أنا أول زواجي دائما أزعل وأروح لأهلي مرة زعلت فيها اسبوع و مرة قعدت سنة ومرة شهر ومرة اسبوعين غير ثلاث ويومين وأربع أيام ولما كبروا عيالي صرت أزعل بالبيت أنا عندي واحد يقهر بلد وصبرت عليه عشان العيال والله حرت يوم تسوى عمر بس خلوها على الله

أنا مثل دلة المزايين
جدام اهله أو أهلي أضحك واسولف وارد عليه كأن عادي ومافيه شي، بس نرد شقتنا أرد أقفل حلجي مره ثانيه كأني وحده ثانيه مب اللي كانت برا، حتى صار يضحك علي ويقول: خلاص.. خلنا طول اليوم برا علشان تكلميني، وانا ماأرد عليه واكتم ضحكتي.
بس سالفة اني أشل ثيابي واقعد بيت أهلي أنا ما أتخيلها تصير الا بالمسلسلات والافلام.

لالالالالالالالالالالالالالالا الحمد لله مستحيل اترك بيتي هذا مش معناة انة ما في مشاكل زوجية ولكن العقل زين وش تكسب الزوجة من ترك بيتها
الله يهدي الجميع

حبيبتي أكبر غلط انج تطلعين من البيت مهما كانت المشكله لانج بطلعتج كبرتي المشكله زيادة و خليتي ريلج يآخذ منج موقف

الحمدالله ابد ما صارت و لاأفكر اسويها شوما كانت الأسباب
انا انسااااانة ابد ما احب حد يعرف او يلاحظ اني متضايقة من زوجي او صاير بينا شيء
احاول قدر ما اقدر ما اخليه حد يلاحظ علي
اذا عييت احل المشكلة ألجأ إلى صديقاتي طبعا مب اي وحده اللي احسها حكيمة ومتزوجه مثلي و تعرف كيف الحياة؟



والله يبعد عنا المشااااااااااااااااكل يارب و يحبب أزواجنا فينا

مشكوووووووووووووووووووووووووورات على الردود
واقدر ارائكن ... بس انا اقصد اللي زعلت من زوجها ترد علي وتحكيلنا عن معاناتها...لاني ابغي من ييصبرني ان من الممكن يرجع كل شي مثل ما كان....

ياليت اللي صار لها هالموقف ترد علي ... والله لا يجيب الزعل بينكن وبين ازواجكن يارب والله يسعدكن

الدنيا ربيع ممكن تجاوبين على الاسئلة اذا ممكن لو سمحتي؟؟؟؟