هل فيه بديل لي الأندومي !؟

الاندومي لذيذ والحل لاتستخدمين بهاراته
انتي حطي بهارات من عندك وشطة وليمون
الاندومي مكون من قمح والمشكلة بمكونات البهارات المرفقه معاه
وبالعافية عليك

ممكن 👍

الاندومي مو كل يوم يتأكل ويمكن تمر شهور او فوق السنتين ما نشتريه
فما اشوف انه يضر اذا اكلناه بفترات متباعده اذا جاء في نفسنا
ومدري اذا يفرق الضرر من ماركه للثانيه لاني جربت نوع نودلز مثل الاندومي اسمه سلوبي والثاني نودي مدري من أي بلد بس اتذكر واحد منهم هندي بس طعمه مثل الاندومي
اما البديل السريع انا جربت مرتين الشعيريه اذا كان عندنا دجاج او لحم او حتى كفته زايده من اكلنا احط بالطاوه قليل جدا زيت زيتون ومعجون طماطم احركه مع الزيت وانزل فوقه الكفته مقطعه او اللحم واحط رشه خفيفه بهارات قرفه بصل بودره وملح ومويه مغليه حسب الكميه اللي احتاجها اخليه يغلي دقيقه ثم انزل الشعيريه بعد ما اكسرها نصين وخلال دقايق قليله تنضج مثل سرعة طبخ  الاندومي ولذيذه
واتوقع تقدرين تسوينها عاديه بالجبنه او بصلصة البيتزا الجاهزه وتضيفين مكونات على ذوقك مثل فلفل بارد زيتون فطر ذره اي مكون يعجبك
او اطلعي من جو الاندومي والشعيريه وسوي بيض بالزعتر جربته لذيذ وسريع مجرد 2 بيض مع 2 ملاعق مليانه زعتر وملعقه صغيره زيت زيتون تقدرين تستغنين عنها اخفقه واصبه بالمقلايه يتقلى على الجهتين واحط جنبه خيار وطماطم وشوي جبن
وامس سويت عشاء سريع لي بالشوايه الكهربائيه اللي نسخن فيها الخبز والتوست
جبت خبزه فتحتها قطعتين وحطيتها بورق الزبده بعد مادهنته بزيت زيتون وصبيت فوقها خليط مكون من 2 بيض 1 بصل اخضر مقطع وشوي بقدونس مفروم خشن وملح وزعته على النص الاول من الخبز وحطيت جبن شرايح وحطيت النص الثاني من الخبز فوقه ودهنته زيت زيتون وقفلت ورق الزبده مضبوط وحطيته على الشوايه الساخنه وغطيته وما يطول بسرعه ينضج لانه مجرد بيض بسرعه ينطبخ من الحراره وبالنسبه لطعمه يشبه المطبق

الله يديم نعمة ربي
مدري كيف تحبون الأندومي.
المكرونه العاديه إذا سلقتيها
مع جبنه سايله أو كريمة خفق
تعتبر وجبه سريعه
ولو عندك صدر دجاج تشوحينه في زيت وفلفل رومي وتضيفينها عليه
خلاص صار وجبه أفضل من الأندومي

ماتوقع فيه بديل
هو اسهل شي ولذ
حتى الاطفال يعرفون يسوونه