هل سر استمرار السعادة بحياتك ... ان تبقيها سرا ؟ 🌷

بالنسبه لي شخصياً... نعم والله بلامبالغه اي أمر اكون سعيده فيه وأشاركه لأحد ينقلب تعاسه .. حتى لما اصور سناب اتعب كثير وتجيني المشاكل الصحيه الغير معروفه من كل مكان.. اقسم بالله العظيم اني كم مره اكون مسافره واصور سناب ماأكمل ساعات إلا والسفره متكنسله ونضطر نرجع أو بدال ما ننبسط نجلس من مستشفى بالثاني .. بعدين زوجي قال جربي لا تصورين وفعلا والله اسافر وانبسط وبعد ماارجع انزل الصور...

سبحان الله من شوي كنت أكلم ناس عن موضوع التصوير في السناب وجعل حياتنا كتاب مفتوح
الواحد يعيش شوي خصوصية وكتمان
جوال الكاميرا بلاء ونزل علينا
الحمد لله ما عندي سناب ولا انستغرام
سبحان الله وبحمده

لاتعلمين احد عن اي شي يسعدك سواء حاجة او اشخاص لان سبحان الله تروح من بين يديينك
قولي فقط حمد لله من غير تفصيل

نعم نعم نعم
استعينوا على قضاء حوائجكم بالكتمان
والشي الثاني الناس اذا دروا بالشي خرب
لا تعلمين كائن من يكون عن اي شي لا تقولين امي اختي صديقتي
النفوس تغيرت
عندي اخت توظفت وتصور دايم سناب كل شيء تصوره وتسولف مع قريباتي
عن كل شيء اهاوشها تقولي الحمدلله انا صريحة ووش اخاف منه وكل الناس توظفت ويطلعون مطاعم ويسافرون
جاها مرض بس تطيح وتتعب وتدوخ حللت بالمستشفيات مافيها شيء سليمة
حتى زوجها تجيب طاريه واقولها لا تجيبين طاريه تقولي سالفه عاديه هذي
وصارت مشكله بينها وبين زوجها بغت توصل للطلاق
والحمدلله حذفت السناب ومسكت لسانها عن الكلام
طبعاً اخذنا اثر وحدة من الحريم لاننا شاكين فيها
خليك غامضة محد يدري عنك محد مستانس لك

السلام عليكم ورحمة الله


لا بد لنا من اتخاذ الوسطية في هذا الأمر و خير الامور أوسطها
فلا نكن من المتطيرين فليس منا من تطير أو تطير له
و لا نكون من اللذين يفضون عن كل شيئ
فأكيد لنا خصوصيات تشمل أسرار غيرنا كالأزواج و الأبناء و الأهل


و السعادة تضل بالحياة والقلوب ما دامت تنبض بحب الله و رسوله
و ما دامت بغنى و زهد عن الدنيا
و ما دامت تجهز حالها للرحيل