هل من الطبيعي عدم الرغبه في الجماع في الاشهر الأولى؟

طبيعي جدا جدا ولاتخافين وفهمي زوجك اذا زعل أو تضايق أنها فتره وتعدي ولاتنسين الحمل يلخبط كل شي فيج حتى مشاعرك.....................

طبيعي يا اختي 00
انا بحملي الأول كرهت زوجي لكن مو وايد00
لكن الحين بأول 4 اشهر ما ابيه يقرب يمي وما لي خلقه لأني كنت تحت تأثير الوحام والتعب والنفسية الله لا يراويج وبعدين الين الشهر السابع كان كل شي يتم بالغصب يعني ادوس على نفسي علشانه وبالي مو معاه 00 ومن السابع بعد ما ادري عنه وعسى ما يقرب مني الا انفر منه واقول له اعتبر نفسك في اجازه ولا تفكر بهالشي ابداً والحين انا بالثامن والمزاج زفت ولاني طايقته وما ابيه يقعد في البيت ولا يقرب مني واقوله روح دور على غرفة ثانية تنام فيها احسن لك 00

والشي هذا عادي لأن نفسيتي تعبانه وافكر وايد بالولادة والقلق والخوف ذابحني ولأني تعبانه وبحملي هذا ثقيلة وايد وما فيني شدة حق هالسوالف 00 وكل ما اشوف جسمي وشكلي استحي يشوفني00

يووووووووة انا كرهت حتى ريحتة ماتصورووووون مسكين جننتة معي ياعمري

بس لما يجي الخامس والسادس ترتاحين شوي ومن السابع وفوق الله يعينك على هم الولادة والثقل

بس تحملي

وان شاء الله تولدين وترتاحين وتتهنين مع ابو الشباب
تحياتي لك:26: :26:

الله يعطيكم العافيه ،ويجزاكم الف الف الف خير
طمنتوني بس رايكم اقوله شيء ولا بيفهمها من نفسه؟
ومزيد من التجارب لو سمحتو

في الشهر الاولى معروف ان الجماع يصبح هم على راس الحامل في الاشهر الثلاثة الثانية يتحسن الوضع كثير اما الاشهر الاخيرة الثلاثة فينتكس ويفقد الكثير من المتعة بسببحدود الحركة والثقل لكن ترا الوضع يختلف حسب الظروف والنفسيات