الله يعوضك حبيبتي بالافضل قدامك رمضان شدي حيلك واجتتهدي واستغفري وتصدقي

سالفتك تشبه سالفة اختي وسبق وذكرتها هي عمرها 26 داخله 27 تقريبا الزبده كم مره تنخطب ومايصير نصيب واخر مره جو ناس شافوها الام والاخت وطاروو فيها ومشاء الله هذي اللي يبيها ولدي والاخت تقول هذي اللي يبيها اخوي وعشموها وحتى دقوو عليه قدامها وقدام امي ابد لاتشيل هم زي ما انت تبي تخيلي حتى سوالف العرس والمهر والقصر تكلموو فيها لدرجة ان اختي تعشمت مرره لما وروها صورته المهم انا كنت اقول لامي انا مارتحت وحاسه انهم بيصدمونها لان الاهل غير عن نظرة الرجال وكنت اقول لامي لاتخلون الاهل يجون لازم الرجال اول ماله داعي التعب النفسي هذا تقعد البنت تنتظر على اعصابها المهم بعد يومين جا الولد ودخلت عليه وطلعت وهي قلبها قارصها قالت شكلي ماعجبته قلنالها ليه قالت واضح من نظرته للي المهم بعد اسبوع دقت اخته وهي منحرجه معليش ماجازت لاخوي واحنا والله شارينكم بس وش نسوي بشباب هالايام امي عصبت قالت مدام انكم عارفين شباب هالايام وذوقهم ليه ماخليتوه هو اللي يشوفها من الاول مو تجلسون تعشمونها عالفاضي ومن بعدها اختي كرهت سالفة الزواج وطاريه وكل من دقت على امي قالت لها حريم مابي يجي هوو يشوفها بعدين انتوو ومعاد يدقووون وانتي اتبعي هالنظام اللي يخطبك خليه يشوفك اول سالفة الاهل ارفضيها تماما لانهم يطلعون ستين عيب فيك

خيره اختي الحمدلله انتي صحيني الاستخاره

سمو العزيزه
صار لي مثل اختك بالضبط جد والله حتى البنت الحديديه تتاثر ..
مره جتني حرمه مع بنتها يخطبوني لولدهم
الام خلت بنتها تلتهي مع امي بالسوالف وكلمتني على جنب تقول ترى ولدي نبي له بنت مدري مين المهم لمحت لي انها موراضيه عني وتبي تساير ولدها وجتني عشان تطفشني...من يومها وانا كرهت شي اسمه اهل يجون ...
بس وش نسوي ...الحريم كذا طبعهم
وانا والله لو بيدي هالامر ماخليت ادمي يخطبني الا لمايجي يشوفني بنفسه
ليتني انرفض من الرجال نفسه
لااا ..الحريم يردني بسبب غبي حسب وجهة نظرهم ..
انا والله ماازكي نفسي وماامدح نفسي لكن نصيبي من الجمال معي والحمد لله..
الرجال تشرط بالخصر والوزن وكللل شي وانا على طلبه بالضبط
حتى انه يسال صاحبتي عن البيت اذا برضى بشقه لانه مايقدر يوفر فيلا
وكمان يقول علمي البنت اني مااقدر اوفر خدم وسواويق مثل ماابوها موفر لها
وانا والله راضيه وصابره وماعندي مشكله فوق كل قصصه الغبيه والتافهه بس
انقهرت من حركة اخته ...لوهوردني ارحم لي
لاني واقعيه ومنطقيه ومااحب انظلم من احد ..
تخيلي اخته تقيمني ...لكن هين المره الجايه ماعاد بستقبل اي احد الا بعد مايجي هو يشوفني بنفسه ...
مع ان الرجال ابد ماكان يبي اخته تجي يقول انها ماتعرف بامور الخطبات والزواجات وكذاا بس اهلي اصروا يتاكدوا من انه معلن زواجه عند اهله ..
اللهم لك الحمد من قبل ومن بعد ..
اشكر ردودكن جد والله تخففوا عننا ...ربي يسعدكم

غريبه ....




انا قلت اهلي مصرين احد من اهله يجي ..
الرجال هو مايبي يجيب احد الا لمايشوف وهو بلسانه طلب هالشي ...بس اهلي اصروا..
وامه انسانه مريضه وكبيره بالسن واهله كلهم بمدينه ثانيه ...وتراهم كلموا امي من هناك اخته الكبيره وكمان زوجة اخوه يعني اكيد مابيخطب الا بعلمهم ..فحاولي تهدين اعصابك
ثانيا اخته يوم جت بلسانها قالت احنا امي عودت اخواني يخطبون بانفسهم احنا بس نجي نشوف كتحصيل حاصل وحتى امي زمان بزواجة اخوي الاولى ماتدخلت هو الي اختار وشافها واتفق مع اهلها وكللل شي ..
ف ليه تعصبين ..!
وتراه جا لي بناء على مواصفات كثيره كان شارطها بزوجته وكلها فيني باستثناء واحده وهو عارف بهالشي ..ماحد كذبه ..
وانا مومتحامله على احد ..
الرجال كبير بالعمر مومعقول يحكم علي من كلام اخته ...
وترى كل هالكلام قلته بمشاركاتي السابقه ..اقري كلامي زين ..
انا ماابغى ارمي نفسي عليه ...بس تضايقت انه يعرف اشياء كثيره عني وعن طبايعي وبالاخير يخلي اخته تقرر عنه وهو اصلا يقول اختي ماتعرف شي وانا مااحتك بها مره بس عشان اهل البنت شرطوا حد يجي من طرفي قلت اخذها ..وهي الوحيده الي تقرب له هنا ...لان اهله بمدينه اخرى ...
بخصوص انه منتف ...انا قلت انه مو بمستواي المادي لكن وظيفته ماشي حالها ومسالة قبولي لماديته فانا وحدي من يقررها..
ولاتنسين ان في اشياء الاهل مايوفروها للبنت ولكن الزوج يوفرها
وموعشاني لاقيه اكلي وشربي معناته اتجاهل الفطره الي فيني وفيك ...تفكيرك غريب ...




اشكر لك مرورك وجزاك الله خير