي تحب اني اراددها عشان تدعي علي تمووت اذا سكتتت وماقلت لها شي تقعد فوق رااسي لين اعصب وتهدا اعصابها وتجلس تدعي علي ...
لين اليوم كنت قاعده اكل ومبسوطه ومودي حلو شافتني كذا الله ياخذك يالفاشله يالقبيحه انتي اللي بياخذك بيطلقك ثاني يوم !!!
انا ماقدرت استحمل قلت لها اللي رضا انه ياخذك ويعيش معاك ٢٥ سنههه يقدر ياخذني واعيشش معااه عممرر الللي قبل بوجهك القبيح هذا بيقبل بوجهي القبيح وبيحمد ربهه علي ... انا اذا قبيحه لانك امي وطالعه علييك يالدبه يالقبييحهه حتى وانتي صغيره قبيحه ...
هذا كله قلته لها ... والحين مييته من الندم انا امي ماعمري جرحتها وبالعكس دايم اجاملها انها حلوه وانو جسمها حلو وهي مو كذا نهائيا بس اجاامل ماحب اجرح مستحيل اروح اقول لفلان انت قبيح ولا دب ؟؟حراام هو وش ذمبه ليه التجريح كفايه هو اللي فيه ليه ازيده؟؟ ..
بنات انا خايفه انها تدعي علي انو الله يشوهني ولا يزيدني قبح ولا تصير دبه مدري اخاف ربي يستجيب دعوتها .. بنات انا ماقدرت اكتم نفسي ولا اهصابها ماخلت فيني اعصاب والله العظيم كل يوم كذا نكد في نكدد عايشه بجحييم .. تكوون قولولي الحين انا رري بيعاقبني على كل كلمه قلتها لها؟؟ لما اراددها ماقدر امسك نفسي والله اني خاايفه من ربيي خايفه من سخطه علي ..
عطوني حلول عطوني اي شي اسويه الدعاء دايم ادعي انو الله يجعلني باره فيها بس اعصابي ماقدر امسكها ولما تقولي شي صايره اصرخ واراددهاا وارجع انندمم .. هل ردات فعلي هذي ربي بيحاسبني عليها 💔 ... امي ي بنات تحثني عالعقوق والله العظيم انها تتعمد تستفزني والمشكله دعواتها تستجاب والله انو عدم توفيقي بحياتي والتعسيرات اللي قاعده تصير لي انه بسبب دعواتهاا والله ي بناتت في امهات زي العسلل مع بناتهم وبناتهم قششراااتت واسلووبهم زيي الزفت مع امهاتهم بدوون اي سبب!!ومع كذا متوفيين بحياتهم امهم رغم تعاملهم معاها كذا تدعيلهم بالهدايه والخير !! .. انا وش اسوي بالله عليكم
مابيدي شي جربت كل انوااع الاساليب معاها مافادني شي ومرات كنت اببكيي قدامهاا وماتنهز شعره منها والله اني اشوف فوجهها ضحكه وتكتمها لما تبكيني وتقول اني قبيحه ... يعني حتى دموعي مارحمتها .. والله ي بنات ان هالدنيا ماعاد صرت ابي شي منها ماعاد صرت احلم وابني احلام وقصص ابي بس اموت وارتاح ماعادت الحياه تغريني ب اي شي ..
كمان حاجه ثانيه انا فيني امراض كثيره لاتعد ولا تحصى وتخيلو انها تجلس تعايرني ب امراضي ؟! يالعجووز اذا انتي بهالعمر وفيك هذا كله لو عجزتي وش بتصيرين .. انتي الله بلاني فيك ...
هذا كله اسمعه منها .. هل انا مرضت نفسي؟؟ هل انا خلقت نفسي؟؟ هل انا كتبت اني اكون بدون دراسه ومستقبل؟؟
كل شي تعايرني فيه ماهو بيدي ... اتمنى تعايرني بحاجه صددق تكون بيدي والله مابتجرراا اقول كلمههه بلعكس بعتذر بس كل شي تعايرني فيه ماهو بيدي وشي بالنسبه لي حساس يعني كفاايه اللي فيني ليه تزودها علي؟؟ امي على فكره متطلقه وابوي متزوج وحده ثانيه وعاد قصه ابوي وزوجته يبيلها موضوووع لحاله .. الحمدلله على كل حال بس والله اني كارهه حياتي ونفسي وماعاد ابي هالحيااه ...