الجامعة تغير حياتك ١٨٠ درجة
تغير طريقة تفكيركِ وكلامكِ وتعاملكِ مع الغير
تقابلين فيها كل الأجناس وتعلمكِ كيف تتعاملين معاهم
وتفيدكِ في مساعدة أطفالك في دارستهم
وفوق هذا الوحدة ما تدري متى تحتاج الوظيفة
حتى لو حالياً مو محتاجتها بس بكره في علم الغيب

الشهاده امان وسلاح محد يضمن المستقبل 
وصارت قدام عيني وحده تزوجت و تبهذلت بحياتها حتي صارت تبيع اكل عند بوابات المولات الين الحمدالله السنه اللي فاتت انقبلت بجداره تقول الحمدالله عزيت نفسي وعزيت عيالي من سؤال الناس 
مع العلم انها ولا بلحظه جا ببالها انها تتمرمرط هالممرطه بس الدنيا قست عليها

الحمد لله ليش اتعب نفسي
واخذ الشهاده الجامعيه اذ بقعد فالبيت اقعد من اولها وخلاص اريح
الحمد لله فاهمين الجامه والدراسه غلللللللط
اصوم اصوم وفطر على بصله

خطاء

البنت الجامعيه تختلف بالتفكير والكلام والتعامل مع الناس حتى مشيتها وكلامها وقعدتها غير

تحسينها مثقفه واعيه راقيه الحين نحن صارت الجامعه تساوي الثانوي والحين البنات كلهن خلصن

ماجستير وعينهن على الدكتوراه كملي اختي العلم نور :smheart:

الفكرة من الاساس غلط
الشهادة مو للوظيفة 
و لا هي برستيج
احنا مسلمين و ديننا يقول اطلبوا العلم من المهد الى اللحد
و اطلبوا العلم و لو في الصين
ما في شي اسمه اكتفيت
هذي نقطة

النقطة الثانية محد يقدر يضمن الظروف و الشهادة ضمان للمستقبل
ادري راح تقولي ما في وظايف و الخريجين قاعدين ووووو من هالاسطوانة المشروخة

بس دوام الحال من المحال
مثل ما احنا ما نقدر نضمن دوام حال الرفاهية الا عايشينها ايضا حال البطالة في البلد الا ما يتغير و الا ما تتحسن الفرص

خليني اسٲلج 
هل انتي لما تقولين اكتفيت مقتنعة 100%
بكرة لما عيالج يدرسون مناهج غير اللي درستيها ما فكرتي شلون راح تتابعي دراستهم؟
مو بخاطرج تتعلمين و لا مجال؟؟
مو بخاطرج تتعلمين لغة ثانية؟؟
مو بخاطرج تعرفين شلون الدنيا ماشية؟
اليوم كل شي يتغير بسرعة البرق
برامج الكومبيوتر
الاجهزة 
الحياة تتغير 
و كل شي يتطور
هل انتي مقتنعة انج ما تبين تواكبين هالتطور؟؟