حاضر يا أختي والله يهديكم لبعض .
انا من أول شهرين تزاعلت مع زوجي بسبب أمه و هو طاير فيني ويغليني كثر عيونه بس سمع كلام أمه واول مرة كل الناس دروا بالزعل اللي بيني وبينه وهات يا كلام وامه تحكي وامي تحكي والناس زودوا الحكي وكثر الكذب والإشاعات وهذه غلطة انتشار خبر الزعل بين الزوجين وامه كانت تنقل له الكلام لدرجة إنه شوي ويطلقني بسبب الحكي وانا لو ما كنت حامل كان طلقني وخلصت السالفة قعدت عند اهلي سنة وما كان يجيني ولا يمد لي دينار وجاء عيد رمضان والضحية ولا همه وانا ما حاولت اتصل فيه ولا هو حاول يتصل فيني لما وصلت التاسع جاني جاب أبوه وأخوه وإخته وكلمني وكلموا أمي وطلبت من رضاوة ذهب بقيمة 2000 دينار وأمه ما جت وكملت شهري وولدت عند امي .
طبعا تعاتبنا على الحكي اللي وصله وإنه زعله وأنا نفس الشئ وكيف هو صبر عني وأنا صبرت عنه لازم فيه عتاب ولوم .
لما كنت عند اهلي كنت بعض المرات اشتاق له وبعض الأشياء تذكرني فيه واحن له لدرجة إني أضعف وينكسر قلبي واحتر اشلون هنت عليه لأني أنا وياه زينين حق بعض بس أمه والحريم خربوا بينا ديري بالك من الحريم ولا تطرين شئ حق أي وحدة .
بعض المرات احتاج فلوس واستحي اطلب من امي لأني طولت عندها .
وفيه اشياء انا ناسيتها بس إذا فيه شئ بالتحديد اسأليني وانا أرد عليك .
بعدين صرت لما أزعل ما أعلم أحد لأني صرت ببيت بروحي قبل عند امه وهي اللي فاضحتني واقعد لحد ما يجي هو مهما طولت القعده ولو احد سألني أقول اي شئ كل مرة عذر بس ما أقول إني زعلانه

مشكورة اختي الدنيا ربيع...الله يسعدك مع زوجك والله يسخره لك والله يحفظك اولادك يارب

بصراحة اشوفها صعبة كثير صبرتوا عن بعض سنة..انا كم شهر واحس اني تعبااااااااااااانة حيل واتصلت فيه وهو اتصل فيه ونختلف ما ننتفق... ونرسل مسجات عتاب... وما نوصل لحل..

بس كيف قدرتي تمسكين نفسك ... يعني ولا مره ارسلتي له مسج او حتى ما توصلك اخباره ... ؟؟؟؟؟

طيب هل كانت المشكلة تستاهل هالزعل ولا لا؟؟ لان سنة كثير بصراحة

وين تجارب الاخوات .... معقولة ما في وحده زعلت من زوجها....


((( الله يديم المحبة والله لا يجيب الزعل بينكم)))...........

لما تزاعلنا انتشر بسرعة إني زعلانه وبدأ القيلوالقال ولو محد درى ما طال الزعل وما كانت تجيني أخباره ولا إتصلنا على بعض وصارت السالفة عناد فهو يبيني أنا اللي أرد بدون ما يردني وانا كنت رافضة صعبة إني أرد بدون ما يجيني والله يقعد يعيرني طول عمري ويقول لي إنت اللي رديتي أنا ما جيتك وقدام الناس والله ما كثر إلا العدوان والحساد وانا لما صبرت صبرت عشان كرامتي وهي أهم شئ وفعلا لما رديت رديت معززة مكرمة وغصبا على اللي ما يرضى .
وبعدين قولي لي قصتك عشان أفهم

مشكورة الدنيا ربيع على تجاوبك الطيب