شكرا لك شذوا
انا اتصلت على الكنيسه وكان الدفع علي السمستر ثمنيه دولارات فقط
والحضانه عشره دولارات يعني شىء رخيص جدا
ومافيها شهاده عباره عن عمل تطوعي ولافيها اختبارات ولا حضور ولا غياب مجرد محادثه

أنا أشوف ما فيها شي .. بس تعرفين ايش المشكلة؟ أول ما جيت أمريكا أخذت التوفل بس المحادثة ما كانت تمام عندي .. ورحت أدور على conversation partner ولقيت بنت حبوبة وصرت اتقابل معها كذا مره بالأسبوع .. بعدها عرفت إنها من النشيطين مره في موضوع التنصير وتروح لأفريقيا وغيرها بغرض التبشير ... بس الصراحه ما ارتحت معها أبدا لأن كل كلامنا كان عن الدين .. وكان عندها حماس و دايما تسوي مقارنات بين ديننا ودينهم .. وبصراحه الوضع ما كان مريحني فتركتها ..
الخلاصه من هذا كله .. لو حصل ودرستي في الكنيسه حاولي تكون المحادثة بعيد الدين و تكون في امور الحياه العامه ....... والله يوفقك يا رب

شكرا يا ضى انا ناويه ان شاءالله اجرب واذا لاقيت انهم بيتكلموا عن دينهم راح ابطل وبعدين انا ارسلت اميل للشيخ العوده وراح اشوف ايش رده ان شاء الله

طيب فيه مدارس مجانيه لتعليم الانجليزي انا بكاليفورنيا وموجوده هنا بكثره .
لان المكسيكان اغلبهم مايعرفون انجليزي وحكومة الولايه متكفله بهالمدارس عشان تشجعهم على تعلم اللغه .

دوري بولايتك يمكن فيه احسن لك من الكنيسه.

بنات مو كل شي اسألي شيخ
اليست لنا عقول نقيس بها الأمور
لقد صلى سيدنا عمر رضي الله عنه على باب الكنيسة ولقد طلب منه الراهب ان يصلى في الكنيسة ورفض عمر رضي الله عنه وقال للراهب ((( والله لو صليت في الكنيسة لأخذها المسلمين منكم يوما ويقولوا : هنا صلى عمر))) فصلى على عتبة الكنيسة وكتب صك لراهب الكنيسية بأنه لا يجوز للمسلمين للمطالبة بالمكان الذي صلى به عمر

فاذا راى عمر رضي الله عنه جواز الصلاة في الكنيسية ولكنه خشي ان يأخذها المسلمين عنوة من المسيحين
فلا ارى باس من الدراسة بها
والمسلمين يستأجروا الكنائس ليقيموا صلاة الجمعة والأعياد بها وقد يشتروها ليحولوها لمساجد فلا أرى باس في دراستك بها