شجعني كلاااامكم
ودي اسجل في الجامعة ولي 10 سنوات جالسة في البيت
هل يمديني ارجع? هل انقبل والا لا ?
نوروني نورالله حياتكم

لا يااختي مو برستيج
الشهاده تاخذينها عشان الوظيفه واذا مافيه ببالك تتوظفين تشيلينها للوقت اللي تحتاجين فيه الوظيفه
اختي قبل 13سنه تخرجت وبتقدير حلو لكن رفضت التقديم لانها ماهي محتاجه وماتبي الوظيفه مع ان الوظايف بهذاك الوقت متوفره وكل سنه نقنعها وتقول ماني محتاجه
بعدها عيالها كبروا وصارت بينها وبين زوجها مشاكل وصارت تدور الوظيفه دواره والحمدلله توظفت عقب هالسنين
فالشهاده ماهي برستيج قد ماهي للوقت للي تحتاجين فيه ﻭﻇﻴﻔﻪ

ابصراحه اي وحده في الزمن هذا ومعها ثانوي وبس
انظر لها بانها جاهله مع الاسف
وبعدين لو اخذتي الجامعه ولو بعد عشر سنوات تمنيتي الوظيفه بتقدرين تتوطفين

لكن ماتقدرين بعد عشر سنوات تدرسين مثل دراستك بعمرك هذا

ولنفترض انها زي ماقلتي واجهه اجتماعيه .. ماسالتي نفسك ليش صارت واجهه اجتماعيه وليش الناس توجه وتحترم او خلينا نقول تحط قدر اكبر للي معها ماجستير او دكتوراه ؟ او بمجتمعات يعاملون البكالريوس نفس المعامله؟ ببساطه ياعزيزتي الانسانه الي معها شهاده عليا اي كانت تعتبر انسانه مثقفه طريقة تفكيرها تختلف عن الانسانه الي تصل لمرحله معينه وتقول اكتفيت الانسانه المتعلمه ذات الدراسات العليا اختارت مجال وابدعت وواصلت فيه فتلقين نمط تفكيرها في كل مجالات الحياه مو بس بالدراسه حتى بحياتها الاجتماعيه وعلاقاتها العامه والخاصه تلقين طريقتها غير تتعامل بذكاء ووعي وتدرس قرراتها بكل شي ولها حضورها وتاثيرها على المحيطين ومن كذا صارت لها واجهه اجتماعيه ، طبعا الله خلقنا نؤدي رسائل مختلفه بالحياه واعطانا ادوار نعيشها وكلٍ ميسر لما خلق له يغني تفوق الشخص في مجال معين لايلغي ابدا نجاحات الاخرين ممكن انسانه اخرى ماتستهويها الدراسه لكنها وصلت اعلى مراحل التفوق والابداع في تربيتها لابنائها او تفوقت في علاقاتها الاجتماعيه واخرى تفوقت في حياتها الزوجيه ....الخ