سبحان الله وصلنا الى زمن نسمع عن هذي العلاقات كل يوم تقريبا انا امس كنت احكي صديقتي عن وحده شاذه معي في الجامعه وكيف تجي تتلمس فيني وفي البنات وتحضن فينا وتمسك يدنا وطبعا صديناها وتهربنا منها لاني بصراحه ما اعرف وش اسوي معها غير اني ابتعد عنها لاني بصارحه اقرف من هذي الاشياء .. فقالت لي صديقتي ان عندهم كمان بنت بنفس الطريقه واليوم اقرأ المشكله هذي في المنتدى .. سبحان الله ..

انا اقول للأخت لاتستقيل وتخسر عملها بس تحاول تتاكد من الموضوع واذا تأكدت بشي واضح غير الأحضان تعمل الطريقه اللي قالوا عليها البنات انها تكتب ورقه وترسلها لهم باي طريقه يمكن ينفع واذا مانفع لكل حادث حديث ...

شذى السوسن + عديـــــل الروح

كم أسعدني تفاعلكما معي و (سعة صدوركم علي ) ..
<<--- دعلللللله :23:

عزيزتي و غاليتي شذانا شذى السوسن
دعيني اوضح لك ما كتبت ..
شوفي يالغلا .. انا لمن بديت أتكلم عن مسألة المحبه بين الصديقات و الأخوات كان ردي على جملة اختي الغاليه و العزيزه (عديل الروح) لمن قالت (من متى كانت المحبه بين مراءه و مراءه والعكس فيه شي اسمه معزه احترام) و ليس ردا على موضوع الاخت حاملة القرآن ...
هذي نقطه و النقطه الثانيه ..
انتي لمن تقرين جمله (عديل) شنو تفسرين معناتها ؟؟؟
معناتها ان ما في محبه بين البنات بتاتا .. وانا سبق و اني وضحت شنو أقصد بالمحبه ..
بمعنىىىىىىى
انها ( نسفت ) أي محبه بين البنات ....
و بمعنى آخرررر
ان تعليقي على الاخت (عديل الروح ) ما كان تبرير للمشكله المطروحه (المعلمه و الناظره)
لا لا لا لا لا طبعاااااا
كان تعليقي على كلمة الاخت عديل و اهي (انه يوجد محبه بين الصديقات) يعني عكس اللي قالته عديل ..
ما اقصد المحبه اللي توصل للشذوذ و العياذ بالله طبعا لا
ولو لاحظتوا اني قلت بردي (اني بطلع عن الموضوع المطروح للرد على الاخت عديل)
يعني ردي ما كان يتعلق بالمشككله المطروحه بتااااااتاااااا ... وانما لأني حسيت بكلمة عديل (لا يوجد محبه بين المرأه و المرأه) فيها ظلم بصراحه و اتهااااااااااام ..

ولو كنت فعلا ابرر موقف (المعلمه و الناظره ) فعلا ... كان ما شفتيني كتبت في بداية ردي
(الحمدلله الذي عافانا مما ابتلاهم به و فضلنا على كثير من خلقه تفضيلا ..)

و ايضا ذكرت لج بعض الاشخاص اللي نحبهم و اعتقد انكم مثلي تحبونهم :)
......
و ايضا كان كلام العزيزه عديل ..
ان أي محبه بين الصديقه و صديقتها (لاحظي اني قلت اي محبه مو علاقات مشبوهه) تعتبر تعويض عن محبتها لرجل في علاقه محرمه (لا سمح الله) .. مثل ما قالت عديل ..

....
فكلام الاخت عديل كان معناته ( و اهي كتبت هالشيء نصا ) انه لا توجد محبه بين البنات او العكس و انما توجد معزه فقطططططططططططط و إن وجدت فهي تعويض عن حصول علاقه محرمه !!!!

و هل هذا الاتهام برايج معقووووووووووول؟؟ علما بأنها قالت (محبه) يعني المحبه في الله و ليس العشق ...

و انا برهنت لها ان في حدود الشيء (الطبيعي) توجد محبه ولكن نكون في سياق آخر اذا تكلمنا عن المحبه (الغير طبيعيه) او العشق مثل ما ذكرتي بين الاشخااااااص أو بالاخص المرضىىىى (عافانا الله و اياكن)

أيضا اهي كانت معترضه على مسألة الهديــه ..
و الهديه ممكن تنهدا في اي وقت .. وانتي قلتي ان البنات يتهادون في عيد الحب فأنا ما تطرقت لهالشي و لا قلته لأن اساسا موضوعي ما يتكلم عن العلاقه المشبوهه و انما الحب في الله ..
فشنو علاقة ربطج بالهديه في عيد الحب بردي؟؟؟؟؟؟
علما بأني قلت تهادوا تحابوا .. مو تهادوا في عيد الحب :32:
..........

يمكن اختي شذى ما قريتي رد الاخت عديل (عدل ) و ردي بالنص (عدل ) :)
علما بأني عزيزتي في الكليه و ايضا نسمع باللي تقولينه ..
لكن الكلام اللي انا قلته غيـــــــــــــر و الكلام اللي انتي تقصدينه غيـــــــــر تماما .. و بالطبع مالهم علاقه بتاتاااااااااااا ...
لو تكرمتي غاليتي .. اقري ردي السابق من جديد و بتعرفين عدل انا شنو مقصدي .. :06:

و مشكووووره لسعة بالج انتي و عديييييييييل

و انتظر ردج أو رد عديل مع تمنياتي انج تكونون فهمتوا شنو اللي اقصده :)
و ان الفكره تغيرت لعديل بخصوص المحبـــــــــه و اقتنعت بوجود المحبه في الله بين الناس جميـــــــــــــــــــعا ( محبه + معزه + تقدير ) يعني هالثلاث عناصر مطلوبين و لا يمكن نستغني عن عنصر المحبه :)
اكرر اني قلت محبه و ليـــــــــــــس العشق :27:
...
أعتذرررررررررررررر على الاطاااااااله

و إلى تلك العوده
تقبلي مني انتي و عديل هذه الورده :26:

إذا كان ما تقصده الأخت صاحبة الموضوع
أن بينهم (منكر) ... فهذه قضية أخرى .. وساعتها أميل إلى رأي الأخت:


ما حد علّق على كلامي هل معناه أنه واضح وأنه تمام؟!
أرجو ذلك :)

بنات وينكم ؟
صاحبة الموضوع؟

كلامي اللي كتبته.. أشعر بأنه نظري وغير مناسب لهذا الموضوع!!!

وجوده بهذا الموضوع بالذات قد يـُـفهم على غير ما قصدت!!

حسيت لما قرأت كلامكم يا بنات .. إني عايشة بالمريخ .. وأتفلسف من بعيييييد....

ما أدري وين يتوديني نظرياتي وافكاري الحلوة ؟!؟ :17:

ما تلاحظون شي؟؟؟

من الصبح في هذا الموضوع ... قاعدة احاكي نفسي!!! :(

<< على وشك أنها تتعقد من المشاركة والردود << أزين كخخخخخ