اختي اما فكرة انها تستقيل عشان خطا غيرها هذا خطا منها
واذا في علاقه غلط بين هذول الاثنين ممكن تكلم سلطه عليا اعلى من المديره بارسال خطاب يبين هذا الشيء
انا اللي اعرف انو لو كانت في معلمه في بنات معجبين فيها ومسوين علاقه معها ينقلونها من المدرسه فكيف لو عرفو ان العلاقه بين معلمتين ماراح يمشون الموضوع وكيف وهذول هم قدوة البنات

أختي الغالية (بسمة للأبد) كلامك منطقي وعقلاني جداً ولذلك لم يكن يحتاج للنقاش ولوكنت املك التعقيب على ردك لماترددت منذ البداية ولكن التعقيب كان من حق صاحبة الموضوع حاملة القرآن

أختي وغاليتنا( الغالية بالحيل) رجعت وقرأت كلامك وكلام الأخت (عديل الروح )كما طلبتي ووجدت أن كلامك مكمل لكلام الأخت عديل وإن كان كل وحدة تكلمت عن جانب معين
فالأخت عديل تكلمت عن جانب العلاقة السيئة بين الفتيات ويتسترون خلف قناع الصداقة ولكنها لايمكن ان تكون صداقة لأن هذا النوع من الصداقة ينتهي بالسرعة التي بدأت بها فاأنا والله الذي لا إله إلا هو كنت أرى مثل هذي الأشياء وتحدث بيننا جميعا وفي قاعة المحاضرات ويبدأ النزاع والشجار حتى يصل للضرب والسبب إن إحداهم قد جذبتها فتاة أخرى فتسربت نار الغيرة إلى الثانية وتصرخ عليها أمام البنات وتقول لها(((( ياخاينة )))) وضعوا على هذة الكلمة الف خط
اما بالنسبة لكلامك ياأختي الغالية صدقتي ولكن ربما أني تسرعت في ردي ولكن عندما لم اراك علقتي على الموضوع ورديتي على الأخت عديل ضننت أنك تنفين أن هناك علاقة مشبوهه بين بعض البنات والعياذ بالله
فأنت تكلمتي عن الحب الصادق الذي عبرت عنة أختنا عديل بمعنى المعزة وكل إنسان وله طريقتة في التعبير
وفي النهاية نستنتج من كلامك ومن كلام الأخت عديل أن هناك حب بين الصديقات ولكنه الحب الصادق الذي أمرنا به النبي صلى الله علية وسلم ...........وبكذا نكون أتفقنا :27: :26:




أختنا (حاملة القرآن ) ننتضر ردك مافعلت صديقتك ؟؟؟؟؟؟؟؟؟؟؟؟

انا من رائي

مالها شغل فيهم!!

تترك وظيفتها علشانهم !! خير هي الخسرانه
احنا اهليه ونتمسك فيها

:27:
هي لا تحتك فيهم

انا تعرضت لمثل هالمشكله
لا والمشكله كانت بنت صاحب المدرسة والمسؤله عن شئون المدرسه
هي اللي كانت تحاول معاي وتسوي لي حركات بجد ما كانت فاهمه معناها !1
وبالصدفه كنت اسولف لصديقتي
اضافه الى ان وحده بالمدرسه من القديمات فيها طبعا انا كنت توني جديده
القديمه هذي الله يجزاها الف خير
كلمتني وقالت انا اعزك وحسيت انك محترمه وباين عليك مو فاهمه حركات فلانه

وانتي ما تسمعينه اشلون تتكلم عنك معانا !!
اشلون طريقة نظرتها لك !!
ترى الكلام اللي اقولك لو ما كنت واثقه فيك وباخلاقك وانك بنت ناس وماعندك هالسوالف كان خليتك وماعلي منك !!بس شكلك صغيرة ومن جد مو فاهمه
طبعا انا فهيت !!!!؟؟؟؟؟============== الى الحين اذكر كلامها

قالت كل اللي اقدر اقولك حاولي قد ما تقدريت تخففين احتكاكك فيها
واذا تقدرين لاتقعدين معها كثير
وخليك بشغلك
!!طبعا بعد ما قلت لصديقتي
فهمتني الوضع اكثر
وصرت اخذ الحذر

الى ان ملللت مني !!وفقدت الامل !!تخيلو لدرجه انها جابت لي هديه بمناسبة يوم الحب المزعوم وكانت تسلم علي بحركات غريبه !!!
ماعلينا

الحمد لله هذا والموضوع بيني وبين بنت صاحب المدرسه !!

فانا اقول لاختك مالها شغل ودامهم راضين بالوضع ومن زمان على كذا فنصيحتها ماراح تأأثر فيهم
لان هالمديره اللي هذي تصرفاتها
مو بعيده تطلع هذي الاخت هي الغلطانه او تسوي لها شي يضرها
يعني لا ترفع تقرير ولا شي!!

وعذرا طولت عليكم

أنا مع الأخت الحب في الله في معظم اللي قالت خاصة ان المديره هي اللي ماسكه المدرسه وتدير شؤونها وتوجه الطالبات وتحافظ عليهم حتى ينشأ جيل صالح ، بالله وين ينشأ جيل صالح وهذي هي مديرتهم وأخلاقها كذا بهالسوء وفيه معلمات سيئات ووصل مستواهم لهالمستوى المنحط ( ما أحطهم بذمتي بس حسب اللي قريته من صاحبة الموضوع)، وأنا ما أنكر أنها بتتعب في البداية لما شافت الموقف وانصدمت لكن تخلي وظيفتها مره وحده اعذريني أقول دامها نصحتهم ولا فاد فيهم لا تحتك فيهم أكثر والله هالزمن يخووووف ويتبلونها بعد واللي ما خافوا على نفسهم وصانوها ما راح يهمهم ضرر أحد ، وممكن تقدم شكوى لجهات أعلى ( من دون ما يعرفون من اللي رفعها) عن سوء أخلاق المديره والمعلمه اذا هي حابه ومقتنعه طبعا وهالجهات يبعثون اللي يتحرى حتى مايظلمون أحد لأنها يمكن تكون غلطانه بفهم العلاقه ( واللي ما شاف ما يقدر يجزم وينفعل بقوه مثل اللي يشوف الموقف)............واذا ما تبي تتدخل تبعد عنهم قدر الامكان ولا تقرب لهم الا عند الضروره ...................والله يستر علينا وعلى بناتنا وبنات المسلمين ، زمن يخوف من جد ونسمع فيه اللي يشيب الراس...:28:

لاحول ولاقوة الابالله العلي العظيم
مانعرف ملابسات الموضوع تماما مع احترامي لكاتبته 00
ولكن (احسنوا الظن )
ولاحول ولاقوة الابالله