هل يجوز الي اسويه

السلام عليكم
انا عندي خادمه لها سنه و ثلاث شهور سبق لها العمل في قطر فلبينيه تعرف لكل شي
من اول ما جتني وانا الاحظ استهتارها بأغراض البيت يعني اَي شي ماتعرف وين مكانه ترميه في الزباله ماتجي تسألني عنه
ملابسنا بدون مبالغه كلها خربتها تقطعت والجديد كأنه ملبوس له اكثر من سنتين ما ادري وش تسوي بملابسنا عشان تطلع كذا معدومه
الملابس الغاليه اقولها تغسلها على يدها لكن تحطها في الغساله وخربت سواء ملابسي ولا ملا بس بناتي
صرت انا اغسل بنفسي الملابس كلها
النقطه المهمه هي انها خربت اكثر ٢ مكوى ملابس يعني مرتين اشتري جديد
خربت الفرن بكبره وشرينا واحد ثاني
خربت ٣ اجهزه طاحونة قهوه
خربت ٢ خلاط
خربت خلاط الشوربة
خربت مكينة تيفال للقلي بملعقة زيت
خربت ٢ ميزان إلكتروني تصب عليه المويه في الحمام وانا مفهمتها انه وقت غسيل الحمام تطلعه برا او ترفعه ع الرف الي داخل
خربت الغساله وكسرتها
زوجي دخله محدود مايقدر يشتري بدال الأجهزه هذي كلها
وزعلان ومعصب يقول مو حاله انا اشتري وهي تخرب ببساطه
ويبي يخصم من راتبها لانه نبه عليها مليون مره وفهمها انها تحافظ على الاغراض عشان ماتنخصم من راتبها
بس لاحياة لمن تنادي مستمرة في الخراب وكأنها عارفه ان محد بيخصم من راتبها وانه مجرد كلام


الحين انا متورطة بالاجهزة مطبخي صار فاضي كلمت زوجي يجيب لي ع الأقل خلاط للطماطم وطاحونة قهوه حلف وأقسم انه مايدفع ريال واحد وانه اشترى قبل كذا وهي تخربهم لازم هي تتحمل الخطأ الي تسويه
وانا خايفه يكون حرام مع ان والله العظيم ان ما مر علي شغاله فيها خبث ولئامه مثلها حتى ما يهمها ان احد يهاوشها المهم راتبها تاخذه كل اخر الشهر كامل
زوجي مسوي مشكله يبي يوديها للمكتب بس قبل لاتروح بيخصم عليها ويقول هذا حقي لأني نبهتها كثير وشريت اجهزه اول مره بدل الي خربتهم وهي ماهمها ورجعت وخربتهم مره ثانيه والله لاخليها تدفع انا اشتغل وأتعب مثلي مثلها ما اجيب الفلوس من الشارع طبعا هذا كلام زوجي


وانا انسانه اخاف من الشغالات اخاف تدعي على عيالي
وف نفس الوقت بيتي فضا من الأجهزه الي كانت تساعدني


شورو علي وش السواة