هل صحيح الصديق وقت الضيق؟؟؟

السلام عليكم ورحمه الله وبركاته..
ودي افضفض لكم شوي لاني حست منكم كل المحبه والحنان والله يشهد اني احبكم كلكم يا بنات حواء:26:
كم مره جاكم احساس بالاحباط من صديقه كنت تحسبينها اكثر من اخت ويوم احتجتيلها وقت الشده ما لقتيها جنبك ..انا حصلي هالموقف يوم سافرت لندن وعرفت من الي تحبني والي تبيني لمجرد وناسه وهذره طلعات صدقوني بالغربه تعرفين بالضبط اجناس الناس:(
تصورو طول فتره اقامتي بلندن يمكن كلمتني على التلفون مرتين او ثلاث بالكثير مع انها يوم كنت بالديره ما يمر اسبوع ولا وهي تدق علي او انا ادق عليها وحتى بنتي صديقه بنتها والبنت بعد ما اتصلت على بنتي ولا مره ..يعني الواحد بالغربه يفرحه منو يتذكره صح ولا انا غلطانه...ولا انكر لها مواقف معاي ما انساها بس بصراحه ما توقعت منها هالصد كله..
.والحين انا ما بقى لي ارجع للديره هل تنصحوني اني ارجع معاها مثل اول او اغير معاملتي لها ..
يمكن طولت عليكم بس والله من الضيقه الي فيني ما عرفت شنو اسوي..
الله لا يطولها من شده على كل وحده تقرا الموضوع ويفرج هم كل مهموم آمين