MARIGOLD @marigold

محررة ذهبية

هل صحيح أن نوم العصر يعجز ...؟؟؟؟

سلااام مربع لأحلى بنوتات..... كيفكن؟
عزيزاتي ....انا من النوع اللي يحب ينام العصر ....وساعات الظهر و العصر سوا و يسهر في الليل...
فاضية شو اسوي لا ادرس و لا اشتغل..................:10:
بس:29:
بس:29:
بس اليوم امي عصبت علي :eek: و قالت لي معلومة غريب شائعة بين الناس القدامى و هي ؟؟؟؟

أن نوم العصر يعجّز....:eek:

يعني يخلي الواحد يبين عجوز اكبر من سنه بسرعة....:21:

و حتى قالت لي انها هي كانت تلاحظ هالشي لما هي تنام العصر و الحين بطلت هالعادة خوفا على شبابها....
ونفس الكلام سمعته من زوجة اخوي
هل هاكلام صحيح؟؟؟؟؟؟؟؟؟؟؟؟؟؟؟
أفيدوني علشان ابطل هالعادة والله يخافة تطلع لي تجاعين هنا و هناك و انا نايمة بالعسل ما ادري بالدنيا :eek:

تحياتي لكم

:35:

هذا الموضوع مغلق.

عفوفه • 22 سنة

ايه عليج والله انك طيبه بس حلوه نايمه في العسل هذي ههههههههههه

عالعموم انه بالعكس اشوف ان اللي ينام العصر وياخذ فتره راحه هي اهم للجسم وعلى فكره اخر مره قرأت في الجريده يقال ان سبب تطور الشعوب وتقدمها وخاصه المانيا اكتشفوا ان هذي الشعوب ما تفوت نومه الظهر يعني نوم العصر شئ طبيعي عندهم ويقال ان هو السبب في تقدمهم وبالعكس انه اشوف حريم وايد من اهلنا ما شاء الله صاروا جدات وهم تقولين في الثلاثين من عمرهم لكن ينامون العصر واذا ما ناموا يحسوا بألم في الرأس وما في دليل علمي اكتشف في ان نومه العصر تسبب الشيخوخه المبكره والله اعلم ، وعلي العموم نشكرك على طرح الموضوع يمكن في احد عنده معلومه ممكن يفيدنا وتحياتي لك يالغاليه

MARIGOLD • 22 سنة

عفوفة ... والله اسمج كشخة...:D
مشكووورة يالغالية علىالرد و التوضيح...
تصدقين انا احس ان كلامج منطقي
بعدين مادري ليش لما انام العصر اشتهي انام اكثر و اكثر..عكس الليل و الله نومي دايما مقطع ....
بس امي خرعتني بكلامها........
وانا احس ان نومة الظهر بالفعل مفيدة....بس مشكلة اللي ينام الظهر و العصر و ساعات المغرب ... حشى صايرة بومة ارقد في نهار و اقوم بالليل.....هههه
شو نسوي ... والله فاضين ما عندنا شغل....
تشكراتي و قبلاتي يا عمري...

اسيرة الأمل • 22 سنة

مرحبا اختى
الرسول عليه الصلاة والسلام حث على نوم الظهر وقال (قيلوا فان الشياطين لاتقيل)
اما نومة العصر فقد حذر منها رسولنا الكريم وقال بما معناه من نام العصر وقام مخبولا فلا يلومنا الا نفسه
وبصراحة الاحاديث عندى بالطب النبوى ولكن انا على وشك الرحيل الى بيت جديد بعد يومين والكتب بالكراتين اذا استقريت وطلعتها اضع لك الاحاديث الصحيحة
واسالى من له علم بالدين يعطيك الراى الصحيح
مع انى مااقدر استغنى عن نومة الظهر ونصف ساعة فقط بالعصر لكن ايش نسوى بالليل سهر والنهار نوم الله يعيننا:02:

MARIGOLD • 22 سنة

أسيرة الأمل ...
الف الف شكرا على الأيضاح جزاك الله خير....
مشكلة في الليل اقدر اسوي اشغالي... ملا اعمل حمام زيتي او كثيرا او اشيل شعري...و انا مرتاحة لان الكل نايم ... و خاصة اني لما اتحمم يكون الماء بارد مش مثل النهار يكون الماي يغلي غلي....
بس بحاول اغيره ....
وانا عندي كتاب الطب النووي لونة احمر متوسط السمك...بشوفه صار لي مدة ما اطلعت عليه
والله يوفقك و مبروك مقدما على البيت الجديد
تحياتي و شكري لك

عــــذايب • 22 سنة

مرحبا اختي MARIGOLD ..

اللي اعرفه القيلوله اللي كان الرسول ينامها هي ...
قبل صلاه الظهر وليس العصر ...وفيه حديث ما اذكره انشاء الله تلاقونه في كتاب الطب النبوي ...
يعني بالمختصر الساعه ( 11 ) ..
بس طبعا قيلوله مو تعني النوم من الليل الى هذي الساعه ونقول اخذنا القيلوله لا طبعاً ..
يعني الافود النوم من الليل الى صلاه الفجر...
وبعدها قضاء بعض الاعمال المتعلقه ...
يعني مثلاً ربه المنزل تخلص شغل بيتها في ذا الوقت انا شخصياً احس بهالوقت بركه وسرعه في إنجاز العمل ....
الى الساعه 11 تحسي جسمك تعبان ولازملك راحه لحتى آذان الظهر ...

اتمنى تلاقون الحديث اللي يستدل على ذالك ...وانا سابحث ...

ودمـــــــــــتم سالمـــــــــــــــــــين...

تقبلو خالص تحياتي ...
عذايب